Daniyɛl 2:28 - Ghena ta Shala

²⁸ Ama Shala nya kencɛ wəshi nyi tewəfərə ya pelɛ ghweme. Gheŋkɛ nde ncɛ nda wəsə nya ketemene geva te kwete hɛ ke meghe Nabəkodonozor. Wa nya wəsə nya nakɛ na te shiwə vəa ŋkwa nya nza na yitea hɛ nya:

Daniyɛl 2:28 Iomraidhean Croise

Gha ta Wəshi 40:8

Ma ke hɛ shɛ: «Ghen'yɛ shiwəte shiwə, ama wəndə shɛ kezha ncɛte n'yɛ ghena nya mbe we.» Ma ke Zhozɛf sha hɛ: «Wərə Shala kancɛte ŋayɛ, gezete ɗa mə shiwəa ŋayɛa shɛhɛ.»

Gha ta Wəshi 41:16

Ma ke Zhozɛf sha Farawon: «'Ya ŋkɛ we! Shala nde nza kancɛte ŋa ghena nya mbe tiɗiɗi.»

Gha ta Wəshi 41:25

Ma ke Zhozɛf sha Farawon: «Yipə yipə ghena nyi mbe shiwəa ŋa nyi bake nyi meghe yawe. Shala nde ncɛ ŋa wəsə nya teɗe ŋkɛ kamene.

Gha ta Wəshi 49:1

Pa Zhakob hekake ŋwale tezhilia ŋkɛ, ma ke sha hɛ: «Tsenete mə ghəa ŋayɛ, 'ya kategeze ŋayɛ wəsə nya ketemene ŋayɛ geva te kwete veci.

Cimə 115:3

Nahe Shala ta n'yɛ kenza pelɛ ghweme, pɛtɛa wəshi nyi ɗe ŋkɛ yamene ŋkɛ.

Ɛzayi 2:2

Ma mbe və nya ketese ne, katenza ghweme ta ghɛa Mahwətə biya ma ke kweci ghweme ba'a katenza ŋkɛ dzəgwəɗəmə ma ke kweci wəmbə. Tagha gɛ, katese pɛtɛa hwelefefi kadzehwe.

Zhɛrɛmi 10:7

Wa nde ɗema kaghazlənə va gha wa meghea mbeli pɛtɛ? Hwa ka ntsehwele ntsehwele nyi mbe kweci hwelefefi ba'a mbe yayata hɛɗi ne, wəndə shɛ kala gha we.

Zhɛrɛmi 30:24

Kagweɗakwe tse ta hwepe wənəa Mahwətə keɗema ŋkɛ kemenemte wəsə nya tarete ŋkɛ we. Ma te kwete hɛ ne, katefave yɛ.

Zhɛrɛmi 48:47

Ma ke Mahwətə: «Ma te kwete hɛ ne, katezhɛne Mowab 'ya te ŋkwa ŋkɛ.» Teke kiɗi meha ghwə te Mowab.

Ɛzɛkiyɛl 28:3

Ɗepe ma wəshi na ke Daniyɛl newe ghəa ŋa na. Wərə na kafave zeweve ta wəshi meŋele zəzə na.

Ɛzɛkiyɛl 38:16

Kateha nda mpa na ke ka Israyɛl, mbelia ɗa, katenza na kənəa hɛɗia ŋkɛ kala meləkwə ləkwə nya kenza dibə dibə kənəa hɛɗi. Te kwa keɗaŋe ta və temene geva ŋkɛ. Kateghwene ŋa 'ya kase kampa le hɛɗia ɗa. Ma tsagha ne, kateɗepete kweci hwelefefi 'ya ya kaShala nya kaganda. Katencɛ nda 'ya ke hɛ laka slene nya menete ɗa na Gog.

Ɛzɛkiyɛl 38:8

Ma kwa sebe ta va kwele kwele ne, kateghwene ŋa 'ya kampa le Israyɛl. Ma vəa ŋkwa shɛ ne, nahe mbeli nyi mbe ketembelenji va mpa ba'a keteshavenji mbe kweci hɛɗi nyi se hɛ. Nahe hɛ ketsenete geva dzeyi hwa ghweme nyi mbe Israyɛl nyi keteməakɛ temə keŋzla ŋzla. Ma kwa sebe ta nya shavenji hɛ hwa kweci hwelefefi ne, mbe kwelɛŋe tenza hɛ.

Daniyɛl 1:20

Ma te pɛtɛa ghena nyi ke'yɛwe ntsehwele ba'a zəzə ghena nyi se meghe ka'yɛwe va hɛ ne, za ma sləyi hɛ ŋkɛ meŋe zhigə ke pɛtɛa ka mene ghɛ ba'a ka ŋa zlera nyi kese mbe pɛtɛa hɛɗia ŋkɛ.

Daniyɛl 10:14

Ma tsetsenya ne, 'ya se kezha fave ŋa wəsə nya ketemene nda geva ke hwelefe ta ŋa te kwete hɛ, kwa nza ŋkɛ kwete wəsə nya ketemene geva te vəa shɛ ya shɛ.»

Daniyɛl 2:18

Ma ke sha hɛ: «Səkwə ɓəmə Shala nya pelɛ ghweme kezha ncɛ ɓəmə shiwə nya tewəfərə nya ŋkɛ laka zeɗe helia ŋkɛ. Ma tsagha ne, katempə ɓəmə mbeli zlaɓe le kweci ka ntsehwele ntsehwele nyi mbe Babilone we.»

