Daniyɛl 10:1 - Ghena ta Shala

¹ Ma mbe kwa mahekene ta va ta Sirəs, meghe nya mbe Pɛrse te meghe ne, pa ghena ta Shala ncɛte nda geva ke Daniyɛl nya heka mbeli kaBɛltasar. Nahe ghena shɛ kenza kakaganda ba'a kaghena nya dzawe. Pa Daniyɛl zəzəve ghena shɛ ba'a fave ghena nya mbe wəsə nya nakɛ ŋkɛ.

Daniyɛl 10:1 Iomraidhean Croise

Gha ta Wəshi 41:32

Ma nda shiwəte shiwəa shɛ Farawon bake zhigə ne, va nya tarete Shala ba'a va nya ɗe ŋkɛ katemene kahe kahe.

2 Wəshi nyi Mene Ka Meghe 36:22

Ma mbe kwa ghate ta va ta Sirəs, meghea ka Pɛrse mbe meghe ne, pa Mahwətə zəzəte kayipə ghena nya gezeke ŋkɛ le mɛa Zhɛrɛmi, nde mɛ ŋkwa. Pa ŋkɛ feɗeghete mehele ta Sirəs kezha zlape nda ke mbeli te hɛɗia ŋkɛ, le mɛ ba'a rafe rafe te palepa le ghena kala nya:

Ɛsdras 3:7

Ma kwa sebe ta ŋkɛ ne, ntake hɛ kaŋki nda cɛdɛ ke ka tsehe pelɛ le ka sla sheghwə. Zhɛne ne, kəliɓə hɛ fəave nda wəshi kezeme, wəshi kesa ba'a n'yi ke ka Sidon le ka Tir yitea fəke nda sheghwə lekelekea Liban hɛ ke hɛ jive te ndərə hwa'a mbe Jafa, kala nya ndeke nda hweŋkwa Sirəs, meghea ka Pɛrse ke hɛ.

Ɛsdras 4:3

Ama pa yɛ Zorobabɛl, Yɛshəwa le kweci mbeli nyi te ghəa hwelefe ta ka Israyɛl zhɛnete nda ke hɛ: «Kehite geva ŋkɛ kakemane n'yɛ yɛ va ŋa ta ghɛ ke Shala ta n'yɛ we. Deke ghen'yɛ le ghəa n'yɛ ka ŋa nda ke Shala Mahwətə ta ka Israyɛl, kala nya gezete n'yɛ Sirəs, meghea ka Pɛrse.»

Ɛsdras 4:5

Pa hɛ ɗave nda cɛdɛ ke mbeli nyi yitea meghe kezha fɛake geva jive ta slene ta ka Zhəwif mbe kema, nda nzahwe nza ta ŋkɛ Sirəs, meghea ka Pɛrse te meghe pa te vəa Dariyəs, meghea ka Pɛrse.

Ɛsdras 6:14

Ntake mbelia jama ta ka Zhəwif kajive mbe kema mbe kema le ŋa ta ghɛa shɛ kala nya gezete yɛ Azhɛ le Zakari, wəzege ta Ido nyi kaka mɛ ŋkwa. Pa hɛ keɗaŋemte kala ghena nya gezeke Shala ta ka Israyɛl ba'a ghena nyi rafete yɛ Sirəs, Dariyəs le Artasɛrsɛs, ka meghea ka Pɛrse.

Ɛsdras 6:3

Ma te kwa ghate ta va ta Sirəs te meghe ne, ma ke gezete ghena: Ma ghɛa Shala nya mbe Zhɛrəzalɛm ne, nda ŋkɛ kaŋate geva zhɛkwa kezha nza ŋkɛ kaŋkwa kedzeghe melɛ. Te shihəa ŋkɛ nya vəashi ŋa mbeli. Mɛtre mahekenemsə tenza dzeme ta ŋkɛ yitea ghweme, mɛtre mahekenemsə ŋa bezlea ŋkɛ.

Ɛzayi 44:28

Ma 'ya sha Sirəs: ‹Nde ya wəshia ɗa na.› Katemene yayata wəsə nya ɗe 'ya ŋkɛ. Ma ke sha tegeze nda ke Zhɛrəzalɛm: ‹Katezhɛne mbeli kaŋa ŋa› ba'a ke ghɛa Shala: ‹Katezhɛne na kaŋa geva.›»

Daniyɛl 1:17

Pa Shala ndeke nda ɗepe wəshi ba'a zəzə ghena laka ghena ba'a ntsehwele ke ka mempɛhwetɛti nyi wəfaɗe nyi. Ɓiyitsa ne, wərə Daniyɛl kafave pɛtɛa wəshi nyi ketemene geva ba'a pɛtɛa shiwə.

Daniyɛl 1:21

Nahe Daniyɛl kenza mbe slene ta meghe hwa'a te və nya dzete meghe Sirəs.

