Daniyɛl 1:17 - Ghena ta Shala

¹⁷ Pa Shala ndeke nda ɗepe wəshi ba'a zəzə ghena laka ghena ba'a ntsehwele ke ka mempɛhwetɛti nyi wəfaɗe nyi. Ɓiyitsa ne, wərə Daniyɛl kafave pɛtɛa wəshi nyi ketemene geva ba'a pɛtɛa shiwə.

Daniyɛl 1:17 Iomraidhean Croise

1 Ka Meghea Kɛfi 3:12

Vatse nza nde kala ghena ta ŋa temene 'ya: kave ŋa wənə nya le ntsehwele 'ya le ɗepe ghena, nya ɗema wəndə kekemave mpelɛa ma ke gha ghalanza, ba'a kwetere wəmbəa ŋa, kaɗema wəndə shɛ kanza kala gha.

1 Ka Meghea Kɛfi 3:28

Pɛtɛ ka Israyɛl kefate tsema tsema mehate ghwə nyagha meghe Salomon, ntake mbeli kahawe ve kwele kwele kwa nakɛ mbeli ntsehwele nya kese va Shala ya ve kezha meha ghwə.

2 Wəshi nyi Mene Ka Meghe 1:10

Ndeke ɗa ntsehwele le ɗepe neheve nza ta ghena nda nza 'ya kamenete nza te ghəa mbelia shɛhɛ. Ma keɗema tsagha ne, kanzate nza wəndə te ghəa mbelia ŋa nyi kwele kwele nyi we.»

2 Wəshi nyi Mene Ka Meghe 1:12

Vatse gɛ, katekemave ntsehwele na le ɗepe nehe ghena. Ɓiyitsa kateve ŋa mcɛlə nya wəba 'ya ba'a zləvə. Kakemave na kwele ma ke kweci ka meghe nyi kese te kema ta ŋa, le nyi te sebe ta ŋa.»

2 Wəshi nyi Mene Ka Meghe 26:5

Ma kwa nza Zakari nya kenza kafate ghena nyi ghweneke Shala mba teghweme ne, pa Oziyas ntsəte geva kezha ɗepete ɗe ta Shala Mahwətə, pa Shala shɛ kemanakɛ te kema te kema.

Palepa ta JOB 32:8

Kaganda ne, sefəa Shala, zhɛne mpi ta Nde berete nde ve nda ntsehwele ke wəndə.

Yɛ Ghena Ŋela 2:6

Kaganda ne, Mahwətə nde ve nda ntsehwele ke wəndə, ve se ɗepe wəshi ba'a ɗepe ghena.

Nde zlape ghena 2:26

Kaganda ne, kave nda ntsehwele, ɗepe wəsə ba'a zlama ŋkɛ ke wəndə nya zeɗehwe nda. Ama ma ke nde jaɗafa ne, kave nda tsene wəshi ba'a wəfərə hɛ Shala kezha fə nda hɛ ke wəndə nya zeɗehwe nda. Gəmə ba'a kese sefə ŋkɛ perə.

Ɛzayi 28:26

Shala ta ŋkɛ nde tekete nda wəsə nya hi ŋkɛ kamene, nahe ŋkɛ ketekete nda ŋkɛ.

Ɛzɛkiyɛl 28:3

Ɗepe ma wəshi na ke Daniyɛl newe ghəa ŋa na. Wərə na kafave zeweve ta wəshi meŋele zəzə na.

Daniyɛl 1:18

Ma kwa nakanyɛ və nya sləyi meghe Nabəkodonozor kezha ncɛ nda ka mempɛhwetɛti nyi tsehave nyi mbeli ne, pa wəndə nya te ghəa ka mene slene fəke nda hɛ.

Daniyɛl 1:20

Ma te pɛtɛa ghena nyi ke'yɛwe ntsehwele ba'a zəzə ghena nyi se meghe ka'yɛwe va hɛ ne, za ma sləyi hɛ ŋkɛ meŋe zhigə ke pɛtɛa ka mene ghɛ ba'a ka ŋa zlera nyi kese mbe pɛtɛa hɛɗia ŋkɛ.

Daniyɛl 1:4

ŋwale tezhili nyi ɗema beze te hɛ, nyi ndeɗe ndeɗe, nya kentsehwele ntsehwele, nyi keɗepe wəshi ba'a nyi nza zəzə va hɛ, yitea mene slene hɛ ki ghɛa meghe. Kateteke rafe wəshi ba'a ghena ta ka Babilone hɛ.

Daniyɛl 10:1

Ma mbe kwa mahekene ta va ta Sirəs, meghe nya mbe Pɛrse te meghe ne, pa ghena ta Shala ncɛte nda geva ke Daniyɛl nya heka mbeli kaBɛltasar. Nahe ghena shɛ kenza kakaganda ba'a kaghena nya dzawe. Pa Daniyɛl zəzəve ghena shɛ ba'a fave ghena nya mbe wəsə nya nakɛ ŋkɛ.

Daniyɛl 2:19

Tagha gɛ, pa shiwə nya tewəfərəa shɛ ncɛte nda geva ke Daniyɛl heviɗi. Kwa sebe ta ŋkɛ, pa Daniyɛl tsahekɛ Shala nya pelɛ ghweme.

