Daniyɛl 11:34 - Ghena ta Shala

³⁴ Ma mbe vəa yaka shɛ ne, deke ɓɛhwɛ tekemane hɛ mbeli. Kwa nza ŋkɛ ne, kwele kwele mbeli nyi ketejikə geva le hɛ le ntsehwele.

Daniyɛl 11:34 Iomraidhean Croise

Daniyɛl 11:21

Ma wəndə nya ketedzete meghe te ŋkwa ŋkɛ ne, wəndə nya ɓelama mbeli, wəndə nya hima mbeli kave nda meghe. Ama katedzete meghe ŋkɛ laka ntsehwelea ŋkɛ vəa ŋkwa nya nza hɛɗi gwezlayɛ.

Daniyɛl 11:32

Ma laka meɗe mɛ tseŋwəa ŋkɛ ne, kateghwete mbeli meghea shɛ le ghəa ŋkɛ kezha sərə jikə geva. Ama katenza mbeli nyi keɗepe Shala ta nci bereteke ba'a katesate hɛ te ŋkwa.

Matiye 7:15

Ntsehwele mə va ka tseŋwəa ka mɛ ŋkwa nyi kese, kala timɛti se hɛ sha gheyɛ, ama nda makwagwele nyi kempeɗe ŋkwa hɛ.

Ka Rome 16:18

Kwa nza ŋkɛ ma mbeli nyi kemene kala nya ne, slene ta Nde sleke ɓəmə Yɛsə Kriste yamene hɛ we, ama deke hwəa nci yamene nda slene hɛ, kaghwete ka dewə ŋeli hɛ le ghena ta nci nyi zeɗe zeɗe ba'a keghwete ŋkwa.

Ka Galate 2:4

ya kweci ka kesaka ma nyi kaka tseŋwə ɗe kasla nda mɓɛta we. Kala ghərə senji hɛ kadzembe mbeli kezha zhɛremte nza ta ɓəmə kaka mamzashi laka jikə ta ɓəmə le Yɛsə Kriste yitea zhɛre ɓəmə kaka mavashi.

2 Timotɛ 4:3

Kwa nza ŋkɛ katese kwete və nya teɗema mbeli kazhɛne kafa teke wəsə nya tiɗiɗi, ama katezele wəshi nyi mawe geva ta nci hɛ. Kateheka ka teke nda wəshi ke mbeli nyi ketegeze nda wəsə nya zeɗehwe nda ke hɛ hɛ.

Tite 1:11

Nahe ŋkɛ kehi kaŋzle nda mɛ na ke hɛ, kwa nza ŋkɛ mehele yabeze nda hɛ ke mbeli nyi dzeyi ki yɛ ghɛ pɛtɛ. Wəsə nya keɗema kehi yateke nda hɛ ke mbeli, kezha kemave yɛ zhɛme mbəɗəkwə.

1 Zhaŋe 4:1

Ka mcɛhɛ ɗa ganji, mba yɛ keyɛ ghena ta pɛtɛa mbeli nyi kegeze Sefəa Shala ya mbe hɛ, ama dzeghakɛ mə hɛ kezha ɗepe kenza va Shala se sefə nya mbe hɛ. Kwa nza ŋkɛ kwele kwele ka mɛ ŋkwa tseŋwə nyi kepesleyi geva te hɛɗi lema.

1 Zhaŋe 4:5

Nahe mbelia shɛhɛ kenza kaŋa hɛɗi lema. Vatse geze ghena hɛ kala mbeli nyi kaŋa hɛɗi lema. Tagha gɛ, kafa ghena ta nci mbeli nyi te hɛɗi lema.

2 Zhaŋe 1:7

Kwele kwele ka tseŋwəa kɛfi nyi kepesleyi geva te hɛɗi lema. Kaɗe hɛ kaɗepe nahe Yɛsə Kriste kezhɛrenyɛ kawəndə ŋelɛ we. Nahe mbelia shɛhɛ kenza kaka tseŋwəa kɛfi ba'a kaka jaga ta Kriste.

Zhəwde 1:4

Kwa nza ŋkɛ nahe kweci mbeli nyi kaka 'yaghwa mehele kedzehwa gheɓəmə kaɗema gheɓəmə keɗepe. Kazhɛre ghena nya mbe ɗe ta Shala ta ɓəmə hɛ kezha mene wəsə kwa wale wale ta nci. Tsagha gɛ, Yɛsə Kriste nya te ghəa ɓəmə kwetɛŋe ba'a nya kaNde sleke ɓəmə yaɗema hɛ. Se vəashi ne, nahe Ghena ta Shala kegezete ɗa nya te hɛ.

Ghena Kelɛŋə 12:13

Ma kwa ɗepe shishi meŋelea shɛ nahe ŋkɛ keneghakawa geva kasawa te hɛɗi ne, tereŋe ŋkɛ yitea male nya keyake wəzege teza.

Ghena Kelɛŋə 2:20

Ama kaŋele ŋa 'ya yitea wəsə kwetɛŋe: kasərə Zhɛzabɛl, nya keve ghəa nta kakwa mɛ ŋkwa ta Shala na kamene wəsə nya ɗe nde. Ama kamene slene ta ɗa yaghwete nde, kateke nda wəfə Shala nya kaganda ba'a zeme wəshi keseɗa nyi dzeghekɛ nda melɛ mbeli le hɛ ke wəshi nyi zhɛrete mbeli kashala nde ke hɛ.