Nahəwm 2:9 - Ghena ta Shala

⁹ Nahe Ninive kenza kala weta nya kendətsə. «Ghereŋe mə, ghereŋe mə», ke mbeli sha lewela ne, ama wəndə shɛ kazhɛre geva hwa mbeli nyi kehwɛ we.

Nahəwm 2:9 Iomraidhean Croise

2 Wəshi nyi Mene Ka Meghe 36:10

Ma hecimə ne, pa Nabəkodonozor keleghe kadzeme Babilone, le wəshi nyi nza zləvə te mbe ghɛa Mahwətə fəhwe ŋkɛ, pa ntave Sɛdɛsiyas, menənyɛa Zhowakin, kameghea hɛɗia Zhəwda le Zhɛrəzalɛm.

Ɛzayi 33:1

Ɗa ya te gha nya keza sebe te wəshi, ama kaɗema mbeli kezamte sebe te gha, gha nya kepa ŋkwa, ama kaɗema mbeli kepamte ŋa! Ma vəa ŋkwa nya tekiɗimte za sebe na te wəshi ne, kateza geva sebe te gha. Ma te və nya tenahemte pa ŋkwa na ne, katepamte geva na.

Ɛzayi 33:4

Tagha gɛ, katetsene wəshia ŋayɛ mbeli kala nya tsene dzale mbeli. Katedzeghəa wəshia shɛhɛ mbeli kala ləmbəa dzale.

Zhɛrɛmi 25:34

Gheyɛ ka ya wəshi, tsa mə kemagɛaŋwa, tsa mə lewela! Təŋwələŋwə mə geva dzate hwa hɛɗi, gheyɛ nyi nza wəshi kaŋa ŋayɛ. Kwa nza ŋkɛ nahe və kesla ghə te gheyɛ kese, kwetɛ kwetɛŋe tetaze yɛ, katebete yɛ te hɛɗi kala helape kwa dzeghala.

Zhɛrɛmi 46:5

Wa nya ghena nya geze Mahwətə nya: «Ama wa nde menete geva wa? Wa wəsə nya newe nya 'ya wa? Benake hɛ va ghazlənə, zhɛne hɛ dzeyi te sebe. Hərə ka katsala ka sewajɛa nci, yayata wəndə kambele ghəa ŋkɛ, kaɗema kazhɛre geva te sebe. Ghazlənə ya shɛ te yayata ŋkwa.

Zhɛrɛmi 51:56

Wəndə nya keteŋzla kahende nda geva, kateɗa Babilone ŋkɛ. Katefəhwe ka katsala nyi keɗepe mpa za ma ba'a katehwəshi yɛ rəgia nci ŋkɛ. Kwa nza ŋkɛ Mahwətə ya kaShala nya keɗepe wa dewa ba'a ve nda wəsə nya kehi ke yayata wəndə.

Ɛzɛkiyɛl 26:12

Katefə mcɛləa ŋa ba'a wəshi nyi pamte na hɛ. Kateŋzla zlia ŋa ba'a ghɛa ŋa nyi ganji ganji hɛ. Katefə yɛ pelɛa nci, yɛ sheghwəa nci ba'a kwetiɓəa wəshi nyi ketene yitea hɛ hɛ kezha bete kwa zeweve ta ndərə.

Daniyɛl 11:8

Katefə yɛ shala ta nci, pa ta shala ta nci nyi le mze, wəshi mze kwa tɛawetɛa ba'a kwa tere ta nci nyi nza zləvə te hɛ ŋkɛ kadzawa Ɛzhipte kawəshi nyi fəke mbeli hwa mpa. Ɓiyitsa ne, katenza ŋkɛ kava ɓɛhwɛ cakeɗake yitea meghe nya laka bela kwa gwela.

Nahəwm 3:17

Nahe ka ya ŋa kese kala yɛ dzale, ka mene slene ta ŋa kala ləmbəa zhamaya nyi kemenji hwa wəfe te vəa ntasle. Ɓelama ta veci ne, kazlənji hɛ kalə te ŋkwa nya ɗepema mbeli. Tema lənji hɛ wa?

Ghena Kelɛŋə 18:12

mze kwa tere tere, mze kwa tɛawetɛa, pelɛ nyi nza zləvə te hɛ, wəshi kepesa geva, lekwesa pawa nyi slɛahe slɛahe, zlave nyi ghemea ghemea ba'a nyi ghɛmɛa ghɛmɛa, shintia gərədə gamba, mama ta sheghwə ganji, mama ta wəshi nyi le slene ta cewe, le sheghwə nyi nza zləvə te hɛ, le mze kwa ghwə ghwə, le lɛ keɗema le kwacaregesla,

Ghena Kelɛŋə 18:16

ma ke hɛ: «Awema! Wa nya ndiremi te meleme nya wəba nya gɛ! Nahe nde kese bətə lekwesa pawa nyi slɛahe slɛahe, lekwesa zlave ganji nyi ghemea ghemea ba'a nyi ghɛmɛa ghɛmɛa, wəsə kepesa geva mze kwa tere tere, pelɛ nyi nza zləvə te hɛ ba'a wəshi kepesa geva nyi ganji ganji.