Daniyɛl 12:1 - Ghena ta Shala

¹ Ma ke nde ghwene ta Shala sha 'ya zhɛkwa: «Ma te vəa shɛ ne, katenca Mishɛl, wəndə nya te ghəa ka ghwene ta Shala nya keya hwelefe ta ŋa. Katenza vəa shɛ kavəa yaka nya keghama kase ghala nza hwelefefi hwa'a te və nya. Tagha gɛ, katembele pɛtɛa hwelefefia ŋa nyi nza sləa nci kerafe rafe te palepa ta mpi.

Daniyɛl 12:1 Iomraidhean Croise

Cimə 56:8

Katembelenji hɛ tewəmbəreke wəsə kwa ndiremi nya tse na? Shala yawe, mpəate mbelia shɛhɛ te hɛɗi le wənə le wənə.

Cimə 69:28

Mbakaghe nda fete ke hɛ kadzeghəa fete ta nci, ɗema hɛ ŋ'weve nza tiɗiɗia ŋa kaghala ghala.

Ɛzayi 4:3

Tagha gɛ, kateheka mbeli nyi ketetene mbe Siyon, nyi ketetene teghweme mbe Zhɛrəzalɛm mbeli “kambeli nyi keveyi nda geva tekeleke ke Shala”. Katenza hɛ pɛtɛ kambeli nyi rafete geva sləa nci kezha nza teghweme mbe Zhɛrəzalɛm.

Ɛzayi 9:7

Nahe Mahwətə kegezete ghena te hwelefefia Zhakob nahe ŋkɛ keteɗe kənəa Israyɛl.

Zhɛrɛmi 30:10

Ma ke Mahwətə: «Gha, nde mene slene ta ɗa Zhakob, ghazlənəma na ma. Nzama mehele ta ŋa ketaze taze ma Israyɛl! Katembele ŋa 'ya se te hɛɗi nyi cakeɗa ba'a sebe ta ŋa se te hɛɗi nya nza hɛ kaka mavashi. Zhakob, katezhɛne geva na kase, waɗe ba'a gwezlayɛ tenza na, wəndə shɛ katezhɛne ghakɛ ŋa we.

Zhɛrɛmi 30:7

Ayaga! Veci nya dzawe ŋkɛ, kwete veci shɛ kayipə geva le we. Vəa yaka ŋkɛ sha mbelia Zhakob! Ama pɛtɛ tembele hɛ ve.»

Ɛzɛkiyɛl 13:9

Kateme 'ya kənəa ka mɛ ŋkwa nyi kenewe wəshi tseŋwə nyi ba'a nyi kegeze ghena ghwete ŋkwa nyi. Ŋkwa kenza ta nci shɛ hwa mbelia ɗa we, katenza sləa nci mbe palepa ta sləa ka Israyɛl ba'a katezhɛne geva hɛ kadzete hɛɗia nci we. Ma tsagha, kateɗepete hɛ 'ya ya kaMahwətə Shala.

Ɛzɛkiyɛl 34:24

'Ya Mahwətə le ghəa ɗa nde tenza kaShala ta nci ba'a nde mene slene ta ɗa David nde tenza kameghe te tepe ta nci. 'Ya Mahwətə nde gezete.

Ɛzɛkiyɛl 5:9

Ma va wəshi nyi ndiremi ndiremi kashasha pɛtɛ nyi menete yɛ ne, katemene ŋayɛ wəsə nya ghama 'ya kamenete 'ya, wəsə nya ɗema 'ya mba katemene tɛape.

Daniyɛl 10:13

Nahe nde ya keya hɛɗia Pɛrse zhɛnete ɗa ghə kahɛ bakemsə kwetɛŋeghəmbe. Ama pa Mishɛl, kwete wəndəa mbelia jama ta ka ghwene ta Shala se kakemanakɛ ɗa. Tagha nza ɗa 'ya yitea ka meghea kɛfi nya mbe Pɛrse.

Daniyɛl 10:21

Ama 'ya kageze ŋa wəsə nya kerafete geva mbe palepa ta kaganda. Wəndə shɛ kakemane ɗa va ka ghema shɛhɛ, keɗema Mishɛl, nde ya Israyɛl we.

