Daniyɛl 12:2 - Ghena ta Shala

² Katefeɗeghe mbeli kwele kwele nyi yitea hɛ kwa kwele: ma kweci mbeli ne, kezha mpi nya kaghala ghala, ma kweci, kezha hawe ba'a ndiremi nya kaghala ghala.

Daniyɛl 12:2 Iomraidhean Croise

Yɛ Ghena Ŋela 12:8

Katsahe wəndə nya ganyɛa mehele mbeli, ama kaɓela nde dewə mehele mbeli we.

Ɛzayi 26:19

Katezhɛne mbeli nyi kempə mpə ta ŋayɛ kanza teghweme, katesame geva ta nci kwa kwele. Gheyɛ mbelia kwahɛɗi, feɗeghe mə ba'a tsa mə gaghwe. Kwa nza ŋkɛ ne, kateghwene ŋayɛ mɛnɛa waŋe Shala, kezha zhɛne hɛɗi kave nda mpi ke mbeli nyi kempə mpə.

Ɛzayi 66:24

Ma vəa ŋkwa nya teshave hɛ ne, wərə hɛ katenakɛ mbeli nyi kesema kafa ɗa ghena kempə mpə. Katempə menciɗi nyi kezeme hɛ we, katemte ghwə nya ketere hɛ we. Katenza ŋkɛ kawəsə nya ndiremi kashasha sha pɛtɛa mbeli nyi te hɛɗi lema.

Zhɛrɛmi 20:11

Ama Mahwətə ne, kənəa 'ya ŋkɛ kala katsala kempa nya ghazlənə mbeli ve. Ka ghweze mɛ hwa 'ya ka teteɗe, katehərəte ɗa hɛ we. Shewə tenza hɛ va hawe, va nya ɗema hɛ kehərəte ɗa. Kaghala ghala tenza hawe te hɛ, wəndə shɛ katezaghə we.

Ɛzɛkiyɛl 37:12

Vatse, gezete nda ghena ta ɗa ke hɛ, ma pa na sha hɛ: Wa nya ghena nya geze Shala Mahwətə nya: 'Ya kateghwene yɛ kwele ta ŋayɛ yitea fə ŋayɛ kasame, gheyɛ mbelia ɗa. Kadzete hɛɗia Israyɛl tefə ŋayɛ 'ya.

Palepa ta Ozɛ 13:14

Katembeɗe hɛ 'ya va dzawa ghɛa mbelia kwahɛɗi na? Katembele hɛ 'ya va mte na? Gha mte, tema wəshi kempa ta ŋa gɛ wa? Gha ghɛa mbelia kwahɛɗi, tema berete kempə ŋkwa ta ŋa gɛ wa? Katezhɛ heli 'ya yitea Ɛfrayim we.

Matiye 25:46

Kateŋka hɛ mbeli kadzembe yaka kaghala ghala, ama mbeli nyi tiɗiɗi ne, mbe mpi nya kaghala ghala tenza hɛ.»

Slene 24:15

Zəzə nya neghe mbeli mbe Shala ya va 'ya kala hɛ perə. Katesame mbeli nyi ganji ganjia mehele ba'a nyi ndiremi ndiremia mehele kwa kwele le mpi.

Slene 7:60

Zhɛne ne, pa ŋkɛ gwəɗəŋə, ma ke tsate lewela le berete: «Nde sleke ŋkwa, ɓelama jaɗafa ta nci nya na ma.» Kiɗima ta ghena nya ne, mtiwə ŋkɛ.

Ka Rome 9:21

Ashɛ berete va male nya keŋa ghene kezha ŋa wəsə nya ɗe nde le rekɛ ghene wəka? Le rekɛa shɛ ne, ashɛ wərə nde kaŋate wəsə nya nza zləvə ba'a nya ɗema zləvə te wəka?

1 Ka Tɛsalonike 4:14

Kaganda ke gheɓəmə sha mte ta Yɛsə ba'a sha same ta ŋkɛ kwa kwele le mpi. Tsagha shɛ ne, katefə mbeli nyi kempə mpə Shala same kwa kwele zlaɓe le Yɛsə.

Ghena Kelɛŋə 20:12

Ma kwetere wəmbəa ŋkɛ ne, pa 'ya nakɛ mbeli nyi kempə mpə, mbeli nyi jama jama ba'a nyi ɓɛhwɛ ɓɛhwɛ, meslete meslete kwa kema ta pasla. Pa yɛ palepa pepelemte geva. Pa kwete palepa pelemte geva: gheŋkɛ ya kapalepa ta mpi. Pa ghwə mehate geva te mbeli nyi kempə mpə kala wəshi nyi menete hɛ, kala wəsə nya kerafete geva mbe palepa shɛhɛ.