Daniyɛl 12:4 - Ghena ta Shala

⁴ Ma gha gɛ Daniyɛl, wəfərəakɛ ghena shɛhɛ ba'a ŋzlete palepa nya hwa'a te keɗaŋe ta və. Ma vəa ŋkwa shɛ ne, kwele kwele mbeli nyi ketejaŋga, katemtsehe geva ɗepe wəsə ta nci.»

Daniyɛl 12:4 Iomraidhean Croise

Ɛzayi 11:9

Katezhɛne wəsə kwa ndiremi keɗema berete kamene geva pelɛ pɛtɛa ghweme ta ɗa nya keveyi geva tekeleke we. Kwa nza ŋkɛ viɗi tenza hɛɗi va ɗepe wəsə ta Mahwətə, kala nya viɗi ndərə yɛmə.

Ɛzayi 29:11

Ma wəshi nyi kencɛte geva nyi ne, kala ghena nyi te palepa nya kendɛaŋe ndɛaŋe nya ve nda mbeli ke wəndə nya keɗepe jaŋga. Ma ke mbeli shɛ: «Jaŋgate palepa nya.» Ama ma ke zhɛnete: «Kajaŋgate 'ya, va nya nza palepa shɛ kendɛaŋe ndɛaŋe we.»

Ɛzayi 30:26

Ma te veci nya tepeɗe yɛ zhia mbeli ŋkɛ Mahwətə, ma vəa ŋkwa nya tempi zhia nci ŋkɛ ne, kateɓele tere kala ɓele ta veci, kateɓele veci mberefaŋe zhigə za ma ke nya ghalanza.

Ɛzayi 32:3

Katezhɛne ntsə ta mbeli nyi kenewe ŋkwa kedərəzlə dərəzlə we, megela tefa ghena sleme ta mbeli nyi kefa ghena.

Ɛzayi 8:16

Yate ghena nya, veyi ghena nyi gezete 'ya hwa ka təkwə təkwə ɗa.»

Zhɛrɛmi 5:1

Ma ke Mahwətə: «Zelemte mə hweŋkwa nyi mbe Zhɛrəzalɛm, newemte mə megela, 'yɛwemte mə, zelemte mə ŋkwa kebeke nyi mbe. Ma kesləyi wəndə nya kemene wəsə nya tiɗiɗi, nya kegeze kaganda yɛ ne, ma tsagha, katekele fete ta Zhɛrəzalɛm te wənə.»

Daniyɛl 10:1

Ma mbe kwa mahekene ta va ta Sirəs, meghe nya mbe Pɛrse te meghe ne, pa ghena ta Shala ncɛte nda geva ke Daniyɛl nya heka mbeli kaBɛltasar. Nahe ghena shɛ kenza kakaganda ba'a kaghena nya dzawe. Pa Daniyɛl zəzəve ghena shɛ ba'a fave ghena nya mbe wəsə nya nakɛ ŋkɛ.

Daniyɛl 10:14

Ma tsetsenya ne, 'ya se kezha fave ŋa wəsə nya ketemene nda geva ke hwelefe ta ŋa te kwete hɛ, kwa nza ŋkɛ kwete wəsə nya ketemene geva te vəa shɛ ya shɛ.»

Daniyɛl 10:21

Ama 'ya kageze ŋa wəsə nya kerafete geva mbe palepa ta kaganda. Wəndə shɛ kakemane ɗa va ka ghema shɛhɛ, keɗema Mishɛl, nde ya Israyɛl we.

Daniyɛl 11:33

Kateteke nda wəshi mbeli nyi kezəzə ghena nyi hwa hɛ ke mbeli kwele kwele. Ama mbe və ɓɛhwɛ ne, katempə kweci mbeli va kafayɛ, katetere kweci va ghwə, katefəhwe geva kweci ba'a katebete geva kweci kwa daŋgayɛ.

