Daniyɛl 10:21 - Ghena ta Shala

²¹ Ama 'ya kageze ŋa wəsə nya kerafete geva mbe palepa ta kaganda. Wəndə shɛ kakemane ɗa va ka ghema shɛhɛ, keɗema Mishɛl, nde ya Israyɛl we.

Daniyɛl 10:21 Iomraidhean Croise

Daniyɛl 10:13

Nahe nde ya keya hɛɗia Pɛrse zhɛnete ɗa ghə kahɛ bakemsə kwetɛŋeghəmbe. Ama pa Mishɛl, kwete wəndəa mbelia jama ta ka ghwene ta Shala se kakemanakɛ ɗa. Tagha nza ɗa 'ya yitea ka meghea kɛfi nya mbe Pɛrse.

Daniyɛl 12:1

Ma ke nde ghwene ta Shala sha 'ya zhɛkwa: «Ma te vəa shɛ ne, katenca Mishɛl, wəndə nya te ghəa ka ghwene ta Shala nya keya hwelefe ta ŋa. Katenza vəa shɛ kavəa yaka nya keghama kase ghala nza hwelefefi hwa'a te və nya. Tagha gɛ, katembele pɛtɛa hwelefefia ŋa nyi nza sləa nci kerafe rafe te palepa ta mpi.

Daniyɛl 12:4

Ma gha gɛ Daniyɛl, wəfərəakɛ ghena shɛhɛ ba'a ŋzlete palepa nya hwa'a te keɗaŋe ta və. Ma vəa ŋkwa shɛ ne, kwele kwele mbeli nyi ketejaŋga, katemtsehe geva ɗepe wəsə ta nci.»

Daniyɛl 8:26

Nya ya kakaganda ta ghena nya mbe wəsə nya nakɛ nya na te ghəa yɛ tɛhwɛɗi ba'a masheke. Ama gezema ghena ta wəsə nya nakɛ nya na tsetsenya ma. Kwa nza ŋkɛ ne, cakeɗake və nyi temene geva ŋkɛ te.

Daniyɛl 9:22

Pa ŋkɛ ncɛte ɗa ghena, ma ke sha 'ya: «Daniyɛl, nahe 'ya kese tsetsenya kezha ghwene mehele ta ŋa.

Daniyɛl 9:25

Wa nya wəsə nya hi na kaɗepete ba'a kafave nya: Ma se te və nya gezete geva ghena te ghəa zhɛne geva ta mbeli nyi kefəhwe geva kase ba'a ŋa ta Zhɛrəzalɛm zhɛkwa, hwa'a te nca ta wəndə nya te ghə nya ntave Shala ne, va mberefaŋe zhigə mberefaŋemsə ya shɛ. Ma mbe va ŋkwaŋemsə bakeghəmbe zhigə mberefaŋe ne, kateŋa geva meleme ba'a zli nya yite, ama dzawe dzawe tenza yɛ va shɛhɛ.

Amos 3:7

Tsagha shɛ ne, kamene wəsə Shala Mahwətə kaɗema ŋkɛ kencɛte nda zəzə ta ŋkɛ ke ka mene slene ta ŋkɛ nyi kaka mɛ ŋkwa we.

Slene 15:15

Yipə yipə ghena ta ka mɛ ŋkwa ta Shala le ghena nya, kwa nza ŋkɛ ma ke rafete geva mbe Ghena ta Shala:

Slene 15:18

Nahe ŋkɛ kencɛte wəshia shɛhɛ se vəashi.

Zhəwde 1:9

Ya Mishɛl, wəndə kwelea ka ghwene ta Shala ne, kese kamene wəsə shɛ we. Nahe ŋkɛ kese kaghəpə le gətəli te ghəa geva ta Moyize. Kese Mishɛl kadzeghe kaŋele ŋkɛ laka meha ghwə te we, ama ma ke: «Pa Mahwətə vate ɗa te gha.»

Ghena Kelɛŋə 12:7

Tagha gɛ, pa mpa menete geva pelɛ ghweme. Pa Mishɛl ba'a ka ghwene ta ŋkɛ mpate mpa le shishi meŋelea shɛ. Pa shishi meŋelea shɛ ba'a ka ghwene ta ŋkɛ mpate mpa le perə.