Daniyɛl 11:5 - Ghena ta Shala

⁵ Katenza meghe nya laka bela kwa zeme bereteke. Ama berete ma tenza kwete wəndəa mbelia ŋkɛ nyi te ghə ke gheŋkɛ ba'a katesleke hɛɗi nya bezle ma ke ŋa ŋkɛ ŋkɛ.

Daniyɛl 11:5 Iomraidhean Croise

Daniyɛl 11:11

Tagha gɛ, katehwepe wənə meghe nya laka bela kwa zeme ba'a katelə ŋkɛ kaha nda mpa ke meghe nya laka bela kwa gwela. Katetsene ka sewajɛ kwele kwele meghe nya laka bela kwa gwela, ama katedzembe dzeve ta meghe nya laka bela kwa zeme hɛ.

Daniyɛl 11:14

Ma vəa ŋkwa shɛ ne, katesate te ŋkwa mbeli kwele kwele yitea meghe nya laka bela kwa zeme. Ya ka mene berete nyi mbe hwelefe ta ŋa, gha Daniyɛl ne, katesate hɛ te ŋkwa yite kezha yipə wəsə nya kenakɛ geva nya, ama kateteɗe hɛ.

Daniyɛl 11:25

Ma kwa vate ghə ŋkɛ te berete ta ŋkɛ ba'a hwepe ghə ta ŋkɛ ne, kateha nda mpa ŋkɛ le ka sewajɛ kwele kwele ke meghe nya laka bela kwa zeme. Ma meghea shɛ perə ne, katehi geva ŋkɛ yitea mpa le ka sewajɛ nyi berete berete kwele kwele, ama kateghereŋe ŋkɛ kwa kema ta ŋkɛ we, kwa nza ŋkɛ katetsa ghena mbeli yite.

Daniyɛl 11:40

Ma te keɗaŋe ta və ne, kateha nda mpa meghe nya laka bela kwa zeme ke meghe nya laka bela kwa gwela. Ama katentsa ŋkɛ yitea meghe nya laka bela kwa zeme le yɛ wəmata kempa ta ŋkɛ, ka zleɗe gədəwəa lɛməa ŋkɛ ba'a kwambelə kwele kwele. Katedzete hɛɗi kwele kwele ŋkɛ le ka sewajɛa ŋkɛ. Katedzawa ŋkɛ wəmbəa yɛ ghala kala hələ nya paca paca.

Zakari 6:6

Ntəŋə wəmata gədəwə nya ntsehe gədəwə nyi ɗɛkeɗɛa ɗɛkeɗɛa dzeme laka bela kwa gwela. Ntəŋə gədəwə nyi ghwaba ghwaba jive laka ŋkwa kepəkwə ta veci. Ntəŋə nyi jiɓe jiɓe dzawa laka bela kwa zeme.