Daniyɛl 11:40

Ma te keɗaŋe ta və ne, kateha nda mpa meghe nya laka bela kwa zeme ke meghe nya laka bela kwa gwela. Ama katentsa ŋkɛ yitea meghe nya laka bela kwa zeme le yɛ wəmata kempa ta ŋkɛ, ka zleɗe gədəwəa lɛməa ŋkɛ ba'a kwambelə kwele kwele. Katedzete hɛɗi kwele kwele ŋkɛ le ka sewajɛa ŋkɛ. Katedzawa ŋkɛ wəmbəa yɛ ghala kala hələ nya paca paca.

Daniyɛl 12:13

Ma gha, gha Daniyɛl ne, nza dɛŋe dɛŋe hwa'a te keɗaŋe. Tagha gɛ, katekemave zhɛne mpi na ba'a katesame na kwa kwele kezha ŋ'we zhɛme ta ŋa te keɗaŋe ta və.»

Daniyɛl 12:5

Ma mba 'ya, 'ya Daniyɛl kanewe wəsəa shɛ ne, pa kweci mbeli bake ghereŋenji tagha, pelɛ kwete kema ta hələ kwete, nahe kwete kenza pelɛ kwete.

Daniyɛl 12:9

Ma ke wəndəa shɛ zhɛnete: «Daniyɛl, kwiɗi ŋa, kwa nza ŋkɛ nahe ghena shɛhɛ kenza tewəfərə ba'a keŋzle ŋzle hwa'a te keɗaŋe ta və.

Daniyɛl 8:17

Pa Gabriyɛl hendeke geva kase kadzete ŋkwa nya ghereŋe ɗa 'ya te. Ma vəa ŋkwa nya hende geva ŋkɛ kase ne, pa ghazlənə keseve ɗa, pa 'ya teɗe ɗa njifə kema mbe hɛɗi. Ma ke sha 'ya: Wəndə ŋelɛ, fave kiɗi ta və yancɛ wəsə nya.

Daniyɛl 8:19

Kwa sebe ta ŋkɛ, ma ke sha 'ya: 'Ya katencɛ ŋa wəsə nya ketemene geva te kiɗi ta və nya kesləyi geva, və nya tekiɗi hwepe wənə ta Shala.

Daniyɛl 8:26

Nya ya kakaganda ta ghena nya mbe wəsə nya nakɛ nya na te ghəa yɛ tɛhwɛɗi ba'a masheke. Ama gezema ghena ta wəsə nya nakɛ nya na tsetsenya ma. Kwa nza ŋkɛ ne, cakeɗake və nyi temene geva ŋkɛ te.

Matiye 24:14

Nda Ghena kwatenca nya ganyɛ ta Meghe nya pelɛ ghweme kazlapete geva te hɛɗi lema yitea fate pɛtɛa hwelefe nda tese kiɗi ta hɛɗi.

Ka Rome 10:18

Tagha gɛ, ma 'ya sha 'yɛwe: Ashɛ hɛ kefave ghena nya zlapete mbeli wəka? E'e, nahe hɛ kefave. Ma ke Ghena ta Shala gezete: «Nahe mbeli kefa zlape ta ghena ta nci te yayata hɛɗi. Nahe ghena ta nci kentsehe hwa'a te mendɛkwe ta hɛɗi.»

Ghena Kelɛŋə 10:4

Ma kwa gezemte ghena berazlɛ ta va nyi ne, nahe 'ya kehite geva kezha rafe hɛ. Ma vəa ŋkwa shɛ ne, ma ke kwete ghena gezete ɗa geva sawa pelɛ ghweme: «Wəfərəakɛ ghena nya gezete berazlɛ ta va nyi mberefaŋe nyi, rafema ghena shɛ na ma.»

Ghena Kelɛŋə 22:10

Kwa sebe ta ŋkɛ, ma ke sha 'ya: «Wəfərəma ghena kelɛŋə nyi mbe palepa nya na ma, kwa nza ŋkɛ nahe və nya kedzeghete geva kezha pɛtɛa wəshia shɛhɛ kenza takwa takwa.

Ghena Kelɛŋə 5:1

Pa 'ya nakɛ palepa kakwa peɗe peɗe mbe dzeve kwa zeme ta wəndə nya mentishɛ pelɛ pasla. Rafe ya te yɛ bela ta ŋkɛ bake nci, keŋzle ŋzle ŋkɛ le lamba mberefaŋe.