Daniyɛl 10:13 - Ghena ta Shala

¹³ Nahe nde ya keya hɛɗia Pɛrse zhɛnete ɗa ghə kahɛ bakemsə kwetɛŋeghəmbe. Ama pa Mishɛl, kwete wəndəa mbelia jama ta ka ghwene ta Shala se kakemanakɛ ɗa. Tagha nza ɗa 'ya yitea ka meghea kɛfi nya mbe Pɛrse.

Daniyɛl 10:13 Iomraidhean Croise

Ɛsdras 4:24

Ma pelɛ Zhɛrəzalɛm ne, nahe slene ta ŋa ta ghɛa Shala keghereŋete geva. Pa te kwa bake ta va ta Dariyəs, meghea ka Pɛrse ghereŋete geva ŋkɛ.

Daniyɛl 12:1

Ma ke nde ghwene ta Shala sha 'ya zhɛkwa: «Ma te vəa shɛ ne, katenca Mishɛl, wəndə nya te ghəa ka ghwene ta Shala nya keya hwelefe ta ŋa. Katenza vəa shɛ kavəa yaka nya keghama kase ghala nza hwelefefi hwa'a te və nya. Tagha gɛ, katembele pɛtɛa hwelefefia ŋa nyi nza sləa nci kerafe rafe te palepa ta mpi.

Ka Ɛfɛze 6:12

Kwa nza ŋkɛ ma mpa ta ɓəmə ne, kenza le mbeli we, ama le mbelia jama nyi kesleke ŋkwa, ka meghe nyi te hɛɗi nya hwa ŋkwesle ba'a 'yi'yɛghwə nyi pelɛ yitea ghweme.

Ka Kolose 2:10

Nahe yɛ kemave wəshi laka gheŋkɛ, gheŋkɛ nya te ghəa pɛtɛa mbelia jama nyi kesleke ŋkwa ba'a pɛtɛa berete.

1 Ka Tɛsalonike 2:18

Vatse ɗe ghen'yɛ kalə sha gheyɛ, 'ya Pol le ghəa ɗa ne, kwele kwele zhigə ɗete 'ya. Ama nahe Satan kefɛake n'yɛ.

1 Piyɛre 3:22

nya kedzeme ghweme ba'a nya kentishɛ laka bela kwa zeme ta Shala, nya te ghəa ka ghwene ta Shala, ka sleke ŋkwa ba'a berete nyi pelɛ ghweme.

Zhəwde 1:9

Ya Mishɛl, wəndə kwelea ka ghwene ta Shala ne, kese kamene wəsə shɛ we. Nahe ŋkɛ kese kaghəpə le gətəli te ghəa geva ta Moyize. Kese Mishɛl kadzeghe kaŋele ŋkɛ laka meha ghwə te we, ama ma ke: «Pa Mahwətə vate ɗa te gha.»

Ghena Kelɛŋə 12:7

Tagha gɛ, pa mpa menete geva pelɛ ghweme. Pa Mishɛl ba'a ka ghwene ta ŋkɛ mpate mpa le shishi meŋelea shɛ. Pa shishi meŋelea shɛ ba'a ka ghwene ta ŋkɛ mpate mpa le perə.