Daniyɛl 11:12 - Ghena ta Shala

¹² Ma vəa ŋkwa nya tehərəte ŋkwa meghe nya laka bela kwa zeme ne, katekele ghə ŋkɛ. Ya kwela tempə ka sewajɛ ŋkɛ tipə tipə ne, katetemə berete ta ŋkɛ we.

Daniyɛl 11:12 Iomraidhean Croise

2 Ka Meghea Kɛfi 14:10

Ma ke Zhowas shɛ: «Ma va nya ɗate ka Ɛdom na ne, vatse mene fege na! Gwəfəte ghə yitea zləvəa ŋa, nza mbe meleme ta ŋa! Wa raberə ɗe na kaghate mpa nya ketezhɛre ŋa mehele te kwa keɗaŋe wa?» Nya nza mbeli kapeslekɛ ŋa ba'a kampəmte ka sewajɛa ka Zhəwda pɛtɛ.

2 Wəshi nyi Mene Ka Meghe 25:19

Ma ke Zhowas ɓiyitsa: «Gha kamene fege va nya ɗate ka Ɛdom na na. Fare fare wənəa ŋa te, ama nde kele ghə na gəmə! Megela ma nza ŋa na divə te hɛɗia ŋa! Wa raberə ɗe na kagha mpa nya ketekele ŋa wəsə kwa ndiremi ba'a nya tehərə ŋa ba'a pɛtɛa ka sewajɛa ka Zhəwda mbeli hwe wa?»

2 Wəshi nyi Mene Ka Meghe 26:16

Ama pa berete nya ve ndeke nda kele ghə nya kevate teɗe te, pa ɗema nza dɛŋe dɛŋe te Shala Mahwətə ta ŋkɛ: ma te kwete hɛ, lahwe dzekinyɛ mbe ghɛa Shala katere 'wərdə te reghwetɛ ketere 'wərdə.

2 Wəshi nyi Mene Ka Meghe 32:25

Ama Ɛzɛkiyas ne, kese kaɓela ganyɛ nya menete nda Shala we, kakwa tekeleke ne, pa kelete ghəa ŋkɛ, nda hwepete wənə Mahwətə ve, va Zhɛrəzalɛm ba'a hɛɗia Zhəwda.

Yɛ Ghena Ŋela 16:18

Ndiremi yakele kele ghə kase, teɗe ŋa ɓelama ŋkwa.

Ɛzɛkiyɛl 28:17

Nahe ganyɛ kendeke ŋa kele ghə ba'a nahe jive ta ŋa te kema keteŋweslemte ŋa. Vatse negha ŋa 'ya hwa hɛɗi ba'a ncɛ nda ŋa 'ya ke kweci ka meghea kɛfi.

Ɛzɛkiyɛl 28:2

«Wəndə ŋelɛ, ma pa na sha meghea ka Tir: Wa nya ghena ta Shala Mahwətə nya: Nahe na keveyi kele ghə kwa wənəa ŋa, ma pa na sha geze: ‹shala 'ya. Ŋkwa nya kehi va yɛ shala yanza 'ya te te tepe ta ndərə.› Kala shala newe ghəa ŋa na, ama deke wəndə ŋelɛ na, kaɗema kashala.

Ɛzɛkiyɛl 28:5

Te zlaɓa ta wəba ta ɗepe wəshia ŋa laka ghena ta zhɛre dzeve mbakete mcɛləa ŋa na. Pa mcɛləa shɛ ndeke ŋa kele ghə.

Daniyɛl 11:11

Tagha gɛ, katehwepe wənə meghe nya laka bela kwa zeme ba'a katelə ŋkɛ kaha nda mpa ke meghe nya laka bela kwa gwela. Katetsene ka sewajɛ kwele kwele meghe nya laka bela kwa gwela, ama katedzembe dzeve ta meghe nya laka bela kwa zeme hɛ.

Daniyɛl 11:13

Katezhɛne geva meghe nya laka bela kwa gwela kalə sha ghɛ ba'a katetsene ka sewajɛ ŋkɛ kwele kwele ma ke nyi keghate. Ma kwa sebe ta va ɓɛhwɛ ne, katezhɛne geva ŋkɛ kase le ka sewajɛ kwele kwele ba'a wəshi kempa kwele kwele.

Daniyɛl 5:23

Nahe na kese kavereslə le Shala nya pelɛ ghweme, te və nya fəke wəshi kesa wəshi nyi kese mbe ghɛa Shala na. Nahe yɛ kese kasa tɛ kwa hɛ, gha, mbelia jama yitea gha, ka meghwateshia ŋa ba'a kweci mia ŋa. Nahe na ketsahekɛ yɛ shala mze kwa tɛawetɛa, mze kwa tere tere, mze kwa ghwə ghwə, lɛ, sheghwə ba'a pelɛ, shala nyi keɗema kanakɛ ŋkwa, kafa ghena keɗema nyi keɗepema wəshi. Nahe na kesema kave zləvə te Shala nya nza mpia ŋa ba'a pɛtɛa dzeghwa ta ŋa mbe dzeve ta ŋkɛ.

Daniyɛl 8:25

Ma le ntsehwelea ŋkɛ ne, kateghwete ŋkwa ŋkɛ. Ma mbe kele ghə ta ŋkɛ ne, katempə mbeli kwele kwele ŋkɛ, mbeli nyi keve ghəa nci gwezlayɛ. Kateha nda mpa ŋkɛ ke wəndə nya te ghəa mbeli nyi te ghə. Ama katezamte geva sebe te kaɗema dzeve kekwaɗakɛ ŋkɛ.

Zhɛne Ghwelə yitea Wəshi Mahalegə 8:14

ntsehwele mə va zhɛre ghəa ŋayɛ kaka kele ghə ba'a va zaghə Shala Mahwətə ta ŋayɛ nya kefəakave ŋayɛ mbe Ɛzhipte nya se yɛ kaka mavashi.

1 Timotɛ 3:6

Kehi ŋkɛ kanza kawəndə nya keyɛte ghena ta Shala kamɛnɛfɛ we. Ma kenza ŋkɛ tsagha ne, katekele ghəa ŋkɛ ŋkɛ ba'a kateve nda geva fete kala gətəli.

1 Piyɛre 5:5

Tsagha shɛnyɛ gɛ ŋwale, hawe mə va mbelia jama ta ŋayɛ. Gheyɛ pɛtɛ, shifə mə ghə kwelɛ ghəa ŋayɛ, kwa nza ŋkɛ ma ke Ghena ta Shala gezete: «Kaɗema ghena ta ka kele ghə Shala, ama kave nda zlaɓa ta ŋkɛ ŋkɛ ke ka shifə ghə.»