Daniyɛl 12:6 - Ghena ta Shala

⁶ Ma ke kwete wəndəa nci 'yɛwete va wəndə nya mbe lekwesa pawa, nya meghereŋe lateghə mɛa hələ: «Hweŋkwa tekiɗi wəshi meŋelea shɛhɛ wa?»

Daniyɛl 12:6 Iomraidhean Croise

Cimə 74:9

Kazhɛne n'yɛ kanakɛ wəshi kencɛ wəshia n'yɛ we, kezhɛne ka mɛ ŋkwa kanza shɛ we, wəndə shɛ hwa ghen'yɛ keɗepe temə ta vəa shɛ we.

Ɛzɛkiyɛl 9:2

Tagha ne, hwa'a kweci mbeli ŋkwaŋe mɛa ŋkwa kedzeki ta ghɛa Shala nya laka bela kwa gwela. Yayata wəndəa nci le wəsə kempa yitea dzeve. Ma hwa hɛ ne, kwete wəndə ya shɛ mbe lekwesa pawa le wəsə kerafe wəsə ta nde rafe wəshi te hətə nya yitea yitəa ŋkɛ. Pa hɛ se kaghereŋenji dzeme vare reghwetɛ mze kwa ghwə ghwə.

Daniyɛl 12:5

Ma mba 'ya, 'ya Daniyɛl kanewe wəsəa shɛ ne, pa kweci mbeli bake ghereŋenji tagha, pelɛ kwete kema ta hələ kwete, nahe kwete kenza pelɛ kwete.

Daniyɛl 12:8

Ma 'ya, 'ya Daniyɛl ne, nahe 'ya kefate ghena shɛhɛ, ama kefave ghena nya mbe hɛ 'ya we. Tagha gɛ, ma 'ya 'yɛwete: «Nde sleke ɗa yawe, tsema tenza kiɗi ta wəshia shɛhɛ wa?»

Daniyɛl 8:13

Tagha gɛ, pa 'ya fate nde ghwene ta Shala kageze ghena. Ma ke kwete nde ghwene ta Shala sha gezete nda ghena: Pa te nyama və tetemə melɛ nya keveci keveci, slene nyi ndiremi ndiremi nyi kebeze wəshi pɛtɛ, nza ta ghɛa Shala wale wale ba'a ŋkeɗe ta ka sewajɛ nyi pelɛ ghweme, nyi kenakɛ geva nyi tse wa?

Daniyɛl 8:16

Tagha gɛ, pa 'ya fate ŋwələa wəndə ŋelɛ same kwa hələa Əwlay, ma ke zlapete: Gabriyɛl, ncɛte nda ghena nya mbe wəsəa shɛ ke wəndə nya!

Matiye 24:3

Mentishɛ Yɛsə pelɛ ghweme Bekele ne, pa mbeli nyi ketəkwə təkwə se shɛ kaghəa nci, ma ke hɛ shɛ: «Ncɛte n'yɛ wəsə nya ketencɛ və nya temene geva wəshi nyi te gi! Wa wəsə nya ketemene geva nda nza ghen'yɛ kaɗepe vəa se ta ŋa ba'a ŋa kiɗi ta hɛɗi wa?»

Mark 13:4

«Gezete n'yɛ: Hweŋkwa temene geva wəshia shɛhɛ wa? Wa wəsə nya ketencɛ n'yɛ vəa shɛ wa?»

Ka Ɛfɛze 3:10

Ma tsetse ŋkɛ ne, wərə mbelia jama nyi kesleke ŋkwa ba'a berete nyi pelɛ ghweme kaɗepe ntsehwelea Shala tsetsenya laka Jikə ta ka Kriste,

1 Piyɛre 1:12

Nahe Shala kencɛte nda ke ka mɛ ŋkwa kaɗema ghena nya zlape hɛ kenza kezha ghəa nci, ama kezha gheyɛ. Nahe ghena shɛ kegezete ŋayɛ geva tsetsenya laka ka zlape Ghena kwatenca nya ganyɛ, nyi kegezete ghena le berete ta Sefəa Shala nya kesawa pelɛ ghweme. Kamawe ɗepe ta ŋkɛ kwele kwele ka ghwene ta Shala le ghəa nci.

Ghena Kelɛŋə 15:6

Pa ka ghwene ta Shala mberefaŋe nyi nza ndiremi mberefaŋe va hɛ shave mbe ghɛa Shala, lekwesa nyi tɛawetɛa tɛawetɛa kala pawa ba'a nyi keslesla ya kənəa hɛ, zewe mze kwa tere tere ya hwa hwə va hɛ.

Ghena Kelɛŋə 19:14

Kazele ŋkɛ ka sewajɛ nyi pelɛ ghweme pelɛ gədəwəa lɛmə nyi ghwaba ghwaba. Nahe pɛtɛa nci kenza mbe lekwesa pawa nyi slɛahe slɛahe, nyi ghwaba ghwaba ba'a nyi ganji ganji.

Ghena Kelɛŋə 6:10

Ma ke hɛ zlapete le berete: «Nde sleke ŋkwa nya keveyi geva tekeleke nya kaganda, hweŋkwa temeha ghwə na te mbeli nyi te hɛɗi kezha wa dewa ta mimia n'yɛ wa?»