Daniyɛl 10:8 - Ghena ta Shala

⁸ Deke 'ya nde tene kanewe wəsə meŋelea shɛ. Pa berete ta ɗa denenyɛ, pa kema ta ɗa zhɛrete pa ba'a nzanyɛ tɛarawe rawe, pa 'ya zhɛre ɗa kande dewə berete.

Daniyɛl 10:8 Iomraidhean Croise

Gha ta Wəshi 32:31

Ma ke Zhakob: «Nahe 'ya kenakɛ kema ta Shala, ama mba 'ya teghweme.» Vatse hekate nda slə ŋkɛ ke ŋkwa shɛ kaPenəwɛl, geze ta ŋkɛ, “Kema ta Shala”.

Shave 3:3

Ma ke Moyize mbe ghəa ŋkɛ: «'Ya kahende geva kezha newe wəsə meŋele nya: va wa ɗema tigə nya katere wa?»

Daniyɛl 10:16

Ama pa kwete wəsə kala wəndə ŋelɛ kwaɗakɛ bəzhia mɛa ɗa. Pa 'ya ghwenemte mɛ ba'a ntake 'ya kageze ghena. Ma 'ya sha wəndə nya meslete kwa kema ta ɗa: «Nde sleke ɗa yawe, ma tewəmbəreke wəsə nya nakɛ 'ya ne, nahe 'ya kenza keyirə yirə ba'a kedene dene.

Daniyɛl 10:17

Tsema nza 'ya, 'ya nde mene slene ta ŋa kagezete ŋa ghena, gha nde sleke ɗa wa? Tsetsenya ne, kedene dene 'ya ba'a mba sefə hwa 'ya we.»

Daniyɛl 7:28

Teke kiɗi ghena shɛ. Ma 'ya, 'ya Daniyɛl ne, kwele kwele tazenji yɛ zəzə ta ɗa. Pa 'ya zhɛre ɗa tɛarawe rawe ba'a ntake 'ya kazəzə wəsəa shɛ.

Daniyɛl 8:27

Tagha gɛ, ma 'ya, 'ya Daniyɛl ne, pa geva ta ɗa tanyɛ ba'a pa zereghwe kesehwe ɗa kahɛ kwele kwele. Kwa sebe ta ŋkɛ, pa 'ya mbe ɗa, zhɛne 'ya kamene slene ta meghe. Nahe mehele ta ɗa kenza ketaze taze va wəsə nya nakɛ 'ya, tewəmbəreke nya favema ŋkɛ 'ya.

Daniyɛl 8:7

Kanewe ŋkɛ 'ya nda hendave nda geva nde ke gamea shɛ ba'a nda hwepete wənə nde ve. Pa ŋkɛ ɗate gamea shɛ ba'a felaŋemte tereme ta ŋkɛ nyi bake. Kapesle gamea shɛ yitea ɗa ŋkɛ we. Tagha gɛ, pa nde neghate ŋkɛ te hɛɗi ba'a ŋkeɗemte ŋkɛ. Wəndə shɛ kazləgwəke gamea shɛ ve we.

Habakək 3:16

Nahe 'ya kefate gaka shɛ ba'a nahe mehele ta ɗa ketazenyɛ. Kabare bare bəzhia mɛa ɗa va ghazlənə, nahe geva ta ɗa kenza keta ta, kabare bare ŋkwa nya yitea ŋelia ɗa. Mbe nza divə ne, kaneghe vecia yaka 'ya kezha lə kampa le mbeli nyi keha ɓəmə mpa.

Matiye 17:6

Ma kwa fate ghena shɛ mbeli nyi ketəkwə təkwə Yɛsə ne, ntake hɛ kaŋa ghə kadzembe hɛɗi va ghazlənə.

Mark 9:6

Keɗepe ghena kegeze ŋkɛ we, kwa nza ŋkɛ ne, shewə hɛ va ghazlənə.

Zhaŋe 16:32

Yawa, takwa takwa və nya tetaze geva yɛ kwetɛ kwetɛŋe te. Nahe vəa shɛ kese. Katelə yɛ pɛtɛ sha ghɛa ŋayɛ, tene 'ya kwetɛŋe ɗa. Ama kwetɛŋe ɗa tenza 'ya we, 'ya le Yiteyɛ ɗa.

2 Ka Korɛnte 12:7

Kezha ɗema 'ya kamene fege le wəshi meŋele nyi nakɛ 'ya ne, pa kwete wəsə kala mesleɗe veyi geva mbe geva ta ɗa, kala nde ghwene ta Satan nya keveyi geva kezha ɗa ɗa ba'a kezha fɛa ɗa kemene fege.

Ghena Kelɛŋə 1:17

Ma kwa nakɛ 'ya ne, terərəmə 'ya teɗe ɗa yitea seɗa ta ŋkɛ kala wəndə kemte mte. Pa ŋkɛ dapeyi ɗa dzeve kwa zeme ta ŋkɛ kwa ghə, ma ke sha 'ya: «Ghazlənəma na ma, 'ya ya kande ghate ba'a kande keɗaŋe.