Daniyɛl 2:11 - Ghena ta Shala

¹¹ Nahe wəsə nya 'yɛwe nya meghe kenza dzawe, wəndə shɛ kagezete nda ŋkɛ ke meghe we, nda yɛ shala. Ama kenza hɛ hwa mbeli we.»

Daniyɛl 2:11 Iomraidhean Croise

Gha ta Wəshi 41:39

Kwa sebe ta ŋkɛ, ma ke Farawon sha Zhozɛf: «Kwa nza ŋkɛ nahe Shala kencɛte ŋa pɛtɛa wəshia shɛhɛ, wəndə nya ɗepe ma wəsə ba'a nya ntsehwele ma shɛ ke gha we.

Gha ta Wəshi 41:8

Ma masheke ne, kwetɛ kwetɛŋe mehele ta Farawon. Pa ŋkɛ hekake ka mene ghwɛ ba'a ka ntsehwele ntsehwele nyi mbe Ɛzhipte pɛtɛ. Pa ŋkɛ gezete nda shiwəa ŋkɛ ke hɛ, ama wəndə shɛ kegezete nda ghena nya mbe we.

1 Ka Meghea Kɛfi 8:27

Kaganda nza Shala kanzanyɛ te hɛɗi tse na? Ghweme le ghəa ŋkɛ kaba ne, kambakete ŋa ŋkɛ ya tsema kwelea ŋkɛ we! Halama ghɛa Shala nya ɓɛhwɛ nya ŋate 'ya na!

2 Wəshi nyi Mene Ka Meghe 6:18

Ama kanzate nza Shala kaganda hwa mbeli kwake te hɛɗi na? Ŋkwa nya pelɛ ghweme ya tsema wəba ta ŋkɛ ne, shaŋe kazereghete! Keɓɛhwɛ mbarave ghɛ nya ŋate nya 'ya wəka?

Cimə 132:14

Ma ke gezete: «Kaŋkwa kezhɛne mpia ɗa tenza ŋkɛ kaghala ghala. Katenza 'ya mbe, gheŋkɛ yaɗehwe 'ya.

Cimə 68:18

Kwele kwele wəmata kempa va Shala, slibə gare slibə zhigə. Mahwətə ya te tepe ta nci. Mbe ŋkwa nya keveyi geva tekeleke Sinay.

Shave 29:45

Katenza 'ya hwa ka Israyɛl, kaShala ta nci tenza 'ya.

Shave 8:19

Kateya mbelia ɗa 'ya va ndiremi nya keteɗa mbelia ŋa. Hendɛ temene geva wəsə meŋele nya.›»

Ɛzayi 47:12

Ntsə geva yitea mene ghwɛa ŋa ba'a yitea pɛtɛa wəshi nyi kaɓe kaɓe na. Leɓakwe na va mene hɛ se kawəzege, ya kwete wərə hɛ kakemanakɛ ŋa, ya kwete wərə hɛ kandeke ŋa dake ŋkwa.

Ɛzayi 57:15

Wa nya ghena nya geze Shala nya pelɛ ghweme, nya nza ŋkwa kenza ta ŋkɛ kaghala ghala ba'a veyi geva sləa ŋkɛ tekeleke nya: «Ma 'ya nya kaShala nya kaganda ne, pelɛ ghweme ŋkwa kenza ta ɗa. Ama nahe 'ya kenza le mbeli nyi kesa yaka ba'a le mbeli nyi keshifə ghəa nci, kezha ve nda mpi ke ka shifə ghəa nci ba'a kezha ve nda mpi ke ka sa yaka.

Ɛzayi 8:18

Ma 'ya ba'a ŋwale nyi ndeke ɗa Mahwətə ne, nahe n'yɛ kenza kawəshi kencɛ wəshi ba'a kawəshi nyi ketemene geva mbe Israyɛl te sləa Mahwətə nde berete nya kenza pelɛ ghweme ta Siyon.

Daniyɛl 4:4

Sema ta ka ŋa zlera, ka mene ghwɛ, ka kelɛŋə ba'a ka ɗepe nza ta yɛ saseregwa ne, pa 'ya ɓelate nda shiwəa ɗa ke hɛ, ama shaŋe hɛ va ncɛ ɗa ghena nya mbe shiwəa shɛ.

Daniyɛl 5:11

Ma te hɛɗia ŋa ne, wəndə nya nza sefəa yɛ shala mbe ya shɛ. Ma te vəa yiteyɛ ŋa ne, nahe mbeli kesləyi kelɛŋə, ɗepe wəsə ba'a ntsehwele kala ŋa yɛ shala mbe. Vatse veyi ŋkɛ yiteyɛ ŋa, meghe Nabəkodonozor kawəndə nya te ghəa ka mene ghwɛ, ka kelɛŋə, ka ɗepe nza ta yɛ saseregwa ba'a ka ŋa zlera.

Ɓela 35:34

Katezhɛre hɛɗi nya tenza yɛ te, nya tenza 'ya te hwa gheyɛ le ghəa ɗa yɛ wale wale we. Kaganda ne, 'ya ya kaMahwətə, hwa ka Israyɛl nza 'ya.»

Matiye 19:26

Pa Yɛsə newakɛ hɛ, ma ke: «Wəsə nya dzawe ŋkɛ sha wəndə ŋelɛ, ama kenza sha Shala we, kwa nza ŋkɛ ne, pɛtɛa wəshi dekwede sha Shala.»

Zhaŋe 1:14

Pa Ghena zhɛrenyɛ kawəndə ba'a nzanyɛ hwa gheɓəmə. Nahe gheɓəmə kenakɛ zləvəa ŋkɛ, zləvə nya kemave Wəzege kwetɛ va Yita.

Zhaŋe 14:17

gheŋkɛ Sefəa Shala nya le kaganda, ashɛ mbeli nyi te hɛɗi kakemaneve we, va nya nza ŋkɛ shaŋe hɛ kanakɛ, shaŋe hɛ kaɗepe. Ama gheyɛ kwa ŋa ŋayɛ ne, nahe yɛ keɗepe, va nya nza ŋkɛ le gheyɛ, mbe gheyɛ ŋkɛ.

Zhaŋe 14:23

Ma ke Yɛsə shɛ: «Wəndə nya keɗe ɗa ne, katehawe ŋkɛ va ghena ta ɗa, kateɗe Yiteyɛ ɗa. Ghen'yɛ le Yiteyɛ ɗa katese n'yɛ shɛ kanza mbe.

2 Ka Korɛnte 6:16

Wa wəsə nya kwele yɛ ghɛa Shala le yɛ shala tseŋwə wa? Kwa nza ŋkɛ ma gheɓəmə ne, nahe gheɓəmə kenza kaghɛa Shala teghweme, ma ke Shala le ghəa ŋkɛ: «Katenza 'ya ba'a katedzeghwa 'ya hwa hɛ. Katenza 'ya kaShala ta nci ba'a katenza hɛ kambelia ɗa.»

Ghena Kelɛŋə 21:3

Pa 'ya fate ŋwələa nya le berete sawa pelɛ pasla, ma ke: «Tsetsenya ne, nahe ŋkwa kenza ta Shala kenza hwa mbeli. Katenza ŋkɛ hwa hɛ, katenza hɛ kambelia ŋkɛ. Katenza Shala le ghəa ŋkɛ hwa hɛ, katenza ŋkɛ kaShala ta nci.