Daniyɛl 11:45

Katemɓe cɛ lekwesa meghea ŋkɛ ŋkɛ kwelɛ yɛ ndərə le ghweme nya keveyi geva tekeleke ta hɛɗi nya ganyɛ ma. Tagha teceha ŋkɛ mte kaɗema wəndə shɛ kezha kemane ŋkɛ.

Daniyɛl 7:10

Ntake ghwə kahwɛ kala hələ kwa kema ta ŋkɛ. Mbeli tipə tipə ka ghereŋe kwa kema ta ŋkɛ kezha mene nda slene. Tagha gɛ, pa ka meha ghwə ntishɛ, pa yɛ palepa pelemte geva.

Daniyɛl 9:12

Nahe na kemenete wəsə nya gezete na te ghəa n'yɛ ba'a te ghəa mbeli nyi kese kasleke n'yɛ. Nahe na keghweneke ndiremi nyi jama jama kadzeghəa ghen'yɛ mbe Zhɛrəzalɛm. Wəndə shɛ kegha kanakɛ ndiremi nyi kala nyi te hɛɗi lema we.

Zhowɛl 2:2

Nahe ŋkɛ kenza kavecia ŋkwesle ba'a viɗi, kavecia ləmbə ba'a meləkwə ləkwə. Se yase ləmbəa yɛ dzale, nahe hɛ kenza kwele kwele ba'a keberete beretenji, yipə yipə le viɗi nya kedəpə geva kənəa yɛ ghweme. Kegha mbeli kanakɛ wəsə nya kala nyagha we, katezhɛne mbeli kanakɛ ŋkɛ tɛape we.

Malashi 3:16

Tagha gɛ, pa mbeli nyi kehawe va Mahwətə gezete ghena kwelɛ ghəa nci. Pa Mahwətə veyite sleme yitea ghena ta nci, pa fate nda ŋa nci ke hɛ. Ma kwa kema ta ŋkɛ ne, pa mbeli rafete sləa mbeli nyi kehawe va Mahwətə ba'a nyi keve zləvə te sləa ŋkɛ.

Matiye 24:21

Kwa nza ŋkɛ ma te vecia shɛ ne, za ma tenza yaka shɛ ke yaka nyi sahwe mbeli ghala ghate geva hɛɗi pa tsetsenya, katenza kwete shɛ kala gheŋkɛ we.

Mark 13:19

Kwa nza ŋkɛ ma te vecia shɛ ne, za ma tenza yaka shɛ ke yaka nyi sahwe mbeli ghala ghate geva hɛɗi, kwa ghala pate wəshi Shala pa tsetsenya, katenza kwete shɛ kala gheŋkɛ we.

Ləwke 10:20

Ama zlamama yɛ va nya fate ŋayɛ ghena yɛ 'yi'yɛghwə ma, zlama mə ɓetəkə yitea sləa ŋayɛ nyi kerafete geva pelɛ ghweme.»

Ka Rome 11:15

Kwa nza ŋkɛ ma kwa veyi geva hɛ va bela ne, kezha tseɓate geva hɛɗi lema le Shala. Wa nde temene Ma kese hɛ zhɛkwa kambelia Shala ne, kala mbeli nyi kelakame hɛ Shala same kwa kwele le mpi kele hɛ ŋkɛ.

Ka Rome 11:26

Tsetse ne, katembelemte geva pɛtɛa ka Israyɛl, kwa nza ŋkɛ ma ke rafete geva: «Katese nde tsa ŋkwa same kwa dəŋwə mbe Siyon, katekelemte fama ghena ta hwelefefia Zhakob ŋkɛ.

Ka Ɛfɛze 1:21

Nahe Shala keveyi Kriste kwele ma ke nza te ghə, berete, mene meghe, kwele ba'a ke kwete slə nya nza mbeli kahekate deke te nya və we, ama tsagha te və nya ketese perə.

Ka Filipe 4:3

Gha nya nza kemene slene nya kwetɛŋe le 'ya, kemanakɛ mi nyi se ghen'yɛ kampa jikə le hɛ yitea Ghena kwatenca nya ganyɛ, tsagha Kelɛmaŋ perə ba'a pɛtɛ mbeli nyi kese kabeghe ɗa kamene slenea shɛ. Nahe sləa nci kerafete geva te palepa ta mpi.

