Daniyɛl 12:3 - Ghena ta Shala

³ Kateɓele mbeli nyi kezəzə ghena kala ŋkwa nya pelɛ ghweme. Ma kwa sebe ta nya ncɛte nda nza tiɗiɗi hɛ ke mbeli kwele kwele ne, kateɓele hɛ kaghala ghala kala yɛ saseregwa.

Daniyɛl 12:3 Iomraidhean Croise

Shave 34:35

kanewe newe ɓele ta kema ta Moyize ka Israyɛl. Kwa sebe ta ŋkɛ ne, pa Moyize dəpəyi wəsə kwa kema ta ŋkɛ pa te və nya tezhɛne geva ŋkɛ kalə kageze ghena le Mahwətə.

Yɛ Ghena Ŋela 11:30

Ma slene ta mbeli nyi tiɗiɗi ne, kala wəfe ta mpi hɛ. Ma wəndə nya kentsehwele ntsehwele ne, kakese mehele ta mbeli ŋkɛ.

Yɛ Ghena Ŋela 3:35

Zləvə nde tenza te ka ntsehwele ntsehwele, ama hawe nde tenza te ka gezhia kɛfi.

Yɛ Ghena Ŋela 4:18

Ama nahe hweŋkwa ta mbeli nyi tiɗiɗi kenza kala wakaka ta ŋkwa nya kemtsehe waŋe pa kwa ghə veci.

Nde zlape ghena 12:9

Ma kwete wəsə nya kembakete geva ne, kenzanyɛ nde ntsehwele ntsehwele keteke nda wəsə nya ɗepe ŋkɛ ke mbeli we. Nahe ŋkɛ kese kazəzə te ghena ŋela kwele kwele, nahe ŋkɛ kefave zeweve ta nci ba'a ketseɓate hɛ megela.

Ɛzayi 53:11

Tewəmbəreke yaka nyi sahwe ŋkɛ ne, katenewe waŋe ŋkɛ, katebehe ŋkɛ va zeɗe nza. Ma nde mene slene ta ɗa nya kawəndə nya tiɗiɗi ne, kateve nda nza tiɗiɗi ŋkɛ ke mbeli kwele kwele, va nya veyi yɛ jaɗafa ta nci ŋkɛ kwa ghəa ŋkɛ.

Zhɛrɛmi 23:22

Ma ya nahe hɛ keɗepe ghena ta ɗa nyi tewəfərə ne, nza wərə hɛ kagezave nda ke mbelia ɗa, kezha zhɛre geva hɛ same kwa hweŋkwa kwa ndiremia nci ba'a shave mbe wəshi nyi ndiremi ndiremi nyi mene hɛ.»

Daniyɛl 11:33

Kateteke nda wəshi mbeli nyi kezəzə ghena nyi hwa hɛ ke mbeli kwele kwele. Ama mbe və ɓɛhwɛ ne, katempə kweci mbeli va kafayɛ, katetere kweci va ghwə, katefəhwe geva kweci ba'a katebete geva kweci kwa daŋgayɛ.

Daniyɛl 11:35

Ma hwa mbeli nyi kezəzə ghena ne, kwele kwele mbeli nyi ketempə. Mpə ta nci nde teyaɓe mbeli, nde tepɛ hɛ ba'a nde tezhɛre hɛ tɛzlɛzlɛ kezha kwa keɗaŋe ta və. Kwa nza ŋkɛ ne, nahe ŋkɛ kenza kaŋa və nya kesləyi geva.

Daniyɛl 12:10

Katenza mbeli kwele kwele keyaɓe yaɓe, tɛzlɛzlɛ ba'a kepɛ pɛ va yɛ yaka. Katemene wəshi nyi ndiremi ndiremi te ka ndiremia mehele. Katefave ka ndiremia mehele we, ama katefave mbeli nyi kezəzə ghena.

Matiye 13:43

Ama mbeli nyi tiɗiɗi ne, kala veci teɓele hɛ mbe Meghea Yite nci. Fa ghena wəndə nya nza sleme ve.»

