Daniyɛl 11:4 - Ghena ta Shala

⁴ Ama vəa ŋkwa nya teheyi slərə ŋkɛ ne, katencɛhwe geva ba'a katenehe nda geva hɛɗia ŋkɛ ke bela ta hɛɗi wəfaɗe. Katedzete ŋkwa ŋkɛ ŋwalea ŋkɛ we. Kwa nza ŋkɛ ne, katenteɗemte geva meghea ŋkɛ ba'a katenza ŋkɛ kaŋa kweci mbeli sərə hɛ.

Daniyɛl 11:4 Iomraidhean Croise

Cimə 39:6

Deke kala bezlea hwə dzeve nza ta hɛ. Gəmə nza ta ɗa kwa kema ta ŋa. Ya wəndə nza teghweme ne, gəmə ŋkɛ. Zhɛne mpi.

Nde zlape ghena 4:8

pa kwete wəndə kwetɛŋenyɛ, kaɗema kwete wəndə vare, nya ɗema wəzege keɗema wəza ma ve. Ghala kwa slene nyi mene ŋkɛ we, kegha ntsə ta ŋkɛ kabehe va mcɛlə we. Ndagwara ma ke sha 'yɛwe va ghəa ŋkɛ: «Ke wa mene nda slene 'ya tse wa? Yitea wa fɛa nda zeɗe nza 'ya ke ghəa tse wa?» Wəsə nya kala nya ɓiyitsa ne, gəmə ŋkɛ, kwete ŋkɛ wəsə kwa ndiremi.

Zhɛrɛmi 12:15

Ama kwa sebe ta nya nteɗemte hɛ 'ya, katezhɛ heli 'ya yitea hɛ, katezhɛne yayata wəndə kadzete wəvea ŋkɛ ba'a kadzete hɛɗia ŋkɛ.

Zhɛrɛmi 12:17

Ama keɗema kwete mbe hwelefe nyi kafa ghena ta ɗa ne, katenteɗemte 'ya fəyitekeghə ba'a katewəfə nda ŋkɛ 'ya ke mte», wa'a ke Mahwətə.

Zhɛrɛmi 18:7

Ma te kwete veci ne, kageze 'ya kezha nteɗemte, kezha tsaslemte ba'a kezha zamte sebe te kwete hwelefe keɗema te kwete hɛɗi.

Zhɛrɛmi 31:40

Pɛtɛ zlərəa ka kempə mpə ba'a ŋa pəsəɗə, pɛtɛa ŋkwa nyi kedzawa hwa'a kwa zlərəa Sɛdron ba'a nyi kelə hwa'a te megwekwe ta mɛ degha ta Gədəwə laka ŋkwa kesame ta veci ne, pɛtɛ tenza hɛ kaŋkwa nyi keveyi geva tekeleke kezha Mahwətə. Wəsə shɛ kazhɛne mbeli kanteɗe keɗema kaŋzla te hɛ we.»

Zhɛrɛmi 45:4

Ma gɛ, wa nya ghena nya ndeke ɗa Mahwətə kageze ŋa nya: ‹Ŋzla yaŋzla ŋkwa nya ŋate 'ya 'ya, nteɗe yanteɗe wəsə nya mɓete 'ya 'ya. Tsagha mene 'ya te hɛɗi lema.

Zhɛrɛmi 49:36

Se laka bela kwa gwela ba'a laka bela kwa zeme, laka ŋkwa kesame ta veci ba'a laka ŋkwa kepəkwə ta ŋkɛ ne, 'ya kaghwene sefə wəfaɗe kase kadzeghəa Ɛlam. Kwetɛ kwetɛŋe tetaze ka Ɛlam 'ya laka yayata bela. Hɛɗi shɛ nya ɗema ka Ɛlam nyi ketazemte geva katenza mbe we.

