Daniyɛl 10:19 - Ghena ta Shala

¹⁹ Kwa sebe ta ŋkɛ, ma ke sha 'ya: «Wəndə nya ɗe Shala, ghazlənəma na gɛ ma! Nza gwezlayɛ gɛ! Hwepete ghə ba'a nza bereteke deŋwa!» Ma vəa ŋkwa nya geze ɗa ghena ŋkɛ ne, pa 'ya kemave berete, ma 'ya gezete: «Nde sleke ɗa yawe, wərə na kageze ɗa ghena, kwa nza ŋkɛ nahe na kendeke ɗa berete.»

Daniyɛl 10:19 Iomraidhean Croise

Cimə 138:3

Ma te veci nya se 'ya katsa ŋa lewela ne, nahe na kezhɛnete ɗa, nahe na kendeke ɗa hwepe ghə ba'a berete.

Ɛzayi 35:4

Ma pe yɛ sha mbeli nyi keghazlənənji: «Nza mə bereteke, ghazlənəma yɛ ma. Wa nya Shala ta ŋayɛ nya. Katese ŋkɛ kawa dewa ba'a kave nda zhɛme ta nci ke ka ghema ta ŋayɛ, Katese ŋkɛ le ghəa ŋkɛ kambele ŋayɛ.»

Ɛzayi 41:10

ghazlənəma na ma, kwa nza ŋkɛ ne, le gha 'ya, nzama na keyirə yirə ma, kwa nza ŋkɛ ne, 'ya ya kaShala ta ŋa. 'Ya kave ŋa berete, 'ya kase kakemane ŋa, 'ya kaya ŋa le dzeve kwa zeme ta ɗa nya kehərə ŋkwa.

Ɛzayi 41:14

Ma ke Mahwətə: «Ghazlənəma na, gha Zhakob nya kamenteɗa, gha Israyɛl nya kadewə berete ma. 'Ya kase kakemane ŋa, Ma nde mbeɗe ŋa ne, gheŋkɛ 'ya nya kaShala ta Israyɛl nya keveyi geva tekeleke.

Daniyɛl 10:18

Tagha gɛ, pa wəsə nya kala wəndə ŋelɛ zhɛne kakwaɗakɛ ɗa ba'a ndeke ɗa berete.

Daniyɛl 9:23

Ghatema ta ŋa kampi nda dzeve ke Shala ne, nahe ŋkɛ kegezete kwete ghena, nahe 'ya kese kezha ncɛ ŋa ŋkɛ, kwa nza ŋkɛ kaɗe ŋa Shala. Fave ghena nya tegeze ŋa 'ya te ghəa wəsə nya nakɛ nya na.

Azhɛ 2:4

Vatse gɛ, ma 'ya, 'ya Mahwətə sha gheyɛ: Ntsə geva gɛ Zorobabɛl! Ntsə geva gɛ Yɛshəwa, wəzege ta Yosadak, gha nya kawəndə kwelea ka dzeghe Shala! Ntsə mə geva gɛ gheyɛ pɛtɛa mbeli nyi te hɛɗi! Mene mə slene, kwa nza ŋkɛ hwa gheyɛ tenza 'ya, 'ya Mahwətə nde berete nde geze ŋayɛ.

Zakari 8:13

Ka Zhəwda ba'a ka Israyɛl, kala ka bezla bezla se yɛ hwa kweci hwelefefi. Ama tsetsenya ne, 'ya kambele ŋayɛ, katenza yɛ kambeli nyi kewəpi wəpi. Ghazlənəma yɛ ma, hwepe mə ghə!»

Zakari 8:9

Wa nya ghena nya geze Mahwətə nde berete nya: «Hwepe mə ghə, gheyɛ nyi kefa ghena nyi geze ka mɛ ŋkwa vəa ŋkwa nya ghate shihəa ghɛa ɗa mbeli, 'ya Mahwətə, nya tezhɛne mbeli kaŋa ŋkwa nya keveyi geva tekeleke.

