Daniyɛl 2:21 - Ghena ta Shala

²¹ Gheŋkɛ nde mbeɗe yɛ və ba'a wəshi nyi kemene geva. Gheŋkɛ nde fə ka meghe sawa te meghe ba'a nde ve ka meghe mbe meghe. Gheŋkɛ nde ve nda ntsehwele ke ka ntsehwele ntsehwele ba'a ɗepe wəsə ke ka ɗepe wəshi.

Daniyɛl 2:21 Iomraidhean Croise

1 Ka Meghea Kɛfi 10:24

Pɛtɛ mbeli nyi te hɛɗi kasepa kezha newe Salomon baŋe hɛ kafate ntsehwelea nya ndeke nda Shala.

1 Ka Meghea Kɛfi 3:28

Pɛtɛ ka Israyɛl kefate tsema tsema mehate ghwə nyagha meghe Salomon, ntake mbeli kahawe ve kwele kwele kwa nakɛ mbeli ntsehwele nya kese va Shala ya ve kezha meha ghwə.

1 Wəshi nyi Mene Ka Meghe 22:12

Ndeke ŋa ɗepe tseɓa ghena le ntsehwele ŋkɛ keveyi ŋa ŋkɛ kənəa ka Israyɛl, kezha ɗepe yɛ fete na yitea wəshi mahalegəa Shala Mahwətə ta ŋa.

1 Wəshi nyi Mene Ka Meghe 29:30

Ghena ta meghea ŋkɛ, le wəshi meyidala nyi menete ŋkɛ, le kweci wəshi nyi dzawe nyi kese kataze nda mehele, ba'a le ghena nyi kese kamene geva mbe Israyɛl, le kweci hɛɗi ya mbe palepa shɛ.

Ɛstɛr 1:13

Pa meghe fakɛ ghena va ka ncɛ nda ntsehwele nyi yite, kwa nza ŋkɛ tsagha seneve meghe kanewe ghena le mbeli nyi te ghəa slene kaba, mbeli nyi keɗepemte ghena ta nza le wəshi nyi mene mbeli ghalanza.

Palepa ta JOB 12:18

Kafə ka meghea kɛfi ŋkɛ sawa te meghe ba'a kazhɛre hɛ ŋkɛ kaka daŋgayɛ.

Shave 31:3

Nahe 'ya keviɗikɛ ŋkɛ le sefəa ɗa kezha ve ŋkɛ kande caŋa caŋa ba'a kande ɗepe wəshi. Nahe ŋkɛ keɗepe mene mama ta slene:

Shave 31:6

Kave nda Oholiyab, wəzege ta Ahisamak nya kwa yita ta Dan 'ya kasləwəfəa ŋkɛ. Kave nda caŋa 'ya ke kweci ka ɗepe mene wəshi ɓiyitsa. Ma tsagha ne, katemene wəshi nyi gezave nda 'ya ke hɛ hɛ:

Daniyɛl 1:17

Pa Shala ndeke nda ɗepe wəshi ba'a zəzə ghena laka ghena ba'a ntsehwele ke ka mempɛhwetɛti nyi wəfaɗe nyi. Ɓiyitsa ne, wərə Daniyɛl kafave pɛtɛa wəshi nyi ketemene geva ba'a pɛtɛa shiwə.

Daniyɛl 10:1

Ma mbe kwa mahekene ta va ta Sirəs, meghe nya mbe Pɛrse te meghe ne, pa ghena ta Shala ncɛte nda geva ke Daniyɛl nya heka mbeli kaBɛltasar. Nahe ghena shɛ kenza kakaganda ba'a kaghena nya dzawe. Pa Daniyɛl zəzəve ghena shɛ ba'a fave ghena nya mbe wəsə nya nakɛ ŋkɛ.

Daniyɛl 11:6

Ma kwa sebe ta yɛ va ɓɛhwɛ ne, katejikə geva hɛ: katewəme meghe nya laka bela kwa gwela wəzha ta meghe nya laka bela kwa zeme kezha yipə jikə geva. Ama kateya berete ta ŋkɛ nde we. Katenza za nta teghweme, ya ŋwalea nci we. Katemte nde zlaɓe le yite nda, za nta ba'a mbeli nyi kekeleghe ŋkɛ kadzeme bela kwa gwela.

Daniyɛl 2:20

Ma ke Daniyɛl gezete: «Tsahe ɓəmə Shala kevə kevə. Kwa nza ŋkɛ nahe ntsehwele ba'a berete kenza kaŋa ŋkɛ.

Daniyɛl 2:23

Ma gha, gha Shala ta ka shihɛ n'yɛ ne, katsa ŋa hana 'ya ba'a katsahe ŋa 'ya. Nahe na kendeke ɗa ntsehwele ba'a berete. Nahe na kencɛte ɗa wəsə nya 'yɛwete ghen'yɛ va gha, nahe na kefave n'yɛ wəsə nya keyirə meghe.»

