Daniyɛl 10:14 - Ghena ta Shala

¹⁴ Ma tsetsenya ne, 'ya se kezha fave ŋa wəsə nya ketemene nda geva ke hwelefe ta ŋa te kwete hɛ, kwa nza ŋkɛ kwete wəsə nya ketemene geva te vəa shɛ ya shɛ.»

Daniyɛl 10:14 Iomraidhean Croise

Gha ta Wəshi 49:1

Pa Zhakob hekake ŋwale tezhilia ŋkɛ, ma ke sha hɛ: «Tsenete mə ghəa ŋayɛ, 'ya kategeze ŋayɛ wəsə nya ketemene ŋayɛ geva te kwete veci.

Ɛzayi 2:2

Ma mbe və nya ketese ne, katenza ghweme ta ghɛa Mahwətə biya ma ke kweci ghweme ba'a katenza ŋkɛ dzəgwəɗəmə ma ke kweci wəmbə. Tagha gɛ, katese pɛtɛa hwelefefi kadzehwe.

Ɛzɛkiyɛl 12:27

«Wəndə ŋelɛ, wa nya ghena nya geze ka Israyɛl nya: ‹Ma ghena nyi geze nyi wəndə nya ne, kenza kaghena nyi hendɛ hendɛ we. Ghena nyi ketemene geva te kwete hɛ yageze ŋkɛ.›

Ɛzɛkiyɛl 38:16

Kateha nda mpa na ke ka Israyɛl, mbelia ɗa, katenza na kənəa hɛɗia ŋkɛ kala meləkwə ləkwə nya kenza dibə dibə kənəa hɛɗi. Te kwa keɗaŋe ta və temene geva ŋkɛ. Kateghwene ŋa 'ya kase kampa le hɛɗia ɗa. Ma tsagha ne, kateɗepete kweci hwelefefi 'ya ya kaShala nya kaganda. Katencɛ nda 'ya ke hɛ laka slene nya menete ɗa na Gog.

Daniyɛl 10:1

Ma mbe kwa mahekene ta va ta Sirəs, meghe nya mbe Pɛrse te meghe ne, pa ghena ta Shala ncɛte nda geva ke Daniyɛl nya heka mbeli kaBɛltasar. Nahe ghena shɛ kenza kakaganda ba'a kaghena nya dzawe. Pa Daniyɛl zəzəve ghena shɛ ba'a fave ghena nya mbe wəsə nya nakɛ ŋkɛ.

Daniyɛl 12:4

Ma gha gɛ Daniyɛl, wəfərəakɛ ghena shɛhɛ ba'a ŋzlete palepa nya hwa'a te keɗaŋe ta və. Ma vəa ŋkwa shɛ ne, kwele kwele mbeli nyi ketejaŋga, katemtsehe geva ɗepe wəsə ta nci.»

Daniyɛl 12:9

Ma ke wəndəa shɛ zhɛnete: «Daniyɛl, kwiɗi ŋa, kwa nza ŋkɛ nahe ghena shɛhɛ kenza tewəfərə ba'a keŋzle ŋzle hwa'a te keɗaŋe ta və.

Daniyɛl 2:28

Ama Shala nya kencɛ wəshi nyi tewəfərə ya pelɛ ghweme. Gheŋkɛ nde ncɛ nda wəsə nya ketemene geva te kwete hɛ ke meghe Nabəkodonozor. Wa nya wəsə nya nakɛ na te shiwə vəa ŋkwa nya nza na yitea hɛ nya:

Daniyɛl 8:16

Tagha gɛ, pa 'ya fate ŋwələa wəndə ŋelɛ same kwa hələa Əwlay, ma ke zlapete: Gabriyɛl, ncɛte nda ghena nya mbe wəsəa shɛ ke wəndə nya!

