Daniyɛl 11:22 - Ghena ta Shala

²² Wəvəsəa ka sewajɛ shɛ katehərə ŋkɛ we. Katempə hɛ ŋkɛ pɛtɛ ba'a katepesle wəndə nya te ghəa hwelefe ta jikə geva ŋkɛ.

Daniyɛl 11:22 Iomraidhean Croise

Ɛzayi 28:15

Ma pe yɛ sha geze: «Nahe ghen'yɛ kemenete jikə geva le mte ba'a ketsahwe ghena le ghɛa mbelia kwahɛɗi. Ma vəa ŋkwa nya tese ndiremi nya wəba ne, katekwaɗe n'yɛ ŋkɛ we, kwa nza ŋkɛ nahe n'yɛ keveyi tseŋwə kaŋkwa kewəfərə ba'a mbəɗəkwə kaŋkwa kentikə.»

Daniyɛl 11:10

Katehi geva ŋwalea meghe nya laka bela kwa gwela yitea mpa ba'a katetsene ka sewajɛ kwele kwele hɛ. Katedzemte mpa kwete wəndəa nci, zlaɓe le ka sewajɛa ŋkɛ ne, katedzawa ŋkɛ wəmbəa ghala kala hələ nya paca paca. Ma vəa ŋkwa nya tezhɛne geva ŋkɛ kadzete hɛɗia ŋkɛ ne, kateha nda mpa ŋkɛ ke meleme nya berete ta ka ghema.

Daniyɛl 11:23

Te zlaɓa ta jikə geva nyi kemenete geva le ne, kateghwete ŋkwa ŋkɛ. Kateha nda mpa ŋkɛ ke mbeli ba'a katehərə ŋkwa ŋkɛ le mbeli ɓɛhwɛ.

Daniyɛl 8:25

Ma le ntsehwelea ŋkɛ ne, kateghwete ŋkwa ŋkɛ. Ma mbe kele ghə ta ŋkɛ ne, katempə mbeli kwele kwele ŋkɛ, mbeli nyi keve ghəa nci gwezlayɛ. Kateha nda mpa ŋkɛ ke wəndə nya te ghəa mbeli nyi te ghə. Ama katezamte geva sebe te kaɗema dzeve kekwaɗakɛ ŋkɛ.

Daniyɛl 9:26

Ma kwa sebe ta va nyi ŋkwaŋemsə bakeghəmbe shɛhɛ ne, katepesle wəndə nya ntave Shala mbeli kaɗema wəndə keya ŋkɛ shɛ. Zhɛne ne, katese kwete wəndə nya te ghə le ka sewajɛa ŋkɛ kezha beze meleme ba'a ghɛa Shala. Ama katemte ŋkɛ mbe wəba ta hwepe wənəa Shala. Hwa'a te mte ta ŋkɛ ne, katempa ŋkɛ ba'a katebeze wəshi ŋkɛ kala nya ketarete geva.

Amos 8:8

Vatse gɛ ne, kategaŋkəɗə hɛɗi, pɛtɛ tenehwene mbeli nyi te. Katewepe geva ŋkɛ pɛtɛ kala hələ, katedzeme ŋkɛ ba'a katesawa ŋkɛ kala hələa Ɛzhipte.

Amos 9:5

Ma kedapate dzeve Shala Mahwətə nde berete te hɛɗi ne, kagaŋkəɗə ŋkɛ ba'a kanehwene mbeli nyi te pɛtɛ. Katewepe geva ŋkɛ pɛtɛ kala hələ, zhɛne ne, katesawa ŋkɛ kala hələa Ɛzhipte.

Nahəwm 1:8

vəa ŋkwa nya se ndiremi kala ghwa. Ama kaza sebe ŋkɛ te ka ghema ta ŋkɛ ba'a kakeka hɛ ŋkɛ kadzembe ŋkwesle.