Daniyɛl 1:8 - Ghena ta Shala

⁸ Pa Daniyɛl kelete zəzə megela kezha ɗema kazhɛre ghəa ŋkɛ wale wale laka zeme wəsə kezeme ba'a sa wəsə kesa ta meghe. Pa ŋkɛ 'yɛwete va wəndə nya te ghəa ka mene slene kezha ɗema ŋkɛ katərənə ŋkɛ kazhɛre ghəa ŋkɛ wale wale.

Daniyɛl 1:8 Iomraidhean Croise

1 Ka Meghea Kɛfi 5:5

Ma mbeli nyi mbe Zhəwda le nyi mbe Israyɛl, gwezlayɛ kaɗema ghazlənə shɛ se hɛ kanza te yayata bela ta meleme, yayata wəndə le nza gwezlayɛ mbe wəvea rɛzɛŋea ŋkɛ le dasekwa ta ŋkɛ kala nza ta hɛa Salomon teghweme.

Cimə 106:28

Pa hɛ ndeke nda ghəa nci ke Ba'al-Pɛyor ba'a zehwe wəshi melɛa mbeli nyi kempə mpə.

Cimə 119:106

Nahe 'ya kemeɗeyi hawe va ghena nyi tiɗiɗi nyi tarete na, kateyipə ghena ta ɗa 'ya kadzawa.

Cimə 119:115

Ka 'yaghwa mehele, slə mə yitea 'ya, kezha hawe 'ya va ghena nyi gezete Shala ta ɗa gi ga!

Cimə 141:4

Sərə ɗa ma na kageze ghena kwa ndiremi, ya kamene wəsə kwa ndiremi zlaɓe le ka mene wəshi nyi ndiremi ndiremi ma. Yakɛ ɗa va ndɛame wəshi kezeme ta nci.

Yɛ Ghena Ŋela 23:3

Ntsəma na yitea wəshi kezeme ganjia ŋkɛ ma: wəsə kezeme nya kepəli nda hawe ke wəndə ŋkɛ.

Daniyɛl 1:5

Pa meghe gezete kezha ve nda wəshi kezeme ta ŋkɛ ba'a wəshi kesa ta ŋkɛ mbeli ke hɛ keveci keveci, kezha teke nda wəshi mbeli ke hɛ kava mahekene. Ma kwa sebe ta vəa shɛ ne, katedzembe slene ta ŋkɛ hɛ.

Daniyɛl 5:4

Ma kwa sebe ta nya sahwe wəshi hɛ ne, ntake hɛ katsahe yɛ shala mze kwa tere tere, mze kwa tɛawetɛa, mze kwa ghwə ghwə, lɛ, sheghwə ba'a pelɛ.

Slene 11:23

Ma kwa ntsehe ŋkɛ ne, pa ŋkɛ nakɛ slene ganyɛ nya menete Shala ba'a zlamate zlama. Pa ŋkɛ ntsəte nda berete ke hɛ pɛtɛ kanza dɛŋe dɛŋe te Nde sleke ŋkwa.

Slene 15:20

Ama geze nda mə ke hɛ kezha ɗema hɛ kazeme sli nyi dzeghekɛ nda melɛ mbeli le hɛ ke wəshi nyi zhɛrete mbeli kashala, kezha ya ghəa nci hɛ va mene vale tahe, kezha ɗema hɛ kazeme slia wəshi keseɗa nyi ɗema mbeli keslamte ghə te hɛ ba'a mimi.

1 Ka Korɛnte 7:37

Ma ketarete mempɛhweta fate fate kwa wənəa ŋkɛ kezha ɗema kawəme male, ma kenza ŋkɛ kapesle ŋkɛ tsefe ɗe ta ŋkɛ ba'a ketarete ŋkɛ kezha ɗema kaɓelahe le meghwatenyɛ ne, megela menete ŋkɛ.

2 Ka Korɛnte 9:7

Pa yayata wəndə vele wəsə kala nya zəzəte ŋkɛ, kaɗema le nehwene kwa ntsə keɗema kala wəsə berete. Kwa nza ŋkɛ wəndə nya kevele wəsə le zlama yaɗe Shala.

Zhɛne Ghwelə yitea Wəshi Mahalegə 32:38

Tema hɛ nyi kese nyi kazeme merege ta melɛa nci ba'a kasa tɛ nyi ɓasle hɛ gɛ wa? Sate hɛ te ŋkwa kezha kemane ŋayɛ, se hɛ kezha ya ŋayɛ gi ga!