Daniyɛl 11:18 - Ghena ta Shala

¹⁸ Kwa sebe ta ŋkɛ ne, kateve ntsə meghe nya laka bela kwa gwela te hɛɗi nyi dzeyi mɛa ndərə ba'a katekele kweci kwele kwele ŋkɛ. Ama katetereke fegea ŋkɛ kwete wəndə nya te ghəa ka sewajɛ nya kande mtake kaɗema ŋkɛ katezhɛnaghe nda fegea ŋkɛ.

Daniyɛl 11:18 Iomraidhean Croise

Ɛstɛr 10:1

Pa meghe Sɛrsɛs zlapete kezha tsehe jaɓeregwale mbeli nyi te hɛɗia ŋkɛ pɛtɛ le ɗema ta nci, tsagha shɛ te hɛɗi nyi dzeyi te yɛmə yite.

Ɛzayi 66:19

Kateve wəsə kencɛ wəsə 'ya hwa hɛ. Ma mbeli nyi ketetene teghweme kwa sebe ta meha ghwə ta ɗa ne, kateghwene hɛ 'ya kalə sha ka Tarsis, ka Pəwl, ka Ləwd nyi kaka ɗepemte he have, kalə sha ka Təwbal, ka Yavan ba'a sha hɛɗi nyi cakeɗa cakeɗa dzeyi te ndərə, te ŋkwa nya ghama mbeli kafa sləa ɗa, te ŋkwa nya ghama mbeli kanakɛ zləvəa ɗa. Katencɛ nda zləvəa ɗa hɛ ke hwelefefia shɛhɛ.

Zhɛrɛmi 2:10

‹Kwiɗi mə newakɛ mə hɛɗia Shipre nyi te tepe ta yɛmə, ghwenakɛ mə mbeli kadzembe Kɛdar kafave megela, neweve mə kenza ŋkɛ nahe wəsə nya kala nya kegha kamenete geva.

Zhɛrɛmi 31:10

Gheyɛ kweci hwelefefi, fa mə ghena ta Mahwətə, zlape nda mə ke hɛɗi nyi cakeɗake. Ma pe yɛ sha geze: «Tsene yatsene ka Israyɛl wəndə nya ketazemte hɛ kwetɛ kwetɛŋe, ya yaya hɛ ŋkɛ kala wəndə nya keya wəshi.»

Ɛzɛkiyɛl 27:6

Le sheghwə nyi kese mbe Bashan menete sheghwə kezleɗe ŋa hɛ. Le sheghwəa lekeleke nyi te hɛɗi nyi te ndərəa ka Grɛk baŋete ŋkwa kentishɛ nyi kwa gha hɛ, pa hɛ pesakɛ le yɛ slene ta cewe.

Palepa ta Ozɛ 12:14

Ama laka nde mɛ ŋkwa ne, nahe Mahwətə kekelakame Israyɛl kwa Ɛzhipte. Te zlaɓa ta nde mɛ ŋkwa ne, nahe Israyɛl keyate geva.

Sofoni 2:11

Katenza Mahwətə dzawe sha hɛ, kateza sebe ŋkɛ te pɛtɛa shala nyi te hɛɗi. Tagha gɛ, kategwəɗəŋə pɛtɛa hwelefefi nyi cakeɗa cakeɗa kwa kema ta ŋkɛ, yayata hwelefe te hɛɗia ŋkɛ.

Matiye 7:2

Kwa nza ŋkɛ kala nya meha ghwə yɛ te kweci mbeli ne, tsagha temeha ghwə Shala te gheyɛ. Wəsə nya se yɛ kamene nda ke kweci mbeli yatemene ŋayɛ mbeli deŋwa.

Ka Meha ghwə 1:7

Tagha gɛ, ma ke meghe sha hɛ: «Mberefaŋemsə ka meghea kɛfi nyi ketseha kwetiɓəa ɗafa yitea tabelea ɗa, nahe mbeli keslamte gweŋəa dzeve ba'a gweŋəa seɗa te hɛ. Nahe Shala kemenete ɗa wəsə nya menete nda 'ya ke kweci!» Pa ka Israyɛl keleghe Adoni-Bɛzɛk kadzembe Zhɛrəzalɛm, kwagha mtenyɛ ŋkɛ.