Daniyɛl 2:9

Ama keɗema yɛ kencɛte ɗa shiwəa ɗa ne, ɗa nya kwetɛŋe nde tenza te gheyɛ. Nahe yɛ ketsahwe kezha sla ɗa tseŋwə ba'a kezha ghwete, nda zamte geva və. Yawa, gezete ɗa mə shiwəa ɗa gɛ! Ma tsagha, kateɗepete 'ya wərə yɛ kancɛte ɗa ghena nya mbe.»

Daniyɛl 4:14

Nahe wəsəa shɛ kenza kawəsə nya ɗe ka ghwene ta Shala, kazəzə nya kese va ka ya hɛɗi lema, yitea ɗepete pɛtɛa wəshi nyi nza mpi hwe Shala tehwə ghweme ya kande sleke mbeli pɛtɛ. Kave nda meghe ŋkɛ ke wəndə nya ɗe ŋkɛ ba'a wərə ŋkɛ kandeke nda ŋkɛ ke wəndə nya gwedə ma.›

Daniyɛl 4:17

Nahe na kenakɛ wəfe nya kezhɛrenyɛ wəbake ba'a bereteke, nya biya ta ŋkɛ hwa'a pelɛ ghweme ba'a nya newe mbeli hwa'a te mendɛkwe ta hɛɗi.

Daniyɛl 4:22

Kateŋkamte geva na shave hwa mbeli. Katenza na hwa wəshi keseɗa nyi hwa gamba, katezeme gwəzə na kala sla ba'a katenza na bətə mbe mɛnɛ. Katenza na tsagha kava mberefaŋe hwa'a te və nya teɗepete na Shala tehwə ghweme ya kande sleke mbeli pɛtɛ ba'a kave nda meghe ŋkɛ ke wəndə nya ɗe ŋkɛ.

Daniyɛl 4:32

Nahe pɛtɛa mbeli nyi te hɛɗi kenza gəmə kwa ntsə ta ŋkɛ. Kala nya ɗe ŋkɛ mene ŋkɛ le ka sewajɛ nyi pelɛ ghweme ba'a mbeli nyi te hɛɗi. Wəndə shɛ kaghəpə le keɗema kaŋele ŋkɛ yitea wəsə nya mene ŋkɛ we.

Daniyɛl 7:25

Kategeze ghena ŋkele ntsə ŋkɛ te Shala tehwə ghweme ba'a katesa nda yaka ŋkɛ ke mbelia Shala. Katekele zəzə ŋkɛ kezha zhɛre yɛ hɛa yɛ gəsəkə ba'a wəsə mahalegəa Shala. Katenza mbelia shɛhɛ mbe dzeve ta ŋkɛ kava mahekene ba'a kwete yite.

Ləwke 21:15

'Ya le ghəa ɗa nde teve ŋayɛ ghena kwa mɛa ŋayɛ ba'a ntsehwele mbe ghəa ŋayɛ. Katepesle kwete wəndəa ka jaga ta ŋayɛ yitea gheyɛ we.

Ka Rome 13:1

Hawe yayata wəndə va mbeli nyi kesleke hɛɗi. Kwa nza ŋkɛ ne, va Shala se sleke ŋkwa we, Shala nde veyi yayata nde sleke hɛɗi.

1 Ka Korɛnte 1:30

Laka gheŋkɛ nza yɛ jikə le Yɛsə Kriste, Yɛsə nde zhɛrenyɛ kantsehwele nya kese va Shala kaŋa ɓəmə, gheŋkɛ nya keveyi ɓəmə tiɗiɗi kwa kema ta ŋkɛ. Yɛsə nde zhɛre ɓəmə kambeli nyi keveyi geva tekeleke, gheŋkɛ nde mbele ɓəmə va mava ta mte.

Zhake 1:17

Ma yayata wəsə ganyɛ nya kemenete ɓəmə geva ba'a yayata wəsə gəmə nya nza zləvə te ne, sawa pelɛ ghweme hɛ, va Shala nya kepate wəshi nyi kewaŋe ŋkwa pelɛ ghweme. Kazhɛre pa Shala we, kagaŋkəɗə ŋkɛ we, ŋkwesle shɛ yite we.

Zhake 1:5

Ma keɗema ntsehwele shɛ va kwete wəndəa ŋayɛ ne, səkwə ŋkɛ va Shala kezha ve nda ŋkɛ, kwa nza ŋkɛ mbe ve nda Shala ke mbeli pɛtɛ, kaŋka wəndə ŋkɛ te we, le ganyɛ ve nda ŋkɛ ke mbeli.

Ghena Kelɛŋə 19:16

Ma te karalamea ŋkɛ ba'a te basa ta ŋkɛ ne, ma ke slə rafete geva: «Meghea ka meghea kɛfi ba'a Nde sleke ka sleke ŋkwa.»