Daniyɛl 2:23 - Ghena ta Shala

²³ Ma gha, gha Shala ta ka shihɛ n'yɛ ne, katsa ŋa hana 'ya ba'a katsahe ŋa 'ya. Nahe na kendeke ɗa ntsehwele ba'a berete. Nahe na kencɛte ɗa wəsə nya 'yɛwete ghen'yɛ va gha, nahe na kefave n'yɛ wəsə nya keyirə meghe.»

Daniyɛl 2:23 Iomraidhean Croise

Gha ta Wəshi 18:17

Ma ke Mahwətə: «Kaɗe 'ya kawəfərə wəsə nya temene 'ya va Abraham we.

Gha ta Wəshi 31:42

Ma keɗema Shala ta shi ɗa Abraham, Shala nya kendeke nda ghazlənə ke yiteyɛ ɗa Izak kese le 'ya ne, nza pala pala tesərə ɗa na kaslə. Ama nahe Shala kenakɛ yaka nya sahwe 'ya ba'a leɓe ta ɗa va slene nya menete ŋa 'ya. Pa ŋkɛ neghamte fete yitea 'ya mshena heviɗi.»

1 Ka Meghea Kɛfi 18:36

Ma te və nya dzeghe nda melɛ kwa tɛhwɛɗi mbeli ke Shala, pa nde mɛ ŋkwa Ɛli hendeghe geva kadzeyi yitea reghwetɛ, ma ke: «Mahwətə, Shala ta Abraham, ŋa Izak le ŋa Zhakob, menete kezha ɗepe mbeli ɓeshi gha ya kaShala ta ka Israyɛl, kande mene slene ta ŋa 'ya ba'a laka ghena ta ŋa menete wəshi nyi 'ya pɛtɛ.

1 Ka Meghea Kɛfi 8:57

Nza Shala Mahwətə ta ɓəmə le gheɓəmə kala nya se ŋkɛ le ka shihɛ ɓəmə, mba ŋkɛ kesərəakɛ ɓəmə, mba ŋkɛ keɗema kakemane ɓəmə.

1 Wəshi nyi Mene Ka Meghe 29:10

Pa David tsate nda hana ke Mahwətə kwa kema ta mbeli nyi tetsene, ma ke: «Hana ŋa na kaŋa keveci keveci Mahwətə, Shala ta shia n'yɛ Zhakob!

1 Wəshi nyi Mene Ka Meghe 29:13

Tsetsenya gɛ Shala ta n'yɛ, katsa ŋa ŋ'wese ghen'yɛ ba'a katsahe sləa ŋa nya nza zləvə te ghen'yɛ kwa cimə.

2 Wəshi nyi Mene Ka Meghe 20:6

Ma ke hɛ səkwəte ghə: «Mahwətə, Shala ta ka shihɛnyɛ, gha ya kameghe pelɛ ghweme ba'a gha nde sleke pɛtɛa hwelefefi! Va gha nza berete ba'a kwele, wəndə shɛ kaghereŋe kwa kema ta ŋa we.

Cimə 21:2

Mahwətə, kazlama meghe yitea berete ta ŋa. Ma vəa ŋkwa nya kemane ŋkɛ na ne, kwele kwele zlama ŋkɛ.

Cimə 21:4

Kakele nda zeɗe nza ba'a wəpi na kase. Kave derə meghe mze kwa tere tere na mbe ghəa ŋkɛ.

Cimə 25:14

Kanza Mahwətə le mbeli nyi kehawe ve, kancɛ nda jikə geva ta ŋkɛ ŋkɛ ke hɛ.

Cimə 50:14

Te ŋkwa melɛ ne, tsahe ɗa, 'ya Shala ta ŋa, menete wəsə nya meɗeyi ɗa na, 'ya Shala tehwə ghweme.

Shave 3:15

Kwa sebe ta ŋkɛ, ma pa na sha hɛ ɓiyitsa: ‹Mahwətə nya kaShala ta ka shihɛ ŋayɛ, Shala ta Abraham, Shala ta Izak ba'a Shala ta Zhakob nde ghweneke ɗa sha gheyɛ.› Nya ya kasləa ɗa kaghala ghala, slə nya nza mbeli kaheka ɗa le keshi keshi.

Yɛ Ghena Ŋela 21:22

Wərə nde ntsehwele ntsehwele kakelehwe meleme nya nza zli yite, wərə ŋkɛ kaŋzlamte zli nya vate mehele mbeli nyi mbe te.

Yɛ Ghena Ŋela 24:5

Ntsehwelea wəndə nde ve nda berete, ɗepe wəsə ta wəndə nde mtsehe nda berete.

Yɛ Ghena Ŋela 8:14

Ma slene ta ɗa ne, geze nda ghena ganji ke mbeli ba'a teke nda zəzə ghena ke hɛ. 'Ya ya kaɗepe wəsə ba'a berete ya va 'ya.