Ɛzɛkiyɛl 37:9

Ma ke Mahwətə sha 'ya: «Wəndə ŋelɛ, gezete nda ghena ta ɗa ke sefəa mpi, kaganda ne, gezete nda ghena ta ɗa. Ma pa na shɛ: Wa nya ghena nya geze Shala Mahwətə nya: ‹Sefəa mpi, vɛke geva shave mbe bela nyi wəfaɗe nyi, vɛaghe geva kənəa mbeli nyi kempə mpə nyi yitea nza hɛ le mpi.›»

Daniyɛl 7:2

Wa nya nza ta wəsə nya ɓelate ŋkɛ nya: «Ma heviɗi ne, pa 'ya nakɛ sefə nya kese mbe bela ta hɛɗi wəfaɗe kawəvaɗe wəvaɗe ndərə nya wəba.

Daniyɛl 7:6

Ma newe 'ya kwa sebe ta ŋkɛ ne, pa 'ya nakɛ kwete wəsə keseɗa nya kala deghwava. Yɛ bidzəa 'yɛ ya wəfaɗe te wəmbəa ŋkɛ ba'a ghə wəfaɗe ya te wəsə keseɗa shɛ. Pa berete kesleke ŋkwa ndeke nda geva.

Daniyɛl 7:8

Ma mba 'ya mbe newe teremea shɛhɛ ne, ntake kwete tereme mɛnɛfɛ, keɓɛhwɛnyɛ kapese kwelɛ kweci, pa nde betemte tereme mahekene. Ma te teremea shɛ ne, ntsə bake kala ŋa wəndə ŋelɛ ba'a mɛ nya kegeze ghena ŋkele ntsə ya shɛ.»

Daniyɛl 8:22

Ma tereme nya keɓelenyɛ ba'a tereme wəfaɗe nyi kepesenji te ŋkwa ŋkɛ ne, ka meghea kɛfi wəfaɗe nyi ketedzete ŋkwa ŋkɛ yancɛ hɛ, ama katekemave berete ta ŋkɛ hɛ we.

Daniyɛl 8:8

Pa zhɛfa shɛ kelenyɛ kewəbanyɛ. Ama vəa ŋkwa nya nza ŋkɛ bereteke ne, pa tereme nya wəba ɓelenyɛ. Ma te ŋkwa ŋkɛ ne, pa kweci tereme nyi ve ntsə mbeli te hɛ wəfaɗe pesenji jive laka bela ta hɛɗi nyi wəfaɗe.

Zakari 2:6

Ma 'ya 'yɛwete ve: «Dzema na wa?» Ma ke zhɛnete ɗa: «'Ya katedzeghe Zhɛrəzalɛm kezha ɗepe yɛ bezle le biya ta ŋkɛ.»

Zakari 6:5

Ma ke zhɛnete ɗa: «Ghenci ya kasefə nyi wəfaɗe pelɛ ghweme. Vare Nde sleke hɛɗi pɛtɛ se hɛ. Ma tsetsenya ne, ghenci kaslə.»

Matiye 12:25

Ama nahe Yɛsə keɗepe ghena nyi zəzə hɛ. Ma ke sha hɛ: Yayata hɛɗi meghe nya heɗe geva mbelia ŋkɛ ne, kanza hɛɗi meghea shɛ we. Ma kenza mbeli nyi mbe meleme keɗema nyi ki ghɛ kampa kwelɛ ghəa nci ne, kanzate nza melemea shɛ keɗema ghɛa shɛ we.

Ləwke 12:20

Ama ma ke Shala shɛ: Wəndə nya kagezhi na! Ɓəshi heviɗi nya tekele mpia ŋa 'ya. Ke wa tenza wəshi nyi tsenete nda nyi na ke ghəa ŋa gɛ wa?»

Ghena Kelɛŋə 7:1

Ma kwetere wəmbəa ŋkɛ, pa 'ya nakɛ ka ghwene ta Shala wəfaɗe meghereŋe laka bela nyi wəfaɗe ta hɛɗi. Pa hɛ keseve sefə nyi wəfaɗe te hɛɗi, yitea ɗema sefə kavɛ te hɛɗi, ya te ndərə ya kənəa yɛ wəfe.