Daniyɛl 12:10 - Ghena ta Shala

¹⁰ Katenza mbeli kwele kwele keyaɓe yaɓe, tɛzlɛzlɛ ba'a kepɛ pɛ va yɛ yaka. Katemene wəshi nyi ndiremi ndiremi te ka ndiremia mehele. Katefave ka ndiremia mehele we, ama katefave mbeli nyi kezəzə ghena.

Daniyɛl 12:10 Iomraidhean Croise

Cimə 107:43

Ma wəndə nya kentsehwele ntsehwele ne, katemene slene ŋkɛ le ghena nyi ba'a kateɗepe ganyɛa Mahwətə ŋkɛ.

Cimə 51:7

Kaganda ne, sawa hwa jaɗafa yake geva 'ya, ma ghala dzawa hwə 'ya va meyɛ ɗa ne, mbe jaɗafa 'ya.

Yɛ Ghena Ŋela 1:5

Ya ka ntsehwele ntsehwele ne, wərə hɛ kakemave zhɛme mbe, ya ka ɗepe wəshi ne, wərə hɛ kasləyi ghena ganji mbe.

Ɛzayi 1:18

Ma ke Mahwətə «Nde mə, gheɓəmə kaghəpə. Ma kenza yɛ jaɗafa ta ŋayɛ ghɛmɛ kala mimi ne, katezhɛre hɛ tɛawe tɛawe kala kwacakelɛ. Ma kenza hɛ gheme hɛ kala hanci ne, katezhɛre hɛ tɛzlɛzlɛ kala shintia təmə.

Ɛzɛkiyɛl 36:25

'Ya kateyisə ŋayɛ le yɛmə nya lɛŋe yitea nza yɛ wɛŋe. 'Ya katepɛ ŋayɛ wɛŋe va reɗa ta ŋayɛ ba'a va wəshi nyi zhɛrete yɛ kashala.

Ɛzɛkiyɛl 47:11

Ama kweci bela ta yɛmə nyi daghelɛake daghelɛake vare ndərə ne, keghwənəghwəa ghwənəghwəanji tenza hɛ, yitea mene ghwene mbeli same kwa hɛ.

Daniyɛl 11:33

Kateteke nda wəshi mbeli nyi kezəzə ghena nyi hwa hɛ ke mbeli kwele kwele. Ama mbe və ɓɛhwɛ ne, katempə kweci mbeli va kafayɛ, katetere kweci va ghwə, katefəhwe geva kweci ba'a katebete geva kweci kwa daŋgayɛ.

Daniyɛl 11:35

Ma hwa mbeli nyi kezəzə ghena ne, kwele kwele mbeli nyi ketempə. Mpə ta nci nde teyaɓe mbeli, nde tepɛ hɛ ba'a nde tezhɛre hɛ tɛzlɛzlɛ kezha kwa keɗaŋe ta və. Kwa nza ŋkɛ ne, nahe ŋkɛ kenza kaŋa və nya kesləyi geva.

Daniyɛl 12:3

Kateɓele mbeli nyi kezəzə ghena kala ŋkwa nya pelɛ ghweme. Ma kwa sebe ta nya ncɛte nda nza tiɗiɗi hɛ ke mbeli kwele kwele ne, kateɓele hɛ kaghala ghala kala yɛ saseregwa.

Palepa ta Ozɛ 14:9

Ɛfrayim, wa wəsə nya kejikəte ɗa le wəshi nyi zhɛrete mbeli kashala wa? 'Ya ya kande zhɛne səkwə ta ŋa ba'a kande newe ghweme te gha. Ma 'ya ne, nahe 'ya kenza kala vɛ, wəfe nya gwəzləmə keveci keveci. 'Ya nde ve ŋa wəshi nyi mene na se te wəve.»