Daniyɛl 2:22

Gheŋkɛ nde ncɛ wəshi nyi dzawe dzawe nyi tewəfərə. Nahe ŋkɛ keɗepe wəsə nya tewəfərə mbe ŋkwesle, kwa nza ŋkɛ kaɓele waŋe dzeyi yite.

Daniyɛl 2:44

Ma te vəa ka meghea kɛfia shɛhɛ ne, kateve kwete hɛɗia meghe nya keɗema kateza tɛape Shala nya pelɛ ghweme. Katedzembe dzeve ta kwete hwelefe berete ta hɛɗia meghea shɛ we. Katehə ba'a kateza sebe ŋkɛ te pɛtɛa hɛɗia meghea shɛhɛ. Ama katenza ŋkɛ kaghala ghala.

Daniyɛl 2:45

Nahe na kenakɛ pelɛ nya kefelaŋenyɛ kaɗema wəndə kekwaɗakɛ sawa pelɛ ghweme. Nahe nde kempəmte lɛ, mze kwa ghwə ghwə, rekɛ, mze kwa tɛawetɛa ba'a mze kwa tere tere ta pa ta wəndəa shɛ. Shala nya wəba nde ncɛte nda wəsə nya ketemene geva ke meghe. Nahe shiwəa shɛ kenza kakaganda, nahe ŋkɛ kehi kave nda ghə mbeli ke ghena nya mbe.»

Daniyɛl 2:47

Kwa sebe ta ŋkɛ, ma ke sha Daniyɛl: «Kaganda ne, Shala ta ŋayɛ ya kaShala ta yɛ shala, kaNde sleke ka meghea kɛfi ba'a kande ncɛ wəshi nyi tewəfərə. Kwa nza ŋkɛ ne, nahe na kencɛte ɗa wəsə nya tewəfərə nya.»

Daniyɛl 4:5

Ma kakwa keɗaŋe ne, pa Daniyɛl nya heka mbeli kaBɛltasar laka sləa shala ta ɗa ba'a nya nza sefəa yɛ shala mbe dzeki. Pa 'ya ɓelate nda shiwəa ɗa, ma 'ya shɛ:

Palepa ta Ozɛ 3:5

Ma kwa sebe ta ŋkɛ ne, katezhɛne geva ka Israyɛl kase kazele Shala Mahwətə ta nci ba'a David, meghea nci. Ma te kwete hɛ ne, katese hɛ kadzawa kema ta Mahwətə le ghazlənə kezha kemave wəshi ganjia ŋkɛ.

Amos 4:13

Kwa nza ŋkɛ ne, gheŋkɛ nde pate yɛ ghweme, nde pate sefə, nde ncɛ nda zəzə ta ŋkɛ ke wəndə ŋelɛ nde zhɛre viɗi kaveci, nde dzeghwa dzeyi kwa ghəa wəmbə nyi te hɛɗi. Shala Mahwətə nde berete ya kasləa ŋkɛ.

Ɓela 24:14

Ma tsetsenya gɛ ne, 'ya katelə ɗa sha mbelia ɗa. Ama nde, 'ya kaɗe kageze ŋa wəsə nya temene nda ka Israyɛl ke mbelia ŋa te kwete hɛ.»

Matiye 6:9

Wa nya tsetse səkwə ghə yɛ: Yiteyɛa n'yɛ nya pelɛ ghweme, hawe mbeli va ganyɛa sləa ŋa,

Zhɛne Ghwelə yitea Wəshi Mahalegə 31:19

Ma tsetsenya ne, rafete mə cimə nya. Ma gha gɛ Moyize, tekave nda ciməa shɛ ke ka Israyɛl, veyi nda kwa mɛ ke hɛ, yitea nza ciməa shɛ kawəsə kenegha fete ta ɗa kezha ka Israyɛl.

Zhɛne Ghwelə yitea Wəshi Mahalegə 4:30

Ma vəa ŋkwa nya tenza yɛ mbe yaka, te və nya tesave ŋayɛ se ghena nyi te kwete hɛ ne, katezhɛne geva yɛ kase sha Shala Mahwətə ta ŋayɛ ba'a katefa nda ghena yɛ.

2 Timotɛ 3:1

Veyite ghena nya yitea ghə megela: ma te ka keɗaŋe ta hɛ ne, katenza və nyi dzawe dzawe shɛ.

Ka Ɛbrə 1:1

Ma vəashi ne, nahe Shala kegezete nda ghena ke ka shihɛ ɓəmə kwele kwele zhigə ba'a laka mama ta ntsehwele laka ka mɛ ŋkwa.

2 Piyɛre 3:3

Kaba ne, ɗepete ghena nya: ma mbe ka keɗaŋe ta hɛ ne, katese mbeli nyi ketenza kala wəshi nyi mawe geva ta nci. Kateŋ'wəshi ŋayɛ hɛ,

Ghena Kelɛŋə 1:1

Wəshi nyi tewəfərə nyi ncɛte Yɛsə Kriste dazhɛ dazhɛ ya mbe palepa nya. Nahe Shala kencɛte nda wəshia shɛhɛ kezha ncɛ nda wəsə nya takwa takwa kase ŋkɛ ke ka mene slene ta ŋkɛ. Nahe Kriste keghweneghe nda nde ghwene ta ŋkɛ ke nde mene slene ta ŋkɛ Zhaŋe kezha ncɛ nda wəsəa shɛ.