Zhaŋe 11:3

Pa ŋwalea kwɛa meghekɛ nyi ghwenakɛ nda mɛ ke Yɛsə, ma hɛ: «Nde sleke ŋkwa, shewə mcɛ ŋa nya ɗe na kala mpi tsetsenya.»

Zhaŋe 11:36

Ma ke ka Zhəwif: «Newe ma mə ɗe nya ɗe wəndəa shɛ ŋkɛ gi!»

Zhaŋe 11:5

Kwele kwele ɗe yɛ Marte le Mari Yɛsə, tsagha wəza megheyɛa nci Lazare.

Zhaŋe 14:27

Nza mə kwelɛŋe kwetere wəmbəa ɗa, ŋa ɗa kwelɛŋe nya ve ŋayɛ 'ya. Kala nya ve mbeli nyi te hɛɗi ve ŋayɛ 'ya we. Nzama mehele ta ŋayɛ ketaze taze ba'a ghazlənəma yɛ ma.

Zhaŋe 16:33

Nahe 'ya kegezete ŋayɛ wəshi nyi pɛtɛ yitea kemave kwelɛŋe yɛ kwa nza mə jikə le gheyɛ. Katesa yaka yɛ teke te hɛɗi, ama hwepe mə ghə, nahe 'ya kehərəte berete ta hɛɗi lema.»

Zhaŋe 19:26

Pa Yɛsə nakɛ meghekɛ, hɛ le kwete mcɛnyɛ nya ɗe ŋkɛ za ma hwa mbeli nyi ketəkwə təkwə. Ma ke sha meghekɛ: «Male, wa nya wəzege ta ŋa nya.»

Zhaŋe 21:20

Tewətelɛwe ke Piyɛre ne, dəkwə ŋkɛ te kwete wəndə nya ɗe Yɛsə za ma. Gheŋkɛ nde se terasle mentishɛ vare Yɛsə kwa zeme ɗafa hɛ, nya kese 'yɛwe ve: «Nde sleke ŋkwa, wa wəndə nya ketepamte ŋa wa.»

1 Ka Korɛnte 16:13

Nza mə ɗeke ɗeke, nza mə le berete mbe yɛ, hwepe mə ghə, nza mə le berete.

2 Ka Korɛnte 12:9

Ma ke zhɛnete ɗa: «Wərə ŋa zlaɓa ta ɗa, kwa nza ŋkɛ kancɛ geva berete ta ɗa mbe dewə ŋelia ŋa.» Vatse mene fege 'ya le dewə ŋelia ɗa, yitea nza berete ta Kriste kənəa 'ya.

Ka Ɛfɛze 6:10

Kakwa keɗaŋe ne, zele mə berete ta ŋayɛ mbe jikə geva le Nde sleke ŋkwa, mbe berete ta ŋkɛ nya wəba.

2 Timotɛ 2:1

Ma gha gɛ wəzege ta ɗa, nza bereteke mbe zlaɓa nya kemave mə mbe Yɛsə Kriste.

Zhozəwɛ 1:9

Zaghəma na nahe 'ya kegezete ŋa kanza bereteke ba'a kande hwepe ghə ma. Bare barema na ma, ghazlənəma na ma, kwa nza ŋkɛ ma 'ya, 'ya Shala Mahwətə ta ŋa ne, katenza 'ya le gha te yayata ŋkwa nya telə na.»

Ghena Kelɛŋə 1:17

Ma kwa nakɛ 'ya ne, terərəmə 'ya teɗe ɗa yitea seɗa ta ŋkɛ kala wəndə kemte mte. Pa ŋkɛ dapeyi ɗa dzeve kwa zeme ta ŋkɛ kwa ghə, ma ke sha 'ya: «Ghazlənəma na ma, 'ya ya kande ghate ba'a kande keɗaŋe.

Ka Meha ghwə 6:23

Ma ke Mahwətə shɛ: «Pa kwelɛŋe nza le gha! Ghazlənəma na ma, kamte na we.»