Daniyɛl 2:18 - Ghena ta Shala

¹⁸ Ma ke sha hɛ: «Səkwə ɓəmə Shala nya pelɛ ghweme kezha ncɛ ɓəmə shiwə nya tewəfərə nya ŋkɛ laka zeɗe helia ŋkɛ. Ma tsagha ne, katempə ɓəmə mbeli zlaɓe le kweci ka ntsehwele ntsehwele nyi mbe Babilone we.»

Daniyɛl 2:18 Iomraidhean Croise

Gha ta Wəshi 18:28

Nda kwete mbe mbeli nyi mcɛfemsə ne, kadewə mbeli mcɛfe, te mbeli nyi mcɛfe nyi kedewə nyi ne, kateza melemea shɛ na pɛtɛ na?» Ma ke: «Kateza ŋkɛ 'ya kesləyi mbeli nyi tiɗiɗi 'ya wəfaɗemsə mcɛfeghəmbe mbe we.»

Cimə 136:26

Tsa nda mə hana ke Shala nya pelɛ ghweme, kakiɗi ɗe ta ŋkɛ we.

Cimə 50:15

Tsa ɗa lewela te vəa yaka, katembele ŋa 'ya ba'a kateve zləvə na te 'ya.

Cimə 91:15

Ma kesəkwə ɗa ŋkɛ ne, katezhɛne nda 'ya, katenza 'ya dzeme vare gheŋkɛ te vəa yaka. Katembele ŋkɛ 'ya ba'a kateve nda zləvə 'ya.

Ɛzayi 37:4

Ya kwete katefa ghena ta wəndə nya te ghəa ka sewajɛ nya ghweneke nde sleke ŋkɛ, meghe nya mbe Asiri kezha ŋele Shala teghweme Shala Mahwətə ta ŋa. Ya kwete kateve ɗa Shala Mahwətə ta ŋa te tewəmbəreke ghena nyi fate nyi ŋkɛ. Ma gha gɛ Ɛzayi Səkwə Mahwətə kezha mbeli nyi ketene nyi teghweme.»

Zhɛrɛmi 33:3

Heka sləa ɗa, katezhɛne ŋa 'ya, katencɛ ŋa wəshi nyi jama jama nyi ɗepema na 'ya.

Ɛzɛkiyɛl 36:37

Wa nya ghena nya geze Shala Mahwətə nya: Wa nya wəsə nya temene 'ya nya ɓiyitsa: katepele nda hweŋkwa 'ya ke ka Israyɛl kasəkwə ɗa. Kateya hɛ 'ya kwele kwele kala wəvəsəa timɛti.

Daniyɛl 2:23

Ma gha, gha Shala ta ka shihɛ n'yɛ ne, katsa ŋa hana 'ya ba'a katsahe ŋa 'ya. Nahe na kendeke ɗa ntsehwele ba'a berete. Nahe na kencɛte ɗa wəsə nya 'yɛwete ghen'yɛ va gha, nahe na kefave n'yɛ wəsə nya keyirə meghe.»

Daniyɛl 3:17

Wərə Shala ta n'yɛ, Shala nya mene nda slene ghen'yɛ kambeleke n'yɛ. Kaganda ne, katembele n'yɛ ŋkɛ va ŋkwa nya tse ghwə nya wəba kwa ba'a va berete ta ŋa, meghe yawe.

Daniyɛl 4:26

Kwa nza ŋkɛ ma va zake kwa sebe ta ŋkɛ ne, cape meghe yitea dzeghwa pelɛ dɛɓere nya kənəa ghɛ meghe nya mbe Babilone.

Zhonas 1:9

Ma ke Zhonas zhɛnete nda ke hɛ: «Nde Ɛbrə 'ya, Mahwətə yahawe 'ya ve, Shala nya pelɛ ghweme, nya kepate yɛ ndərə le hɛɗi.»

Malashi 3:18

Tagha gɛ, katezhɛne yɛ kanewe ghala nya kwelɛ yɛ wəndə nya tiɗiɗi le nde 'yaghwa mehele, nya kwelɛ yɛ nde mene nda slene ke Shala le nde mene nda ma slene.

Matiye 18:12

Tsema zəzə yɛ wa? Timɛti gwəmsə ya shɛ va kwete wəndə. Ma kezanyɛ kwete kwetɛŋe ne, ashɛ wəndəa shɛ kasərə nyi meslimsə meslighəmbe pelɛ ghweme kezha lə kazele nya kezanyɛ wəka?

Matiye 18:19

Kaganda ne, ma 'ya sha gheyɛ ɓiyitsa: ma keyipəte ghena mbeli bake kwake te hɛɗi kezha 'yɛwe yayata wəsə mbe səkwə ghə ne, kateve nda ŋkɛ Yiteyɛ ɗa nya pelɛ ghweme ke hɛ.

Slene 12:4

Ma kwa keseve Piyɛre Hɛrode kezha veyi kwa daŋgayɛ ne, wəfaɗe ŋkɛ nteyi wəvəsəa ka sewajɛ wəfaɗe wəfaɗe kezha ya ŋkɛ. Nahe ŋkɛ kezəzəte kameha ghwə te kwa kema ta ka Zhəwif kwetere wəmbəa gəsəkəa Pake.

Ka Rome 15:30

Ama ka kesaka meyɛ ɗa, kampi ŋayɛ dzeve 'ya laka Nde sleke ɓəmə Yɛsə Kriste ba'a laka ɗe nya ve ɓəmə Sefəa Shala, kemane ɗa mə mbe mpa nya mpa 'ya, səkwə mə Shala kaŋa ɗa,

2 Piyɛre 2:9

Tsagha ne, nahe Nde sleke ŋkwa keɗepe tsema tsema tembele mbelia ŋkɛ nyi dɛŋe dɛŋe te ŋkɛ ba'a tsema tsema tewəmbə ka mene wəsə kwa ndiremi ŋkɛ kezha ɗa hɛ te vecia meha ghwə.

1 Saməyɛl 17:37

Ma ke zhɛkwa: «Ma Mahwətə nya kembelete ɗa va pela ta nivɛrə ba'a ŋa mtsekwele ne, katembele ɗa ŋkɛ va nde Filistia shɛ perə.» Tagha gɛ, ma ke Sawəl sha David: «Kwiɗi, pa Mahwətə nza le gha!»