Daniyɛl 10:12 - Ghena ta Shala

¹² Ma ke mtsehete: «Ghazlənəma na ma Daniyɛl ma! Kwa nza ŋkɛ ma se te kwa ghate ta hɛ nya ɗehwe fa wəsə nya kemenete geva ba'a nya shifəmte ghəa ŋa na kwa kema ta Shala ne, nahe səkwə ta ŋa kefate geva. Kezha zhɛne səkwə ta ŋa se 'ya.

Daniyɛl 10:12 Iomraidhean Croise

Cimə 69:10

Kwa nza ŋkɛ ma ɗe nya va 'ya kezha ghɛa ŋa ne, kala ghwə tere ɗa ŋkɛ. Kadzeghəa 'ya dzeghə ŋele ta mbeli nyi keŋele ŋa.

Ɛzayi 35:4

Ma pe yɛ sha mbeli nyi keghazlənənji: «Nza mə bereteke, ghazlənəma yɛ ma. Wa nya Shala ta ŋayɛ nya. Katese ŋkɛ kawa dewa ba'a kave nda zhɛme ta nci ke ka ghema ta ŋayɛ, Katese ŋkɛ le ghəa ŋkɛ kambele ŋayɛ.»

Ɛzayi 41:10

ghazlənəma na ma, kwa nza ŋkɛ ne, le gha 'ya, nzama na keyirə yirə ma, kwa nza ŋkɛ ne, 'ya ya kaShala ta ŋa. 'Ya kave ŋa berete, 'ya kase kakemane ŋa, 'ya kaya ŋa le dzeve kwa zeme ta ɗa nya kehərə ŋkwa.

Ɛzayi 41:14

Ma ke Mahwətə: «Ghazlənəma na, gha Zhakob nya kamenteɗa, gha Israyɛl nya kadewə berete ma. 'Ya kase kakemane ŋa, Ma nde mbeɗe ŋa ne, gheŋkɛ 'ya nya kaShala ta Israyɛl nya keveyi geva tekeleke.

Ɛzayi 58:9

Ma te və nya tesəkwə ghə na ne, katezhɛne ŋa Mahwətə. Ma te və nya tetsa lewela na ne, «Wa nya 'ya nya», a ke sha tezhɛne ŋa. Ma kezamte sebe na te wəsə nya kesa nda yaka ke mbeli, te cɛɗɛ ŋkwa, te ghena nyi kezhɛ ŋkwa te hɛɗia ŋa,

Ɛzayi 65:24

Ma nda teheka ɗa hɛ ne, katezhɛne nda 'ya ke hɛ. Ma tewə hɛ ketekiɗimte geze ghena ne, nahe 'ya ketefate ghena ta nci.

Daniyɛl 10:11

Ma ke wəndəa shɛ sha 'ya: «Daniyɛl, gha nya ɗe Shala, fave ghena nya mbe ghena nyi geze ŋa 'ya. Sate ŋa meslete, kwa nza ŋkɛ ke gha ghweneke ŋa geva 'ya tsetsenya.» Ma mba ŋkɛ kageze ɗa ghena ne, pelɛhetɛme 'ya sate te ŋkwa le bare bare.

Daniyɛl 10:19

Kwa sebe ta ŋkɛ, ma ke sha 'ya: «Wəndə nya ɗe Shala, ghazlənəma na gɛ ma! Nza gwezlayɛ gɛ! Hwepete ghə ba'a nza bereteke deŋwa!» Ma vəa ŋkwa nya geze ɗa ghena ŋkɛ ne, pa 'ya kemave berete, ma 'ya gezete: «Nde sleke ɗa yawe, wərə na kageze ɗa ghena, kwa nza ŋkɛ nahe na kendeke ɗa berete.»

Ka Lɛvi 16:29

Wa nya wəsə mahalegə nya kaghala ghala nya kaŋa ŋayɛ: ma te kwa meŋe ta hɛ mbe tere kwa mberefaŋe ne, katemene səwəmayɛ yɛ ba'a kateɗema yɛ kamene slene, gheyɛ ka Israyɛl ba'a ka se se nyi hwa gheyɛ.

Ka Lɛvi 16:31

Katenza vecia shɛ kaveci kezhɛne mpi ba'a kavecia səwəmayɛ kaŋa ŋayɛ. Kawəsə mahalegə nya kaghala ghala tenza ŋkɛ.

Ɓela 29:7

Ma te kwa meŋe ta hɛ mbe tere kwa mberefaŋe ne, katemene tsene nya keveyi geva tekeleke yɛ. Katemene səwəmayɛ yɛ, slene nya dzawe shɛ katemene yɛ we.

Matiye 28:10

Ma ke Yɛsə sha hɛ: «Ghazlənəma yɛ ma. Kwiɗi mə kalə kageze nda ke ka kesaka meyɛ ɗa nda dzawa Galilɛ hɛ, kwagha tenewe ɗa hɛ.»

Matiye 28:5

Ma ke nde ghwene ta Shala sha mia shɛ: «Ghazlənəma yɛ ma. Nahe 'ya keɗepe Yɛsə yazele yɛ, nya baŋete mbeli te sheghwə kwa zleŋkwa.

Mark 16:6

Ama ma ke sha hɛ: «Ghazlənəma yɛ ma, Yɛsə nde Nazarɛt yazele yɛ, nya baŋete mbeli te sheghwə kwa zleŋkwa. Nahe ŋkɛ kesame kwa kwele le mpi, mba ŋkɛ teke we. Newe ma mə, wa nya ŋkwa nya se ŋkɛ te nya.

Ləwke 1:13

Ama ma ke nde ghwene ta Shala: «Ghazlənəma na ma Zakari ma, kwa nza ŋkɛ nahe Shala kefate səkwə ghə ta ŋa. Kateya ŋa wəzege teza male ta ŋa Ɛlizabɛt, Zhaŋe teheka nda slə na.

Ləwke 1:30

Ma ke nde ghwene ta Shala shɛ: «Ghazlənəma na ma Mari ma, kwa nza ŋkɛ nahe Shala kezlaɓa le gha.

Ləwke 2:10

Ma ke nde ghwene ta Mahwətə sha hɛ: «Ghazlənəma yɛ ma, kwa nza ŋkɛ nahe 'ya kese kezha geze ŋayɛ ghena kwatenca nya ganyɛ nya ketenza kazlama nya wəba kaŋa mbeli pɛtɛ.

Ləwke 24:38

Ma ke Yɛsə sha hɛ: «Wa raberə nda bare bare yɛ wa? Wa raberə nda nza ghəa ŋayɛ bake bake wa?

Slene 27:24

ma ke sha 'ya: Mba na keghazlənə Pol. Nda na kadzawa kema ta Sɛzar. Nahe Shala kembelete mbeli nyi nza na le hɛ tewəmbəreke gha.

Ghena Kelɛŋə 1:17

Ma kwa nakɛ 'ya ne, terərəmə 'ya teɗe ɗa yitea seɗa ta ŋkɛ kala wəndə kemte mte. Pa ŋkɛ dapeyi ɗa dzeve kwa zeme ta ŋkɛ kwa ghə, ma ke sha 'ya: «Ghazlənəma na ma, 'ya ya kande ghate ba'a kande keɗaŋe.