Zhəwde 1:9

Ya Mishɛl, wəndə kwelea ka ghwene ta Shala ne, kese kamene wəsə shɛ we. Nahe ŋkɛ kese kaghəpə le gətəli te ghəa geva ta Moyize. Kese Mishɛl kadzeghe kaŋele ŋkɛ laka meha ghwə te we, ama ma ke: «Pa Mahwətə vate ɗa te gha.»

Ghena Kelɛŋə 1:5

ba'a ne, laka Yɛsə Kriste, nde negha fete nya dɛŋe dɛŋe, nya kaTezhɛa wəzege, nde ghate ta wəndə kasame kwa kwele le mpi hwa mbeli nyi kempə mpə, wəndə nya te ghəa ka meghea kɛfi nyi te hɛɗi lema. Kaɗe ɓəmə Kriste, nahe ŋkɛ kembeɗeke ɓəmə shave mbe jaɗafa ta ɓəmə laka mimia ŋkɛ.

Ghena Kelɛŋə 12:7

Tagha gɛ, pa mpa menete geva pelɛ ghweme. Pa Mishɛl ba'a ka ghwene ta ŋkɛ mpate mpa le shishi meŋelea shɛ. Pa shishi meŋelea shɛ ba'a ka ghwene ta ŋkɛ mpate mpa le perə.

Ghena Kelɛŋə 13:8

Pɛtɛa mbeli nyi te hɛɗi katehawe ve, mbeli nyi ɗema sləa nci kerafete geva te palepa ta mpi ghala pate geva yɛ hɛɗi le ghweme. Nahe palepa shɛ kenza kaŋa Zhɛgwəa təmə nya dzeghekɛ geva melɛ le.

Ghena Kelɛŋə 17:14

Katempa hɛ le zhɛgwəa təmə, ama katehərə hɛ zhɛgwəa shɛ, kwa nza ŋkɛ nahe ŋkɛ kenza kaNde sleke ka sleke ŋkwa ba'a kameghea ka meghea kɛfi. Katehərə hɛ ŋkɛ le mbeli nyi hekakɛ ba'a nyi tsehave ŋkɛ, mbeli nyi dɛŋe dɛŋe te.»

Ghena Kelɛŋə 20:12

Ma kwetere wəmbəa ŋkɛ ne, pa 'ya nakɛ mbeli nyi kempə mpə, mbeli nyi jama jama ba'a nyi ɓɛhwɛ ɓɛhwɛ, meslete meslete kwa kema ta pasla. Pa yɛ palepa pepelemte geva. Pa kwete palepa pelemte geva: gheŋkɛ ya kapalepa ta mpi. Pa ghwə mehate geva te mbeli nyi kempə mpə kala wəshi nyi menete hɛ, kala wəsə nya kerafete geva mbe palepa shɛhɛ.

Ghena Kelɛŋə 20:15

Kanegha geva yayata wəndə nya ɗema sləa ŋkɛ kerafete geva te palepa ta mpi kwa ndərəa ghwə.

Ghena Kelɛŋə 3:5

Katenza mbeli nyi kehərəte mpa mbe lekwesa nyi tɛawetɛa tɛawetɛa. Kateshesha sləa nci 'ya seyi te palepa ta mpi we. Kaɗepe hɛ 'ya kwa kema ta Yiteyɛ ɗa ba'a kwa kema ta ka ghwene ta ŋkɛ nyi kaŋa ɗa.

Ghena Kelɛŋə 7:14

Ma 'ya shɛ zhɛnete nda: «Nde sleke ɗa, gha nde ɗepe.» Tagha gɛ, ma ke sha 'ya: «Ghenci ya kambeli nyi sahwe nda yaka mbeli kwele kwele ke hɛ. Nahe hɛ ketsewemte yɛ rewebea nci hwa mimia Zhɛgwəa təmə. Tagha gɛ, nahe yɛ lekwesa ta nci kezhɛrenji tɛawe tɛawe.