Daniyɛl 2:20 - Ghena ta Shala

²⁰ Ma ke Daniyɛl gezete: «Tsahe ɓəmə Shala kevə kevə. Kwa nza ŋkɛ nahe ntsehwele ba'a berete kenza kaŋa ŋkɛ.

Daniyɛl 2:20 Iomraidhean Croise

Gha ta Wəshi 14:20

Nza zləvə te sləa Shala tehwə ghweme nya kevame ŋa ka jaga ta ŋa mbe dzeve!» Pa Abram ndeke nda kwa meŋe ta bela ta pɛtɛa wəshi nyi fəke ŋkɛ hwa mpa.

1 Ka Meghea Kɛfi 8:56

«Katsa nda hana 'ya ke Mahwətə nya kendeke nda ŋkwa kezhɛne mpi nya ke ka Israyɛl nyi kambelia ŋkɛ kala nya meɗeyi ŋkɛ: kwete shɛ hwa ghena ganji nyi gezeke ŋkɛ laka mava ta ŋkɛ Moyize mba kaɗema kemenete geva we.

1 Wəshi nyi Mene Ka Meghe 29:20

Kwetere wəmbəa ŋkɛ, ma ke David sha mbeli nyi tetsene: «Tsa nda mə hana ke Shala Mahwətə ta ŋayɛ.» Pɛtɛ hɛ katsa nda hana ɓiyitsa ke Mahwətə, Shala ta ka shihɛ nci. Gwəɗəŋə hɛ, cape hɛ ghedəkwə ghə mbe kema ta Mahwətə ba'a mbe kema ta meghe.

2 Wəshi nyi Mene Ka Meghe 20:21

Kala nya tsahwe hɛ le mbeli, pa Zhozafat veyi ka gha cimə nyi mbe lekwesa nyi keveyi geva kaŋa Shala te kema ta ka sewajɛ katsahe Mahwətə le cimə: «Tsahe mə Mahwətə, kwa ɗema ɗe ta ŋkɛ kakiɗi.»

Nɛhɛmi 9:5

Kwa sebe ta ŋkɛ, ma ke yɛ Yɛshəwa, Kadmiyɛl, Bani, Hashabnɛya, Shɛrɛbiya, Hodiya, Shebaniya le Petahiya gezete: «Sate mə katsa nda hana ke Shala Mahwətə ta ŋayɛ, tsa nda mə hana keveci keveci!» Mahwətə, pa yayata wəndə katsahe sləa ŋa nya nza zləvə te, nya nza kwelea ŋkɛ za ma ke nya nza mbeli kageze!

Palepa ta JOB 12:13

Ama va Shala nza ntsehwele ba'a berete, gheŋkɛ yanza ɗepe nehe ghena ba'a ɗepe wəshi ve.

Cimə 113:1

Alɛləwya! Gheyɛ ka mene slene ta Mahwətə, tsahe mə ŋkɛ, tsahe mə sləa Mahwətə!

Cimə 113:2

Tsa nda hana mbeli ke Mahwətə, se tsetsenya ba'a kaghala ghala.

Cimə 115:18

Ama gheɓəmə ne, katsahe Mahwətə gheɓəmə, se tsetsenya ba'a kaghala ghala. Alɛləwya!

Cimə 147:5

Nahe Shala ta ɓəmə kenza wəbake ba'a bereteke, ghala shɛ kwa ɗepe wəsə ta ŋkɛ we.

Cimə 41:13

Nahe na kekemanakɛ ɗa, kendeke ɗa lɛŋelɛ, nahe na keveyi ɗa kwa kema ta ŋa kaghala ghala.

Cimə 50:23

Ma wəndə nya ketsahe ɗa te zhia melɛ ne, zləvə yave ŋkɛ te 'ya. Ma wəndə nya keya dzeghwa ta ŋkɛ ne, katencɛ nda 'ya, 'ya ya kande mbele ŋkɛ.

Cimə 62:11

Ndeke nda ma ghə yɛ ke mene berete ma, vema ghə yɛ te wəshi nyi ghərəke mbeli ma. Ma kembakete geva wəshia ŋayɛ ne, vema mehele ta ŋayɛ yɛ te hɛ ma.

Yɛ Ghena Ŋela 8:14

Ma slene ta ɗa ne, geze nda ghena ganji ke mbeli ba'a teke nda zəzə ghena ke hɛ. 'Ya ya kaɗepe wəsə ba'a berete ya va 'ya.

Zhɛrɛmi 32:19

Nde zəzə ghena nyi jama jama ba'a nde mene wəshi ganji na. Te dzeghwa ta yayata wəndə ntsə ta ŋa kezha ŋki nda zhɛme kala dzeghwa ta ŋkɛ ba'a kala slene nyi mene ŋkɛ.

Ɛzɛkiyɛl 28:3

Ɗepe ma wəshi na ke Daniyɛl newe ghəa ŋa na. Wərə na kafave zeweve ta wəshi meŋele zəzə na.

Matiye 6:13

Kelema n'yɛ na kadzete ŋkwa kedzeghe ŋkwa ma, ama yakɛ n'yɛ va Nde ghwete ŋkwa, kwa nza ŋkɛ, ŋa ŋa meghe, berete, ba'a zləvə, kaghala ghala. Amɛn.

Zhəwde 1:24

Ŋa wəndə nya kenza kayakɛ ŋayɛ va teɗe ba'a nya kenza kancake ŋayɛ kaɗema beze te gheyɛ ba'a mbe zlama kwa kema ta ŋkɛ le zləvə,

Ghena Kelɛŋə 5:12

Ma ke hɛ zlapete le berete: «Nahe Zhɛgwəa təmə nya dzeghekɛ melɛ mbeli le kehi kakemave meghe, mcɛlə, ntsehwele, berete, kwele, zləvə, tsahe.»