Daniyɛl 1:19 - Ghena ta Shala

¹⁹ Pa meghe gezete ghena le hɛ. Ama hwa hɛ pɛtɛ ne, wəndə shɛ kesləyi ŋkɛ kala Daniyɛl, Hananiya, Mishayɛl ba'a Azariya we. Vatse dzembe slene ta ŋkɛ hɛ.

Daniyɛl 1:19 Iomraidhean Croise

Gha ta Wəshi 41:46

Va ta Zhozɛf mahekenemsə nda dzawa kema ta Farawon, meghea ka Ɛzhipte ŋkɛ. Pa Zhozɛf sərəakɛ Farawon kezha dzedzeghwa dzeyi mbe pɛtɛa hɛɗia Ɛzhipte.

1 Ka Meghea Kɛfi 17:1

Pa Ɛli, kwete nde meleme ta ka Tishebɛ te hɛɗia Gala'ad gezete nda ghena ke meghe Akab: «Laka Shala Mahwətə ta ka Israyɛl nya le ntsə, nya nza 'ya kamava ta ŋkɛ, wa nya 'ya nya kageze: ‹Ma mbe va nyi ketese ne, katenza mɛnɛ shɛ we, va shɛ kateme keɗema te ghena we.›»

Yɛ Ghena Ŋela 22:29

Nahe na kenakɛ wəndə nya kemene slene ta ŋkɛ megela na? Wərə ŋkɛ kadzawa kema ta meghe kenya nza ŋkɛ hwa mbeli nyi ɗema zləvə te hɛ.

Zhɛrɛmi 15:19

Wa nya ghena nya geze Mahwətə nya: «Ma kezhɛneke geva na kase sha 'ya ne, katekele ŋa 'ya kande mene slene ta ɗa zhɛkwa. Ma keghereŋe na kageze ghena ganji nyi keɗema kaghena ghweleme ne kande mɛ ŋkwa ta ɗa tenza na zhɛkwa. Ka Zhəwda ka tezhɛne geva kase sha gha, ama gha nde tezhɛne geva kalə sha hɛ we.

Daniyɛl 1:18

Ma kwa nakanyɛ və nya sləyi meghe Nabəkodonozor kezha ncɛ nda ka mempɛhwetɛti nyi tsehave nyi mbeli ne, pa wəndə nya te ghəa ka mene slene fəke nda hɛ.

Daniyɛl 1:4

ŋwale tezhili nyi ɗema beze te hɛ, nyi ndeɗe ndeɗe, nya kentsehwele ntsehwele, nyi keɗepe wəshi ba'a nyi nza zəzə va hɛ, yitea mene slene hɛ ki ghɛa meghe. Kateteke rafe wəshi ba'a ghena ta ka Babilone hɛ.

Daniyɛl 1:5

Pa meghe gezete kezha ve nda wəshi kezeme ta ŋkɛ ba'a wəshi kesa ta ŋkɛ mbeli ke hɛ keveci keveci, kezha teke nda wəshi mbeli ke hɛ kava mahekene. Ma kwa sebe ta vəa shɛ ne, katedzembe slene ta ŋkɛ hɛ.

Daniyɛl 1:6

Hwa mbeli nyi tsehave mbeli ne, ka Zhəwda ya shɛ: Daniyɛl, Hananiya, Mishayɛl ba'a Azariya.

Daniyɛl 1:7

Pa wəndə nya te ghəa ka mene slene hekate nda slə mɛnɛfɛ ke hɛ: Bɛltasar ŋa Daniyɛl, Shadrak ŋa Hananiya, Mɛshak ŋa Mishayɛl, Abɛd-Nɛgo ŋa Azariya.

Daniyɛl 2:13

Pa mbeli zlapete nda wəsə nya tarete meghe ke mbeli pɛtɛ. Tagha gɛ, katempə ka ntsehwele ntsehwele mbeli. Pa mbeli zeleke Daniyɛl ba'a ka mcɛhɛnyɛ kezha mpə hɛ.

Daniyɛl 3:29

Tsetsenya ne, wa nya ghena nya geze 'ya nya: Ma yayata wəndə nya mbe yayata hwelefe, yayata hɛɗi ba'a nya kegeze yayata ghena, nya ketegeze ghena ŋkele ntsə te Shala ta Shadrak, Mɛshak ba'a Abɛd-Nɛgo ne, katencɛhwe ŋkɛ mbeli ba'a katezhɛre ghɛa ŋkɛ kakəsə. Kwa nza ŋkɛ ne, kwete Shala shɛ kambelete ŋkwa kala nya we.»