Zakari 13:9

Katedzeghe mbeli nyi ketene teghwemea shɛhɛ 'ya kala nya dzeghe mze kwa tere tere ba'a mze kwa tɛawetɛa mbeli mbe ghwə. Ma tsagha ne, katenehwene ɗa nehwene hɛ ba'a katefa səkwə ta nci 'ya. ‹Mbelia ɗa yɛ›, tegeze nda 'ya ke hɛ, ‹Shala Mahwətə ta n'yɛ na›, tegeze ɗa hɛ.»

Malashi 3:3

Katentishɛ ŋkɛ kezha rɛɗɛ mze kwa tɛawetɛa ba'a kezha zhɛre ŋkɛ wɛŋe. Katezhɛre hwelefefia Lɛvi ŋkɛ wɛŋe, kala nya zhɛre mze kwa tere tere ba'a mze kwa tɛawetɛa mbeli wɛŋe. Tagha gɛ, katenza hɛ kambeli nyi kefə nda wəshi ke Mahwətə kala nya kehi.

Mark 4:11

Ma ke Yɛsə sha hɛ: «Nahe Shala kendeke ŋayɛ hweŋkwa kezha ɗepe wəshi nyi tewəfərə te ghəa Meghea ŋkɛ, ama kweci mbeli ne, laka ghena keyipə pa fa wəshi hɛ.

Ləwke 24:25

Ma ke Yɛsə sha hɛ: «Ka dewə mehele, dzawe nda nza yɛ kayɛte ghena nyi gezete ka mɛ ŋkwa.

Zhaŋe 18:37

Ma ke Pilate shɛ: «Meghe na tsagha wə?» Ma ke shɛ: «Gha nde gezete kameghe 'ya. Yitea negha fete te ghena nya kaganda yake geva 'ya, yite se 'ya te hɛɗi. Yayata wəndə nya kezele ghena kaganda, ghena nya geze 'ya yafa ŋkɛ.»

Zhaŋe 7:17

Kateɗepe yayata wəndə nya keɗe kamene wəshi nyi ɗe Shala kenza nde se va Shala se ghena nya teke nda 'ya ke mbeli keɗema shave mbe ghəa ɗa shave hɛ.

Zhaŋe 8:47

Ma wəndə nya kawəndəa Shala ne, ghena ta Shala yafa ŋkɛ. Ama gheyɛ ne, mbelia Shala yɛ we, vatse ɗema yɛ fa ɗa ghena.»

1 Ka Korɛnte 6:11

Tsetse se kweci mbelia ŋayɛ vəashi, ama tsetsenya ne, nahe jaɗafa ta ŋayɛ keyaɓemte geva, nahe yɛ kenza kambeli nyi keveyi geva tekeleke, nahe yɛ kenza kambeli tiɗiɗi te sləa Nde sleke ŋkwa Yɛsə Kriste ba'a laka Sefəa Shala.

2 Ka Korɛnte 7:1

Ma meɗe mɛ nyi pɛtɛ gɛ ka mcɛhɛ ɗa, kezha gheɓəmə veyi geva hɛ. Ma kala nya ŋkɛ ne, yaɓemte ɓəmə geva wɛŋe va wəshi nyi kebeze geva ta ɓəmə ba'a mehele ɓəmə. Keɗaŋe ɓəmə slene nya ghate gheɓəmə yitea nza gheɓəmə kambeli nyi keveyi geva tekeleke kaŋa Shala laka hawe ve.

Tite 2:14

Nahe ŋkɛ kezamte mpia ŋkɛ kezha gheɓəmə, kezha mbele ɓəmə va yayata wəsə kwa ndiremi ba'a kezha zhɛre ɓəmə kambeli nyi keyaɓemte geva wɛŋe wɛŋe, mbeli nyi kaŋa ŋkɛ, nyi ɗeke ɗeke kamene wəsə ganyɛ.

