Daniyɛl 11:8 - Ghena ta Shala

⁸ Katefə yɛ shala ta nci, pa ta shala ta nci nyi le mze, wəshi mze kwa tɛawetɛa ba'a kwa tere ta nci nyi nza zləvə te hɛ ŋkɛ kadzawa Ɛzhipte kawəshi nyi fəke mbeli hwa mpa. Ɓiyitsa ne, katenza ŋkɛ kava ɓɛhwɛ cakeɗake yitea meghe nya laka bela kwa gwela.

Daniyɛl 11:8 Iomraidhean Croise

Gha ta Wəshi 31:30

Ma tsetsenya kwa slə ŋa na le dera le dera kalə sha ghɛa yiteyɛ ŋa ne, yitea wa ghərəhwe yɛ shala ta ɗa na wa?»

2 Saməyɛl 5:21

Te ŋkwa shɛ sərəakɛ wəshia nci nyi zhɛrete hɛ kashala ka Filisti. Pa yɛ David le mbelia ŋkɛ fəhwe hɛ.

Shave 12:12

Ma heviɗi nya ne, katedzeyi 'ya mbe Ɛzhipte ba'a katempə tezhɛ ŋwale nyi te hɛɗi 'ya pɛtɛ, tsagha ŋa wəshi keseɗa. Ma kala nya ne, katemeha ghwə 'ya, 'ya Mahwətə te shala nyi mbe Ɛzhipte pɛtɛ.

Ɛzayi 2:16

te pɛtɛa kwambelə nyi mbe Tarsis ba'a te pɛtɛa kwambelə nyi ganji ganji.

Ɛzayi 37:19

Nahe hɛ kebeteyi yɛ shala ta nci mbe ghwə. Kwa nza ŋkɛ ne, kenza hɛ kashala ganji. Deke wəshi nyi menete dzeve ta wəndə ŋelɛ yitea sheghwə keɗema yitea pelɛ hɛ. Nahe hɛ kezamte sebe te hɛ.

Zhɛrɛmi 46:25

Ma ke Mahwətə nde berete, Shala ta ka Israyɛl: «'Ya kateme kənəa Amon, shala nya mbe Tɛbɛs, kənəa Ɛzhipte, yɛ shala ta ŋkɛ ba'a ka meghea kɛfia ŋkɛ, kənəa yɛ Farawon le mbeli nyi kevate zəzə ta nci te.

Daniyɛl 10:3

Kazehwe wəsə kezeme nya zeɗe 'ya we, kedzawa mɛa ɗa sli keɗema tɛ we, keslaɗete ghə 'ya, nda kiɗinji shikwə nyi mahekene nyi we.

Daniyɛl 11:9

Ma kwa sebe ta ŋkɛ ne, katedzawa hɛɗia meghe nya laka bela kwa zeme meghe nya laka bela kwa gwela, zhɛne ne, katezhɛne geva ŋkɛ kadzete hɛɗia ŋkɛ.

Palepa ta Ozɛ 13:15

Ma vəa ŋkwa nya jive Ɛfrayim mbe kema hwa ka kesaka yitenyɛ ne, kase sefəa ŋkwa kesame ta veci, kase sefəa Mahwətə te ɓerama. Tagha gɛ, kahase ghwa, kashifə belageji, kafə mcɛlə ba'a pɛtɛa wəshi nyi nza zləvə te ŋkɛ.

Palepa ta Ozɛ 8:6

Se mbe Israyɛl levea shɛ, nde vɛsə mze nde menete ŋkɛ, kenza ŋkɛ kaShala we. Kaganda ne, katempəmte geva leve ta Samari.

Ɓela 33:4

Ma vəa ŋkwa shɛ ne, la yala ka tezhɛa kɛfia nci nyi mpəmte Mahwətə ka Ɛzhipte, va nya mehate ghwə ŋkɛ te yɛ shala ta ka Ɛzhipte.

Zhɛne Ghwelə yitea Wəshi Mahalegə 12:3

Kateŋzla yɛ reghwetɛa nci yɛ, katenteɗe yɛ gɛaŋa ta nci yɛ, katetere seləa nci nyi keveyi geva tekeleke yɛ ba'a katempə wəshi nyi menete hɛ kashala ta nci yɛ. Kateza sebe yɛ te sləa nci te ŋkwa shɛ.

Ka Meha ghwə 18:24

Ma ke sha hɛ: «Pa yɛ fəhwe shala nyi menete 'ya le nde dzeghe shala ta ɗa. Wa kwete wəsə nya ketene va 'ya wa? Tsema geze ɗa yɛ ɓiyitsa: ‹Wa wəsə nya va gha wa›, a pe yɛ?»