Daniyɛl 10:6 - Ghena ta Shala

⁶ Nahe geva ta ŋkɛ kenza kala pelɛ kwa sleke sleke, kema ta ŋkɛ kala slesla ta va, ntsə ta ŋkɛ kala ghwə te wəvəzə, yɛ dzeve ta ŋkɛ ba'a yɛ seɗa ta ŋkɛ kala ɓayɛ ɓayɛ ta mze kwa ghwə ghwə nya kenjɛhe njehe, gaka ta ŋwələa ŋkɛ kala gaka ta mbeli kwele kwele.

Daniyɛl 10:6 Iomraidhean Croise

Shave 28:20

Ma kwa kwa wəfaɗe ta zəɗə ne, katenza pelɛ kwa sleke sleke, kwa gheme gheme ba'a kwa nɛ nɛ. Katendeɓe yayata pelɛ mbeli te ŋkwa nya kefi fi le mze kwa tere tere.

Cimə nya zeɗe ma 5:14

Nahe yɛ dzeve ta ŋkɛ kenza kala takase mze kwa tere tere nya kerafe rafe le pelɛ kwa sleke sleke. Nahe geva ta ŋkɛ kenza kala slene ta cewe kwa njehe njehe nya nza pelɛ kwa lɛa lɛa ghweme kənə.

Ɛzɛkiyɛl 1:14

Kalə ba'a kase wəshi nyi nza shɛ mpi hwe kahe kahe kala slesla ta va.

Ɛzɛkiyɛl 1:16

Kala kwacaregesla ɓele wəshi nyi kala seɗa ta wəmata shɛhɛ. Kanya kwetɛŋe nza ta nci ba'a kala wəsə nya nza kwete wəsə nya kala seɗa ta wəmata shɛ kwa kwete hɛ.

Ɛzɛkiyɛl 1:24

Ma fa gaka ta bidzəa nci 'ya kwa nza hɛ kazlə ne, kala mewədzərə ta ghwa, kala berazlɛ ta va, kala gaka ta Shala nde berete ba'a kala gaka ta wəvəsəa ka sewajɛ. Ma keghereŋe hɛ ne, pa hɛ ŋzlete bidzəa nci.

Ɛzɛkiyɛl 1:7

Tiɗiɗia tiɗiɗia jajɛghwa ta nci, kala yɛ cɛpea leve ta sla seɗa ta nci, kaɓayɛ ɓayɛ kala mze kwa ghwə ghwə nya shɛanɛa.

Ɛzɛkiyɛl 10:9

Newe 'ya ne, dəkwə 'ya te wəshi kala yɛ seɗa ta wəmata wəfaɗe vare ka shɛrəbɛŋe, kwete kwete vare yayata shɛrəbɛŋe. Kala pelɛ kwa sleke sleke nya nza zləvə te slesla wəshi nyi kala seɗa ta wəmata shɛhɛ.

Ɛzɛkiyɛl 40:3

Pa ŋkɛ keleghe ɗa kajive, dəkwə 'ya te kwete wəndə nya nza geva ta ŋkɛ kala mze kwa ghwə ghwə. Zewe pawa kedzeghe wəsə ba'a cafecɛ kedzeghe wəsə ya yitea dzeve ta ŋkɛ. Meslete nzanyɛ ŋkɛ mɛa ŋkwa kedzeki.

Ɛzɛkiyɛl 8:2

Newe 'ya ne, dəkwə 'ya te kwete wəsə kala wəndə ŋelɛ. Ma ghala dəŋə kadzawa dzawadze ne, kala ghwə geva ta ŋkɛ. Ma se mɛa dəŋə kadzeme dzemedze ne, kala mze kwa ghwə ghwə nya shɛanɛa ɓele ŋkɛ.

Matiye 17:2

Pa Yɛsə zhɛrete pa tagha kwa ntsə ta nci, kaɓele ŋkwa nya kwa kema ta ŋkɛ kala veci, tɛawetɛa ma lekwesa ta ŋkɛ ke waŋe ta ŋkwa.

Matiye 28:3

Kaslesla pa ta ŋkɛ ba'a kala kwacakelɛ lekwesa ta ŋkɛ.

Ləwke 9:29

Ma vəa ŋkwa nya səkwə ghə Yɛsə ne, pa kema ta ŋkɛ zhɛrete pa, kwacakelɛ pa sha lekwesa ta ŋkɛ.

Ghena Kelɛŋə 10:1

Pa 'ya nakɛ kwete nde ghwene ta Shala nya berete kasawa pelɛ ghweme. Nahe ləmbə kedəpəaghe geva kənə kala lekwesa, maɓelɛaŋe ya dzeyi yitea ghə ve. Nahe kema ta ŋkɛ kenza kala veci ba'a nahe yɛ seɗa ta ŋkɛ kenza kala geɗeɗe ta ghwə.

Ghena Kelɛŋə 19:12

Kaslesla ntsə ta ŋkɛ kala ghwə, kwele kwele derə meghe mbe ghə ve. Slə nya ɗepema kwete wəndə, deke gheŋkɛ nde ɗepe ya kerafe rafe te.

Ghena Kelɛŋə 2:18

Rafete nda ghena nya ke wəndə nya te ghəa Jikə ta ka Kriste nya mbe Tiyatire: Wa nya ghena nya geze Wəzege ta Shala nya, wəndə nya slesla ntsə kala ghwə ba'a nya nza yɛ seɗa ta ŋkɛ kala mze kwa ghwə nya shɛanɛa nya:

Ghena Kelɛŋə 21:20

kwa mcɛfe, le pelɛ kwa gheme, kwa ŋkwaŋe, le pelɛ kwa ghɛmɛ, kwa mberefaŋe, le pelɛ kwa nɛ nɛ, kwa deghese, pelɛ kwa gheme gheme, kwa mesli, pelɛ kwa rəghwə rəghwə, kwa meŋe, pelɛ kwa sleke sleke, kwa meŋe kwetɛŋeghəmbe, pelɛ kwa gatawəfa gatawəfa, kwa meŋe bakeghəmbe, pelɛ kwa ndereme ndereme.