Daniyɛl 2:30 - Ghena ta Shala

³⁰ Ma 'ya le ŋa ɗa ne, nahe ghena nya mbe shiwə nya tewəfərə ta ŋa kencɛte ɗa geva. Ndagwara kenza 'ya ntsehwele ma ke kwete wəndə we, ama kezha ncɛte ghena nya mbe shiwəa ŋa mbeli ba'a kezha ɗepete wəsə nya keyirə ŋa na.

Daniyɛl 2:30 Iomraidhean Croise

Gha ta Wəshi 41:16

Ma ke Zhozɛf sha Farawon: «'Ya ŋkɛ we! Shala nde nza kancɛte ŋa ghena nya mbe tiɗiɗi.»

Cimə 139:2

nahe na keɗepe vəa ntishɛ ta ɗa ba'a sate ta ɗa. Mpelɛa ma na ɗepe yɛ zəzə ta ɗa.

Ɛzayi 45:4

Tewəmbəreke nde mene slene ta ɗa Zhakob, Israyɛl nya ntave 'ya, hekakɛ ŋa 'ya le sləa ŋa. Nahe 'ya kendeke ŋa zləvə, ndagwara kaɗepe ɗa na we.

Daniyɛl 1:17

Pa Shala ndeke nda ɗepe wəshi ba'a zəzə ghena laka ghena ba'a ntsehwele ke ka mempɛhwetɛti nyi wəfaɗe nyi. Ɓiyitsa ne, wərə Daniyɛl kafave pɛtɛa wəshi nyi ketemene geva ba'a pɛtɛa shiwə.

Daniyɛl 2:47

Kwa sebe ta ŋkɛ, ma ke sha Daniyɛl: «Kaganda ne, Shala ta ŋayɛ ya kaShala ta yɛ shala, kaNde sleke ka meghea kɛfi ba'a kande ncɛ wəshi nyi tewəfərə. Kwa nza ŋkɛ ne, nahe na kencɛte ɗa wəsə nya tewəfərə nya.»

Daniyɛl 2:49

Pa Daniyɛl 'yɛwete va meghe kezha ve nda slene nya mbe sla ta hɛɗia Babilone ŋkɛ ke Shadrak, Mɛshak ba'a Abɛd-Nɛgo. Ma Daniyɛl le ŋa ŋkɛ ne, nahe ŋkɛ kenza kande ncɛ ntsehwele kwa degha ta meghe.

Amos 4:13

Kwa nza ŋkɛ ne, gheŋkɛ nde pate yɛ ghweme, nde pate sefə, nde ncɛ nda zəzə ta ŋkɛ ke wəndə ŋelɛ nde zhɛre viɗi kaveci, nde dzeghwa dzeyi kwa ghəa wəmbə nyi te hɛɗi. Shala Mahwətə nde berete ya kasləa ŋkɛ.

Matiye 24:22

Ma ya keɗema Shala kentamte hɛa shɛhɛ ne, nza wəndə shɛ kambele we. Ama nahe ŋkɛ kentamte hɛ kezha mbelia ŋkɛ nyi tsehave ŋkɛ.

Mark 13:20

Ma ya kaɗema Mahwətə kentamte hɛa shɛhɛ ne, nza wəndə shɛ kambele we. Ama nahe ŋkɛ kentamte hɛ kezha mbelia ŋkɛ nyi tsehave ŋkɛ.

Slene 3:12

Ma kwa nakɛ wəsəa shɛ Piyɛre ne, ma ke sha hɛ: «Ka Israyɛl, va wa nza yɛ heɓake va mbe ta wəndə nya wa? Va wa newe yɛ kala ghen'yɛ nde mbete wəndə nya le berete ta n'yɛ keɗema va nya ndeke nda ghə n'yɛ ke Shala wa?

Ka Rome 8:28

Nahe gheɓəmə keɗepe tsema tsema mene geva pɛtɛa wəshi kezha ganyɛa mbeli nyi keɗe Shala, mbeli nyi hekakɛ ŋkɛ kala nya zəzəte ŋkɛ.

2 Ka Korɛnte 4:15

Kezha gheyɛ mene n'yɛ geva pɛtɛa wəshia shɛhɛ, kezha kekave kweci mbeli zlaɓa ta Shala, nda mbake geva mbeli kwele kwele katsa nda hana ba'a katsahe ŋkɛ.