Daniyɛl 2:21

Gheŋkɛ nde mbeɗe yɛ və ba'a wəshi nyi kemene geva. Gheŋkɛ nde fə ka meghe sawa te meghe ba'a nde ve ka meghe mbe meghe. Gheŋkɛ nde ve nda ntsehwele ke ka ntsehwele ntsehwele ba'a ɗepe wəsə ke ka ɗepe wəshi.

Daniyɛl 2:23

Ma gha, gha Shala ta ka shihɛ n'yɛ ne, katsa ŋa hana 'ya ba'a katsahe ŋa 'ya. Nahe na kendeke ɗa ntsehwele ba'a berete. Nahe na kencɛte ɗa wəsə nya 'yɛwete ghen'yɛ va gha, nahe na kefave n'yɛ wəsə nya keyirə meghe.»

Daniyɛl 2:30

Ma 'ya le ŋa ɗa ne, nahe ghena nya mbe shiwə nya tewəfərə ta ŋa kencɛte ɗa geva. Ndagwara kenza 'ya ntsehwele ma ke kwete wəndə we, ama kezha ncɛte ghena nya mbe shiwəa ŋa mbeli ba'a kezha ɗepete wəsə nya keyirə ŋa na.

Daniyɛl 4:6

Bɛltasar, wəndə nya te ghəa ka ntsehwele ntsehwele, nahe 'ya keɗepe sefəa yɛ shala ya mbe gha, wəsə nya tewəfərə shɛ kambele va gha we. Ncɛte ɗa ghena nya mbe wəsə nya nakɛ nya 'ya te shiwə gɛ!

Daniyɛl 5:14

Nahe 'ya kefate kageze mbeli sefəa yɛ shala ya mbe gha ba'a nahe mbeli kesləyi kelɛŋə, ɗepe wəsə ba'a ntsehwele nya dzawe mbe gha.

Daniyɛl 7:1

Ma mbe kwa ghate ta va ta Baltazar kameghe mbe Babilone ne, pa Daniyɛl shiwəte shiwə ba'a nakɛ wəshi mbe mehele ta ŋkɛ, vəa ŋkwa nya nza ŋkɛ meɓelahe te gezle ta ŋkɛ. Tagha gɛ, pa rafete shiwəa shɛ.

Daniyɛl 8:1

Ma mbe kwa mahekene ta va ta Baltazar te meghe ne, pa 'ya, 'ya Daniyɛl zhɛne kanakɛ kwete wəsə, kwa sebe ta nya ghate 'ya kanakɛ.

Ɓela 12:6

Ma ke sha hɛ: «Fa mə ghena nya geze 'ya megela: Ma kenza ŋkɛ nde mɛ ŋkwa ya hwa gheyɛ ne, 'ya Mahwətə katencɛ nda ghəa ɗa ba'a kategeze nda ghena laka kelɛŋə.

Ləwke 21:15

'Ya le ghəa ɗa nde teve ŋayɛ ghena kwa mɛa ŋayɛ ba'a ntsehwele mbe ghəa ŋayɛ. Katepesle kwete wəndəa ka jaga ta ŋayɛ yitea gheyɛ we.

Slene 6:10

Ama kaghereŋe hɛ kwa kema ta ŋkɛ we, kwa nza ŋkɛ le ntsehwele nya ndeke nda Sefəa Shala geze ghena ŋkɛ.

Slene 7:10

Pa ŋkɛ mbelakave ŋkɛ shave mbe pɛtɛa yaka nya kənə. Pa Shala wəpikɛ ŋkɛ, pa ŋkɛ ncɛte nda ntsehwele kwa kema ta Farawon, meghea ka Ɛzhipte. Pa Farawon veyi Zhozɛf kaŋgwamna te ka Ɛzhipte ba'a te ghəa ghɛa ŋkɛ.

Slene 7:22

Tsagha ne, pɛtɛ Moyize tekeve ntsehwelea ka Ɛzhipte. Kwele kwele berete ve yitea ghena kageze le yayata slene kamene.

Ka Kolose 1:9

Vatse ɗema ghen'yɛ kasərəakɛ səkwə Shala kezha gheyɛ, ghala fate ghena ta ŋayɛ ghen'yɛ. Ka'yɛwe ghen'yɛ va Shala kezha viɗikɛ ŋayɛ ŋkɛ le ɗepe ɗe ta ŋkɛ laka ntsehwele ba'a ɗepe wəsə nya ve nda Sefəa ŋkɛ ke mbeli.

Zhake 1:17

Ma yayata wəsə ganyɛ nya kemenete ɓəmə geva ba'a yayata wəsə gəmə nya nza zləvə te ne, sawa pelɛ ghweme hɛ, va Shala nya kepate wəshi nyi kewaŋe ŋkwa pelɛ ghweme. Kazhɛre pa Shala we, kagaŋkəɗə ŋkɛ we, ŋkwesle shɛ yite we.

Zhake 1:5

Ma keɗema ntsehwele shɛ va kwete wəndəa ŋayɛ ne, səkwə ŋkɛ va Shala kezha ve nda ŋkɛ, kwa nza ŋkɛ mbe ve nda Shala ke mbeli pɛtɛ, kaŋka wəndə ŋkɛ te we, le ganyɛ ve nda ŋkɛ ke mbeli.