Daniyɛl 12:9 - Ghena ta Shala

⁹ Ma ke wəndəa shɛ zhɛnete: «Daniyɛl, kwiɗi ŋa, kwa nza ŋkɛ nahe ghena shɛhɛ kenza tewəfərə ba'a keŋzle ŋzle hwa'a te keɗaŋe ta və.

Daniyɛl 12:9 Iomraidhean Croise

Ɛzayi 29:11

Ma wəshi nyi kencɛte geva nyi ne, kala ghena nyi te palepa nya kendɛaŋe ndɛaŋe nya ve nda mbeli ke wəndə nya keɗepe jaŋga. Ma ke mbeli shɛ: «Jaŋgate palepa nya.» Ama ma ke zhɛnete: «Kajaŋgate 'ya, va nya nza palepa shɛ kendɛaŋe ndɛaŋe we.»

Ɛzayi 8:16

Yate ghena nya, veyi ghena nyi gezete 'ya hwa ka təkwə təkwə ɗa.»

Daniyɛl 10:14

Ma tsetsenya ne, 'ya se kezha fave ŋa wəsə nya ketemene nda geva ke hwelefe ta ŋa te kwete hɛ, kwa nza ŋkɛ kwete wəsə nya ketemene geva te vəa shɛ ya shɛ.»

Daniyɛl 11:40

Ma te keɗaŋe ta və ne, kateha nda mpa meghe nya laka bela kwa zeme ke meghe nya laka bela kwa gwela. Ama katentsa ŋkɛ yitea meghe nya laka bela kwa zeme le yɛ wəmata kempa ta ŋkɛ, ka zleɗe gədəwəa lɛməa ŋkɛ ba'a kwambelə kwele kwele. Katedzete hɛɗi kwele kwele ŋkɛ le ka sewajɛa ŋkɛ. Katedzawa ŋkɛ wəmbəa yɛ ghala kala hələ nya paca paca.

Daniyɛl 12:4

Ma gha gɛ Daniyɛl, wəfərəakɛ ghena shɛhɛ ba'a ŋzlete palepa nya hwa'a te keɗaŋe ta və. Ma vəa ŋkwa shɛ ne, kwele kwele mbeli nyi ketejaŋga, katemtsehe geva ɗepe wəsə ta nci.»

Daniyɛl 12:8

Ma 'ya, 'ya Daniyɛl ne, nahe 'ya kefate ghena shɛhɛ, ama kefave ghena nya mbe hɛ 'ya we. Tagha gɛ, ma 'ya 'yɛwete: «Nde sleke ɗa yawe, tsema tenza kiɗi ta wəshia shɛhɛ wa?»

Daniyɛl 8:26

Nya ya kakaganda ta ghena nya mbe wəsə nya nakɛ nya na te ghəa yɛ tɛhwɛɗi ba'a masheke. Ama gezema ghena ta wəsə nya nakɛ nya na tsetsenya ma. Kwa nza ŋkɛ ne, cakeɗake və nyi temene geva ŋkɛ te.

Ghena Kelɛŋə 10:4

Ma kwa gezemte ghena berazlɛ ta va nyi ne, nahe 'ya kehite geva kezha rafe hɛ. Ma vəa ŋkwa shɛ ne, ma ke kwete ghena gezete ɗa geva sawa pelɛ ghweme: «Wəfərəakɛ ghena nya gezete berazlɛ ta va nyi mberefaŋe nyi, rafema ghena shɛ na ma.»