Matiye 19:28

Ma ke Yɛsə sha hɛ: «Kaganda ne, ma 'ya sha gheyɛ: ma vəa ŋkwa nya tentishɛ Wəzege ta za pelɛ pasla nya nza zləvə te ne, katentishɛ gheyɛ nyi meŋe bakeghəmbe nyi kese katəkwə təkwəte ɗa pelɛ yɛ pasla kezha meha ghwə te ka yitehɛa Israyɛl nyi meŋe bakeghəmbe.

Matiye 24:45

Wa sləa mava nya dɛŋe dɛŋe te slene ta ŋkɛ, nya kentsehwele ntsehwele, nya veyi nde sleke ŋkɛ te ghəa kweci ka mavashi kezha ve nda wəshi kezeme ŋkɛ ke hɛ te və nya kehi wa?

Zhaŋe 4:36

Nahe wəndə nya ketsa ha kekemave zhɛme ta ŋkɛ, katsene ha ŋkɛ kezha mpi nya kaghala ghala. Tsagha gɛ, kazlama nde tsawete ha ba'a nde tsa ha kanya kwetɛŋe.

Zhaŋe 5:35

Kala paterela nya kewaŋe ŋkwa se Zhaŋe. Nahe yɛ keɗehwe zlama yitea waŋe ta ŋkɛ kavə ɓɛhwɛ.

Slene 13:1

Mbe Jikə ta ka Kriste nya mbe Antiyoshe ne, ka mɛ ŋkwa ta Shala ba'a ka teke nda wəshi ke mbeli ya shɛ: Barnabas, Simon nya heka mbeli kande Ŋkereyi, Ləsiyəs nya kande Sirɛne, Manayɛn nya mandala Hɛrode nya kesleke Galilɛ ba'a Sol.

1 Ka Korɛnte 3:10

Kala zlaɓa ta ŋkɛ nya ndeke ɗa Shala ne, nahe 'ya keghate shihə tiɗiɗi kala wəndə nya keɗepe ŋa ŋkwa. Kwete wəndə nde ŋa dewe tsetsenya kadzeghə. Ama ntsehwele yayata wəndə yitea ŋa ŋkwa ta ŋkɛ.

Ka Ɛfɛze 4:11

Gheŋkɛ nde ndeke nda zlaɓa ke mbeli kezha nza kaka ghwene ta Yɛsə Kriste, kaka mɛ ŋkwa, kaka geze Ghena kwatenca nya ganyɛ, kaka ya ŋkwa, kaka teke nda wəshi ke mbeli.

Ka Ɛbrə 5:12

Nahe yɛ ketemə kwele kwele kezha zhɛre kaka teke nda wəshi ke mbeli. Ama mba yɛ kaɗe kateke ŋayɛ ka ghate ta wəshi nyi mbe ghena ta Shala mbeli. Ndagwara gare zeme ɗafa kembeɗa yɛ, ama ŋ'wa yaɗe yɛ kasa kala yɛ velɛnjɛ.

2 Piyɛre 3:15

Ɗepete mə mbele yave ŋayɛ zereghe ghena ta Nde sleke ŋkwa, kala nya gezete ŋayɛ wəza meyɛ ɓəmə ba'a mcɛ ɓəmə Pol laka ntsehwele nya ndeke nda Shala.

Ghena Kelɛŋə 1:20

Wa nya ghena nya tewəfərə mbe saseregwa nyi mberefaŋe nyi newe nyi na mbe dzeve kwa zeme ta ɗa ba'a paterela mze kwa tere tere nyi mberefaŋe nyi nya: nahe saseregwa nyi mberefaŋe kenza kambeli nyi te ghəa Jikə ta ka Kriste mberefaŋe, nahe paterela nyi mberefaŋe kenza kaJikə ta ka Kriste mberefaŋe.

Ka Meha ghwə 5:31

Mahwətə, pɛtɛ hi ka ghema ta ŋa, kampə kala nya mte Sisra! Ama ka mcɛhɛ ŋa kanza kala veci, kwa same ŋkɛ le ɓele ta ŋkɛ pɛtɛ!» Pa kwelɛŋe menete geva te hɛɗi kava wəfaɗemsə.