Daniyɛl 12:13 - Ghena ta Shala

¹³ Ma gha, gha Daniyɛl ne, nza dɛŋe dɛŋe hwa'a te keɗaŋe. Tagha gɛ, katekemave zhɛne mpi na ba'a katesame na kwa kwele kezha ŋ'we zhɛme ta ŋa te keɗaŋe ta və.»

Daniyɛl 12:13 Iomraidhean Croise

Cimə 1:5

Vatse teshɛma ka 'yaghwa mehele kaghereŋe te ghwə, ya ka jaɗafa hwa tsene ta mbeli nyi tiɗiɗi.

Cimə 16:5

Mahwətə, gha ya kaŋa ɗa wəsə kezeme ghɛ ba'a kaŋa ɗa bela. Mbe dzeve ta ŋa mpia ɗa.

Cimə 16:9

Kala nya zlama wənəa ɗa ne, tsagha nza mehele ta ɗa fare fare ba'a pɛtɛa geva ta ɗa gwezlayɛ.

Shave 33:14

Ma ke Mahwətə zhɛnete nda: «Katebeghe ŋayɛ 'ya le ghəa ɗa! Hehama na ma.»

Daniyɛl 12:3

Kateɓele mbeli nyi kezəzə ghena kala ŋkwa nya pelɛ ghweme. Ma kwa sebe ta nya ncɛte nda nza tiɗiɗi hɛ ke mbeli kwele kwele ne, kateɓele hɛ kaghala ghala kala yɛ saseregwa.

Daniyɛl 12:4

Ma gha gɛ Daniyɛl, wəfərəakɛ ghena shɛhɛ ba'a ŋzlete palepa nya hwa'a te keɗaŋe ta və. Ma vəa ŋkwa shɛ ne, kwele kwele mbeli nyi ketejaŋga, katemtsehe geva ɗepe wəsə ta nci.»

Zakari 3:7

Wa nya ghena nya geze Mahwətə nde berete nya: «Ma keyate wəshi mahalegəa ɗa na ba'a kemenete wəshi nyi gezete 'ya na ne, gha nde tenza te ghəa ghɛa ɗa ba'a ŋwela nyi dzeyi yite, kateve ŋa 'ya hwa mbeli nyi kemene ɗa slene nyi teke.

Matiye 19:28

Ma ke Yɛsə sha hɛ: «Kaganda ne, ma 'ya sha gheyɛ: ma vəa ŋkwa nya tentishɛ Wəzege ta za pelɛ pasla nya nza zləvə te ne, katentishɛ gheyɛ nyi meŋe bakeghəmbe nyi kese katəkwə təkwəte ɗa pelɛ yɛ pasla kezha meha ghwə te ka yitehɛa Israyɛl nyi meŋe bakeghəmbe.

Ləwke 21:36

Nza mə le ntsə, səkwə mə ghə keveci keveci. Tagha gɛ, katenza berete va gheyɛ kasəwə wəsə nya ketemene geva ba'a kaghereŋe kwa kema Wəzege ta za.»

2 Ka Korɛnte 5:1

Nahe n'yɛ keɗepe, ya kwela kiɗinyɛ nza ta n'yɛ nya teke te hɛɗi nya kacɛ lekwesa, geze ta ŋkɛ, geva ta n'yɛ ne, nahe Shala kehite n'yɛ kwete ghɛ pelɛ ghweme. Gheŋkɛ nde ŋate ghɛa shɛ le ghəa ŋkɛ, kenza kawəndə we, kaghala ghala tenza ghɛa shɛ.

2 Tɛsalonike 1:7

Ma gheyɛ mbeli nyi kesa yaka tsetsenya ne, kateve ŋayɛ zhɛne mpi Shala, tsagha ke ghen'yɛ perə. Ma wəshia shɛhɛ ne, katemene geva hɛ te veci nya tesawa Nde sleke ɓəmə Yɛsə pelɛ ghweme le ka ghwene ta ŋkɛ nyi berete berete.

Ghena Kelɛŋə 14:13

Kwa sebe ta ŋkɛ, pa 'ya fate ŋwələ sawa pelɛ ghwene, ma ke: «Rafete ghena nya: Zlama ya mbeli nyi kempə mbe slene ta Nde sleke ŋkwa tsetsenyanyɛ. Ma ke Sefəa Shala gezete: Kaganda ne, zlama ya va hɛ. Katezhɛne mpi hɛ va slene nyi dzawe dzawe nyi menete hɛ. Kwa nza ŋkɛ ne, kabeghe hɛ slene nyi menete hɛ.»