Ka Ɛbrə 12:10

Ma ka yitehɛ ɓəmə nyi kwake te hɛɗi ne, kezha hɛ ɓɛhwɛ 'yɛ ɓəmə hɛ, kala wəsə nya nakɛ hɛ tiɗiɗi sha hɛ. Ama nda 'yɛ ɓəmə Shala ne, yitea nza mə ganyɛke, kezha kemave ŋa ɓəmə zhɛme mə, yitea kemave ŋa ɓəmə bela mbe nza ta ŋkɛ tekeleke.

1 Piyɛre 1:22

Nahe yɛ keyaɓemte wənəa ŋayɛ kwa nza yɛ kayɛ nda fete ke ghena nya kaganda, kezha ɗe ghəa ŋayɛ yɛ le wənə kwetɛŋe kala ka kesaka ma. Ɗe mə ghəa ŋayɛ le wənə kwetɛŋe kwelɛ ghəa ŋayɛ.

1 Piyɛre 1:7

Ma nda dzeghe ŋayɛ wəshi nyi kala nyi ne, kezha newe berete ta yɛ ta ŋayɛ. Za ma tenza zləvəa ŋkɛ ke mze kwa tere tere nya dzeghakɛ mbeli kwa ghwə. Kala nyagha tekema tsahe, zləvə kwele yɛ vəa ŋkwa nya tenca Yɛsə Kriste.

1 Zhaŋe 5:20

Nahe mə keɗepe nahe Wəzege ta Shala kese. Nahe ŋkɛ kendeke ɓəmə mehele kezha ɗepe Shala nya kaganda. Nahe gheɓəmə kenza jikə Shala nya kaganda laka Wəzege ta ŋkɛ Yɛsə Kriste. Gheŋkɛ ya kaShala kaganda, gheŋkɛ ya kampi nya kaghala ghala.

Ghena Kelɛŋə 16:11

Ntake hɛ kaŋele Shala nya pelɛ ghweme va yaka nyi te hɛ ba'a zhi nyi te hɛ. Ama kese kampi dzeve va wəshi nyi ndiremi ndiremia nci we.

Ghena Kelɛŋə 19:14

Kazele ŋkɛ ka sewajɛ nyi pelɛ ghweme pelɛ gədəwəa lɛmə nyi ghwaba ghwaba. Nahe pɛtɛa nci kenza mbe lekwesa pawa nyi slɛahe slɛahe, nyi ghwaba ghwaba ba'a nyi ganji ganji.

Ghena Kelɛŋə 19:8

Nahe mbeli kendeke nda lekwesa pawa nyi slɛahe slɛahe, nya keslesla ba'a nya ganyɛ.» Lekwesa pawa shɛ nde ncɛ slene nyi tiɗiɗi tiɗiɗi nyi menete mbelia Shala.

Ghena Kelɛŋə 22:11

Ma nde ndiremia mehele ne, mene wəsə kwa ndiremia ŋkɛ ŋkɛ zhɛkwa, ma wəndə nya wale wale ne, nza ŋkɛ wale wale zhɛkwa. Ama wəndə ganyɛ ne, mene ganyɛ ŋkɛ zhɛkwa, ma wəndə nya keveyi geva kaŋa Shala ne, ntsə geva ŋkɛ kanza kaŋa Shala.»

Ghena Kelɛŋə 3:18

Vatse ncɛ ŋa ntsehwele 'ya kezha pave mze kwa tere tere nya keyaɓemte geva le ghwə na va 'ya, kezha nza na kande galɛpi fate fate. Pave lekwesa nyi tɛawetɛa tɛawetɛa kezha dəpə geva ta ŋa, yitea ɗema hawe ta nza mederelaŋe kazhɛ ŋa perə. Pave ghwɛ kezha mene te ntsə ta ŋa nda nza na kanakɛ ŋkwa wɛŋe.

1 Saməyɛl 24:13

Pa Mahwətə negha fete kwelɛ 'ya le gha! Pa ŋkɛ wate wəsə nya menete ɗa na, ama 'ya le ghəa ɗa ne, wəsə shɛ kamene ŋa 'ya we.