Daniyɛl 1:7

Pa wəndə nya te ghəa ka mene slene hekate nda slə mɛnɛfɛ ke hɛ: Bɛltasar ŋa Daniyɛl, Shadrak ŋa Hananiya, Mɛshak ŋa Mishayɛl, Abɛd-Nɛgo ŋa Azariya.

Daniyɛl 10:14

Ma tsetsenya ne, 'ya se kezha fave ŋa wəsə nya ketemene nda geva ke hwelefe ta ŋa te kwete hɛ, kwa nza ŋkɛ kwete wəsə nya ketemene geva te vəa shɛ ya shɛ.»

Daniyɛl 11:2

Ma tsetsenya gɛ ne, 'ya kageze ŋa kaganda. Katedzedzete meghe ka meghea kɛfi mahekene mbe Pɛrse, zhɛne ne, katetsene mcɛlə nde wəfaɗe za ma ke pɛtɛa kweci. Ma vəa ŋkwa nya tendeke nda berete mcɛləa ŋkɛ ne, katezele yayata ntsehwele ŋkɛ kezha ha nda mpa ke hɛɗia Grɛse.

Daniyɛl 12:4

Ma gha gɛ Daniyɛl, wəfərəakɛ ghena shɛhɛ ba'a ŋzlete palepa nya hwa'a te keɗaŋe ta və. Ma vəa ŋkwa shɛ ne, kwele kwele mbeli nyi ketejaŋga, katemtsehe geva ɗepe wəsə ta nci.»

Daniyɛl 12:9

Ma ke wəndəa shɛ zhɛnete: «Daniyɛl, kwiɗi ŋa, kwa nza ŋkɛ nahe ghena shɛhɛ kenza tewəfərə ba'a keŋzle ŋzle hwa'a te keɗaŋe ta və.

Daniyɛl 2:21

Gheŋkɛ nde mbeɗe yɛ və ba'a wəshi nyi kemene geva. Gheŋkɛ nde fə ka meghe sawa te meghe ba'a nde ve ka meghe mbe meghe. Gheŋkɛ nde ve nda ntsehwele ke ka ntsehwele ntsehwele ba'a ɗepe wəsə ke ka ɗepe wəshi.

Daniyɛl 4:8

Pa wəfea shɛ zhɛrenyɛ wəbake ba'a bereteke. Kakwaɗe ghweme ghəa ŋkɛ, kanewe ŋkɛ mbeli hwa'a te mendɛkwe ta hɛɗi.

Daniyɛl 5:12

Zəzə nya dzawe ya ve, nahe ŋkɛ keɗepe zeweve ta wəshi ba'a nahe ŋkɛ kenza kande ɗepe wəsə. Nahe ŋkɛ keɗepe geze ghena nya mbe yɛ shiwə, keɗepe ghena nyi dzawe dzawe ba'a keɗepe ntsehwelea ghena nyi ghyana ghyana. Hekake Daniyɛl nya ndeke nda slə meghe kaBɛltasar mbeli. Kategeze ŋa ghena nya mbe rafea shɛ ŋkɛ.»

Daniyɛl 5:17

Ma ke Daniyɛl zhɛnete nda ke meghe: «Wərə na kasərəakɛ wəshi gəməa ŋa va gha keɗema kafəave nda hɛ ke kweci mbeli. Ma 'ya ne, katejaŋga ŋa rafe nya 'ya ba'a kategeze ŋa ghena nya mbe 'ya.

Daniyɛl 6:28

Kambeɗe ŋkwa ŋkɛ ba'a kambele ŋkwa ŋkɛ, kamene wəshi kencɛ wəshi ba'a wəshi meŋele ŋkɛ pelɛ ghweme ba'a te hɛɗi. Gheŋkɛ nde mbeleke Daniyɛl shave mbe yɛ pela ta yɛ nivɛrə.»

Daniyɛl 8:16

Tagha gɛ, pa 'ya fate ŋwələa wəndə ŋelɛ same kwa hələa Əwlay, ma ke zlapete: Gabriyɛl, ncɛte nda ghena nya mbe wəsəa shɛ ke wəndə nya!

Daniyɛl 8:26

Nya ya kakaganda ta ghena nya mbe wəsə nya nakɛ nya na te ghəa yɛ tɛhwɛɗi ba'a masheke. Ama gezema ghena ta wəsə nya nakɛ nya na tsetsenya ma. Kwa nza ŋkɛ ne, cakeɗake və nyi temene geva ŋkɛ te.

Ləwke 1:20

Ama kese na kayɛ ghena nyi gezete 'ya we. Ya tsemanyɛ ŋkɛ ne, katemene geva hɛ te və nya ɗe Shala. Vatse tenza na kamədəŋə hwa'a te veci nya temene geva wəshia shɛhɛ.»

Ghena Kelɛŋə 19:9

Ma ke nde ghwene ta Shala sha 'ya: «Rafete: Zlama ya va mbeli nyi kehekakɛ geva yitea veghe ta Zhɛgwə.» Zhɛne ne, ma ke mtsehete ghena shɛ: «Ghenci ya ya kaghena nyi kaganda ta Shala.»