Nde zlape ghena 7:19

Ma ntsehwele ne, kazhɛre nde ntsehwele ntsehwele ŋkɛ berete ma ke ka ŋgwamna nyi meŋe mbe meleme.

Nde zlape ghena 9:16

Ma tagha gɛ, ma 'ya sha ŋa ɗa: megela ma ntsehwele ke berete. Ama kenza nde ntsehwele ntsehwele kande titikwə ne, kaɓela ntsehwelea ŋkɛ mbeli we, kafa ghena ta ŋkɛ mbeli we.

Nde zlape ghena 9:18

Berete ma ntsehwele ke wəshi kempa, ama kaza sebe nde jaɗafa kwetɛŋe te wəshi ganji kwele kwele.

Ɛzayi 12:1

Mbeli nyi kembeɗeke geva, ma pe yɛ sha tegeze te vecia shɛ: Mahwətə, katsahe ŋa 'ya, kwa nza ŋkɛ tehwepe se wənəa ŋa va 'ya, ama nahe hwepe wənəa ŋa kegweɗakwete geva ba'a kaɓeɓa ɗa na.

Zhɛrɛmi 33:3

Heka sləa ɗa, katezhɛne ŋa 'ya, katencɛ ŋa wəshi nyi jama jama nyi ɗepema na 'ya.

Daniyɛl 1:17

Pa Shala ndeke nda ɗepe wəshi ba'a zəzə ghena laka ghena ba'a ntsehwele ke ka mempɛhwetɛti nyi wəfaɗe nyi. Ɓiyitsa ne, wərə Daniyɛl kafave pɛtɛa wəshi nyi ketemene geva ba'a pɛtɛa shiwə.

Daniyɛl 2:18

Ma ke sha hɛ: «Səkwə ɓəmə Shala nya pelɛ ghweme kezha ncɛ ɓəmə shiwə nya tewəfərə nya ŋkɛ laka zeɗe helia ŋkɛ. Ma tsagha ne, katempə ɓəmə mbeli zlaɓe le kweci ka ntsehwele ntsehwele nyi mbe Babilone we.»

Amos 3:7

Tsagha shɛ ne, kamene wəsə Shala Mahwətə kaɗema ŋkɛ kencɛte nda zəzə ta ŋkɛ ke ka mene slene ta ŋkɛ nyi kaka mɛ ŋkwa we.

Matiye 11:25

Ma ke Yɛsə vəa ŋkwa shɛ: «Yita yawe, Nde sleke ghweme ba'a hɛɗi, hana 'ya sha gha kwa ncɛte nda wəshi nyi wəfərəakɛ na va ka ntsehwele ntsehwele ba'a ka ɗepe wəshi na ke ka dewə ŋeli.

Ləwke 10:21

Te vəa shɛnyɛ, fare fare wənəa Yɛsə va Sefəa Shala. Ma ke: «Yita yawe, Nde sleke ghweme ba'a hɛɗi, hana 'ya sha gha kwa ncɛte nda wəshi nyi wəfərəakɛ na va ka ntsehwele ntsehwele ba'a ka ɗepe wəshi na ke ka dewə ŋeli. Kaganda Yita, gha nde ɗete kanza ŋkɛ tsagha.

Zhaŋe 11:41

Pa mbeli tsəkwəmte pelɛa shɛ. Slete Yɛsə sletete kema yitea ghweme, ma ke: «Yita, hana 'ya sha gha, va nya fate səkwə ta ɗa na.

Zhaŋe 15:15

Kazhɛne 'ya kaheka ŋayɛ kaka mavashi ɓiyitsa we, va nya ɗema mava keɗepe wəshi nyi mene wəndə nya kesleke. Kaka mcɛhɛ ɗa zhɛne 'ya kaheka ŋayɛ, va nya nza ŋkɛ pɛtɛ 'ya kencɛmte ŋayɛ wəshi nyi fave 'ya va Yiteyɛ ɗa.

Ghena Kelɛŋə 1:1

Wəshi nyi tewəfərə nyi ncɛte Yɛsə Kriste dazhɛ dazhɛ ya mbe palepa nya. Nahe Shala kencɛte nda wəshia shɛhɛ kezha ncɛ nda wəsə nya takwa takwa kase ŋkɛ ke ka mene slene ta ŋkɛ. Nahe Kriste keghweneghe nda nde ghwene ta ŋkɛ ke nde mene slene ta ŋkɛ Zhaŋe kezha ncɛ nda wəsəa shɛ.

Ghena Kelɛŋə 5:5

Tagha gɛ, ma ke kwete wəndəa mbelia jama shɛhɛ sha 'ya: «Nehwenema na ma. Newe ma, nahe nivɛrə nya mbe hwelefe ta Zhəwda, sebe ta meghe David, kehərəte ŋkwa. Wərə ŋkɛ kampəmte lamba nyi mberefaŋe ba'a kaghwenemte palepa shɛ.»