Daniyɛl 12:7 - Ghena ta Shala

⁷ Pa wəndə nya mbe lekwesa pawa shɛ kafete dzeve bake nci yitea ghweme, ma ke gezete ghena kafefa 'ya: «Kazeme 'ya kafela le Shala teghweme nya kaghala ghala, katetemə wəshia shɛhɛ kava mahekene ba'a kwete yite. Katekiɗi hɛ vəa ŋkwa nya denenyɛ pɛtɛa berete ta mbelia Shala.»

Daniyɛl 12:7 Iomraidhean Croise

Palepa ta JOB 27:2

«Le Shala teghweme nya kendeke ɗa fete, le Shala nde berete nya kebezemte ɗa wənə zeme fela 'ya:

Ɛzayi 62:12

Kateheka nda slə mbeli ke hɛ “kaHwelefe nya keveyi geva tekeleke”, “kaMbeli nyi mbeɗeke Mahwətə”. Zhɛrəzalɛm, kateheka ŋa mbeli “kaKwajiwəni”, “kaMeleme nya keɗema kewəfə wəfə”.

Zhɛrɛmi 4:2

Ma kezemete fela na: Le Mahwətə, le kaganda, le tiɗiɗi, le hweŋkwa ta ŋkɛ ne, kewəpi wəpi katenza kweci hwelefefi te sləa ŋkɛ, gwəfə tenza ghəa nci te.»

Ɛzɛkiyɛl 20:5

Ma pa na sha geze nda ke hɛ: Wa nya ghena nya geze Shala Mahwətə nya: Ma te veci nya ntave ka Israyɛl 'ya ne, nahe 'ya kegezete nda gheci gheci ke hwelefe ta Zhakob. Nahe 'ya kencɛte nda ghəa ɗa ke hɛ kwa Ɛzhipte, nahe 'ya kegezete nda gheci gheci ke hɛ, ma 'ya sha hɛ: 'Ya ya kaMahwətə Shala ta ŋayɛ.

Daniyɛl 10:5

Ma newe 'ya ne, pa 'ya nakɛ kwete wəndə mbe lekwesa pawa, zewe mze kwa tere tere nya ganyɛ ya hwa hwə ve.

Daniyɛl 11:13

Katezhɛne geva meghe nya laka bela kwa gwela kalə sha ghɛ ba'a katetsene ka sewajɛ ŋkɛ kwele kwele ma ke nyi keghate. Ma kwa sebe ta va ɓɛhwɛ ne, katezhɛne geva ŋkɛ kase le ka sewajɛ kwele kwele ba'a wəshi kempa kwele kwele.

Daniyɛl 12:6

Ma ke kwete wəndəa nci 'yɛwete va wəndə nya mbe lekwesa pawa, nya meghereŋe lateghə mɛa hələ: «Hweŋkwa tekiɗi wəshi meŋelea shɛhɛ wa?»

Daniyɛl 12:8

Ma 'ya, 'ya Daniyɛl ne, nahe 'ya kefate ghena shɛhɛ, ama kefave ghena nya mbe hɛ 'ya we. Tagha gɛ, ma 'ya 'yɛwete: «Nde sleke ɗa yawe, tsema tenza kiɗi ta wəshia shɛhɛ wa?»

Daniyɛl 4:31

Kwa sebe ta və nya kesləyi geva ne, ma ke Nabəkodonozor: «Ma kiɗima ta va mberefaŋe ne, pa 'ya kafete kema dzeme yitea ghweme ba'a pa mehele zhɛneke ɗa geva. Ntake 'ya katsa nda hana ke Shala tehwə ghweme. Ntake 'ya katsahe ŋkɛ ba'a kave zləvə te sləa ŋkɛ. Nahe meghea ŋkɛ kenza kameghe nya kaghala ghala, nahe ŋkɛ kenza kameghe keshi keshi.

Daniyɛl 4:34

Ma tsetsenya, 'ya Nabəkodonozor ne, 'ya katsa nda hana, katsahe ba'a kave zləvə te Meghe nya pelɛ ghweme. Kwa nza ŋkɛ ne, nahe yɛ slene ta ŋkɛ kenza kakaganda ba'a nahe yɛ dzeghwa ta ŋkɛ kenza kanza tiɗiɗi, wərə ŋkɛ kashifəmte mbeli nyi kekele ghəa nci.»

Daniyɛl 7:21

Ma mba 'ya kanewe ŋkwa ne, ntake ŋkɛ kampa le mbelia Shala ba'a kahərə hɛ.

Daniyɛl 7:25

Kategeze ghena ŋkele ntsə ŋkɛ te Shala tehwə ghweme ba'a katesa nda yaka ŋkɛ ke mbelia Shala. Katekele zəzə ŋkɛ kezha zhɛre yɛ hɛa yɛ gəsəkə ba'a wəsə mahalegəa Shala. Katenza mbelia shɛhɛ mbe dzeve ta ŋkɛ kava mahekene ba'a kwete yite.