Daniyɛl 8:26

Nya ya kakaganda ta ghena nya mbe wəsə nya nakɛ nya na te ghəa yɛ tɛhwɛɗi ba'a masheke. Ama gezema ghena ta wəsə nya nakɛ nya na tsetsenya ma. Kwa nza ŋkɛ ne, cakeɗake və nyi temene geva ŋkɛ te.

Daniyɛl 9:22

Pa ŋkɛ ncɛte ɗa ghena, ma ke sha 'ya: «Daniyɛl, nahe 'ya kese tsetsenya kezha ghwene mehele ta ŋa.

Palepa ta Ozɛ 3:5

Ma kwa sebe ta ŋkɛ ne, katezhɛne geva ka Israyɛl kase kazele Shala Mahwətə ta nci ba'a David, meghea nci. Ma te kwete hɛ ne, katese hɛ kadzawa kema ta Mahwətə le ghazlənə kezha kemave wəshi ganjia ŋkɛ.

Mishɛ 4:1

Ma te kwete hɛ ne, kaganda tenza ghweme ta ghɛa Mahwətə biya ma ke kweci ghweme, biya ma tenza ŋkɛ ke yɛ wəmbə. Tagha gɛ, katese mbeli kwele kwele kanza pelɛ.

Habakək 2:3

Kenaka və kase kezha mene geva wəsəa shɛ we, ama takwa takwa ŋkɛ kamene geva, kenza ŋkɛ katseŋwə we. Ya gheŋkɛ dera ne, neghe ŋkɛ, kwa nza ŋkɛ kaganda tese ŋkɛ, kaɗema vəa ŋkɛ kambeɗemte geva.

Ɓela 24:14

Ma tsetsenya gɛ ne, 'ya katelə ɗa sha mbelia ɗa. Ama nde, 'ya kaɗe kageze ŋa wəsə nya temene nda ka Israyɛl ke mbelia ŋa te kwete hɛ.»

Zhɛne Ghwelə yitea Wəshi Mahalegə 31:21

Ma vəa ŋkwa nya tedzete hɛ ndiremi nyi jama jama ba'a yaka nyi dzawe dzawe ne, katenza cimə nya kawəsə kenegha fete te hɛ, kwa nza ŋkɛ, katezaghə gha ciməa shɛ hwelefefia nci tɛape we. Kwa nza ŋkɛ ne, nahe 'ya keɗepe zəzə nya mbe ghəa nci ɓeshi, nda tefəghe hɛ 'ya kadzete hɛɗi nya meɗeyi 'ya kafela.»

Zhɛne Ghwelə yitea Wəshi Mahalegə 31:29

Kwa nza ŋkɛ nahe 'ya keɗepe, ma kwa sebe ta mte ta ɗa ne, katedzembe jaɗafa ka Israyɛl ba'a katesame hɛ kwa hweŋkwa nya ncɛte nda 'ya ke hɛ. Tagha gɛ, katedzeghəa hɛ ndiremi va pɛtɛa wəshi nyi temenete hɛ kaɗema zeɗehwe nda ke Mahwətə ba'a kezha beze nda wənə.»

Zhɛne Ghwelə yitea Wəshi Mahalegə 4:30

Ma vəa ŋkwa nya tenza yɛ mbe yaka, te və nya tesave ŋayɛ se ghena nyi te kwete hɛ ne, katezhɛne geva yɛ kase sha Shala Mahwətə ta ŋayɛ ba'a katefa nda ghena yɛ.

2 Timotɛ 3:1

Veyite ghena nya yitea ghə megela: ma te ka keɗaŋe ta hɛ ne, katenza və nyi dzawe dzawe shɛ.

Ka Ɛbrə 2:3

Ma nda tsetse ŋkɛ ne, tsema nza mə kambele va yaka shɛ kepeleyite se gheɓəmə yitea mbele nya wəba nya wa? Nde sleke ŋkwa le ghəa ŋkɛ nde ghate kageze ghena ta mbelea shɛ, zhɛne, pa mbeli nyi kefate ghena shɛ gezete kakaganda ghena shɛ kezha gheɓəmə.