Daniyɛl 11:16 - Ghena ta Shala

¹⁶ Ma wəndə nya ketelə shɛ ne, wəsə nya ɗe meghea shɛ yatemene ŋkɛ, wəndə shɛ kateghereŋe kwa kema ta ŋkɛ we. Katenza ŋkɛ te hɛɗi nya ganyɛ ma, kwa sebe ta nya mpəakawa ŋkwa ŋkɛ.

Daniyɛl 11:16 Iomraidhean Croise

Ɛzayi 8:8

Katehwɛ ŋkɛ dzeyi te hɛɗia Zhəwda, katenza ŋkɛ mpɛafe ba'a kasheke sheke, hwa'a yitea ŋwələa ŋkɛ tedzeme ŋkɛ. Katepesle geva ŋkɛ cakeɗake te hɛɗia ŋa Ɛmanəwɛl.»

Zhɛrɛmi 3:19

Ma se 'ya kageze mbe ghəa: «Kaɗe 'ya kaveyi ŋa kande ghate hwa ŋwalea ɗa, kandeke ŋa hɛɗi nya shiwə mbeli le, ŋkwa nya ganyɛ ma te hɛɗi pɛtɛ!» Ma zəzə 'ya ne, kateheka ɗa na “Kayita yawe”, mba na katezhɛre ɗa wəmbə we.

Daniyɛl 11:3

Ama katedzete meghe katsala sewajɛ mbe Grɛse. Katesleke hɛɗi nya bezle ŋkɛ ba'a katemene wəsə nya ɗe ŋkɛ.

Daniyɛl 11:36

Wəsə nya zeɗehwe nda yamene meghea shɛ. Katekele ghəa ŋkɛ ŋkɛ ba'a kateve ghəa ŋkɛ te ghəa pɛtɛa yɛ shala. Kategeze ghena nyi ndiremi ndiremi te Shala ta yɛ shala. Katejive ŋkɛ mbe kema hwa'a te və nya tenca hwepe wənə ta Shala, kwa nza ŋkɛ katemene geva wəsə nya tarete Shala.

Daniyɛl 11:41

Katedzete hɛɗi nya ganyɛ ma ŋkɛ, tagha gɛ, katempə mbeli kwele kwele ŋkɛ. Ama ka Ɛdom, ka Mowab ba'a mbeli nyi te ghəa ka Amon ne, katembele hɛ va ɗa ta ŋkɛ.

Daniyɛl 11:45

Katemɓe cɛ lekwesa meghea ŋkɛ ŋkɛ kwelɛ yɛ ndərə le ghweme nya keveyi geva tekeleke ta hɛɗi nya ganyɛ ma. Tagha teceha ŋkɛ mte kaɗema wəndə shɛ kezha kemane ŋkɛ.

Daniyɛl 5:19

Ma tewəmbəreke kwele nya ndeke nda Shala ne, nahe pɛtɛa hɛɗi, pɛtɛa hwelefefi ba'a pɛtɛa ghena kese kabare bare va ghazlənə kwa kema ta ŋkɛ. Kapesle wəndə nya ɗe ŋkɛ ŋkɛ ba'a kasərə wəndə nya ɗe ŋkɛ ŋkɛ teghweme. Kave zləvə ŋkɛ te wəndə nya ɗe ŋkɛ ba'a kashifə wəndə nya ɗe ŋkɛ.

Daniyɛl 8:4

Ma newe 'ya ne, kaɗa ŋkwa gamea shɛ le tereme laka ŋkwa kepəkwə ta veci, laka bela kwa gwela ba'a laka bela kwa zeme. Wəsə keseɗa shɛ kaghereŋe kwa kema ta ŋkɛ we, wəndə shɛ kazləgwəke ŋkwa ve we. Wəsə nya ɗe ŋkɛ yamene ŋkɛ ba'a nda mtsehe yamtsehe berete ta ŋkɛ.

Daniyɛl 8:7

Kanewe ŋkɛ 'ya nda hendave nda geva nde ke gamea shɛ ba'a nda hwepete wənə nde ve. Pa ŋkɛ ɗate gamea shɛ ba'a felaŋemte tereme ta ŋkɛ nyi bake. Kapesle gamea shɛ yitea ɗa ŋkɛ we. Tagha gɛ, pa nde neghate ŋkɛ te hɛɗi ba'a ŋkeɗemte ŋkɛ. Wəndə shɛ kazləgwəke gamea shɛ ve we.

Daniyɛl 8:9

Pa kwete tereme pesenyɛ shave mbe nya ɓɛhwɛ ma hwa teremea shɛhɛ ba'a kelenyɛ kebiyanyɛ dzawa laka bela kwa zeme, jive laka ŋkwa kesame ta veci ba'a jive laka hɛɗi nya ganyɛ ma.

Zhozəwɛ 1:5

Wəndə shɛ kateghereŋe kwa kema ta ŋa mbe nza ta ŋa we, kwa nza ŋkɛ ne, katenza 'ya le gha kala nya se 'ya le Moyize. Katewəfə ŋa 'ya tɛape we, katesərə ŋa 'ya tɛape we.