Daniyɛl 8:14

Ma ke nde ghate ta nde ghwene ta Shala zhɛnete nda: Nda tɛhwɛɗi ba'a masheke 2.300 kakiɗinji. Kwa sebe ta ŋkɛ ne, katedzete zhɛvəalia ŋkɛ ghɛa Shala.

Daniyɛl 8:24

Katemtsehe berete ta ŋkɛ, ama ve se ŋkɛ we. Katebeze wəshi ŋkɛ ndiremike mike ba'a katejive ŋkɛ mbe kema mbe yayata wəsə nya temene ŋkɛ. Kateza sebe ŋkɛ te mbeli nyi berete berete, geze ta ŋkɛ mbeli nyi kaŋa Shala.

Ləwke 21:14

Ɗepe mə tiɗiɗi, zəzəma ghena nya tegeze yɛ kwa kema ta mbeli yɛ ma.

Ləwke 21:24

Katempə hɛ ka jaga ta nci le kafayɛ, katekese hɛ mbeli kaka mavashi kalə kadzete kweci hɛɗi. Kateŋkeɗe Zhɛrəzalɛm kweci hwelefefi hwa'a te və nya tekiɗi zlɛa nci.

Zhɛne Ghwelə yitea Wəshi Mahalegə 26:19

Kaganda ne, kaɗe Shala Mahwətə ta ŋayɛ kanza yɛ kakwa ghate hwa hwelefefi nyi pate ŋkɛ pɛtɛ: laka zləvə, laka dzemte ta slə ba'a laka kwele. Kaɗe ŋkɛ kanza yɛ kambeli nyi keveyi geva kaŋa ŋkɛ le ghəa ŋkɛ, kala nya meɗeyi ŋayɛ ŋkɛ.

Zhɛne Ghwelə yitea Wəshi Mahalegə 32:36

Katemeha nda ghwə Mahwətə tiɗiɗi ke mbelia ŋkɛ, katezhɛ heli ŋkɛ yitea ka mene slene ta ŋkɛ vəa ŋkwa nya tenakɛ hɛ ŋkɛ kaka dewə berete, kaɗema wəndə kedɛŋe geva ba'a kekemane hɛ shɛ.

Zhɛne Ghwelə yitea Wəshi Mahalegə 32:40

Kaganda ne, 'ya kakafe dzeve yitea ghweme, ma 'ya sha fela: Kaganda nza 'ya teghweme kaghala ghala.

Zhɛne Ghwelə yitea Wəshi Mahalegə 7:6

Kwa nza ŋkɛ ne, mbeli nyi keveyi geva tekeleke kaŋa Shala Mahwətə ta ŋayɛ yɛ. Nahe Shala Mahwətə ta ŋayɛ kentave ŋayɛ tekeleke kaŋa ŋkɛ hwa kweci hwelefefi nyi te hɛɗi lema.

1 Piyɛre 2:9

Ama gheyɛ ne, nahe yɛ kenza kahwelefe nya kentave geva, kaka dzeghe Shala ta meghe, kahwelefe nya kaŋa Shala. Kezha ncɛ slene ta ŋkɛ nya ganyɛ ntave ŋayɛ Shala nya kehekakɛ ŋayɛ shave mbe ŋkwesle kadzembe waŋea ŋkɛ nya ganyɛ.

Ghena Kelɛŋə 12:14

Ama pa malea shɛ kemave bidzəa zele nya wəba bake kezha zlə kalə kadzete ŋkwa nya kehite nda geva te ɓerama, cakeɗake yitea shishi. Tagha ne, kaŋ'we wəsə kezeme nde kava mahekene ba'a tere ŋkwaŋe.

Ghena Kelɛŋə 12:6

Tagha gɛ, pa malea shɛ hwɛnyɛ kadzete ɓerama nya hite nda ŋkwa Shala te, kezha zeme wəsə kezeme nda te kahɛ 1.260.

Ghena Kelɛŋə 13:5

Pa wəsə keseɗa shɛ kemave hweŋkwa kegeze ghena ŋkele ntsə ba'a ghena keŋele Shala. Pa nde kemave berete kemene wəsə nya ɗe ŋkɛ katere wəfaɗemsə bakeghəmbe.

Ghena Kelɛŋə 4:10

kagwəɗəŋə mbelia jama nyi bakemsə wəfaɗeghəmbe kwa kema ta wəndə nya mentishɛ pelɛ pasla, kahawe hɛ va wəndə nya kenza kaghala ghala. Tereke hɛ sha derə meghea nci te kema ta pasla, ma ke hɛ:

Ghena Kelɛŋə 4:9

Ma mbe yayata və nya tsahe, nya ve zləvə ba'a nya tsa nda hana wəshi keseɗa nyi wəfaɗea shɛhɛ ke wəndə nya mentishɛ pelɛ pasla, gheŋkɛ nya kaghala ghala ne,