Nahəwm 1:2 - Ghena ta Shala

² Nahe Mahwətə kenza kaShala nya kezlɛ ba'a nya kewa ghena. Nahe Mahwətə kenza kande wa ghena, nahe hwepe wənəa ŋkɛ kenza dzawe. Kawa ghena Mahwətə te ka ghema ta ŋkɛ, kahwepe nda wənə ŋkɛ ke ka jaga ta ŋkɛ.

Nahəwm 1:2 Iomraidhean Croise

Palepa ta JOB 20:23

Ma mbe behe hwəa ŋkɛ ŋkɛ ne, katepele ghwə hwepe wənəa ŋkɛ Shala kənə. Kateme ŋkɛ kənə, kawəsə kezeme ta ŋkɛ tenza ŋkɛ.

Cimə 94:1

Shala nya kewa ghena, Mahwətə yawe, Shala nya kewa ghena, ncɛte ghəa ŋa gɛ!

Shave 20:5

Gwəɗəŋəma na kwa kema ta pa ta wəshia shɛhɛ ma, hawema na va hɛ ma. Kwa nza ŋkɛ ne, 'ya ya kaMahwətə Shala ta ŋa, Shala nya kezlɛ. Ma kebezemte ɗa ghena wəndə ne, kateme 'ya te wəndəa shɛ, te ŋwalea ŋkɛ, hwa'a te kwa maheke keɗema kwa wəfaɗe ta hwelefe.

Shave 34:14

Gwəɗəŋəma yɛ kwa kema ta kwete shala ma, kwa nza ŋkɛ ma 'ya Mahwətə ne, ‹Nde njiɗi ghena› sləa ɗa, 'ya kwetɛŋe ɗa nde ɗe kanza kaShala ta ŋayɛ.

Shave 34:7

Kamene nda ganyɛ 'ya ke mbeli pa te ka shihɛ slibə, kazereghe fete, fama ghena ba'a jaɗafa 'ya. Ama kave nde beze ghena 'ya kawəndə nya ɗema fete ve we, kameha ghwə 'ya te wəndə nya kemenete jaɗafa, te ŋwalea ŋkɛ ba'a te ka shihɛnyɛ pa te kwa maheke keɗema kwa wəfaɗe ta shi.»

Ɛzayi 42:13

Kateshave Mahwətə kala katsala sewajɛ, kahwepe ghə ŋkɛ kala nde mpa. Katsa kaka ŋkɛ le berete, kahərə ka ghema ta ŋkɛ ŋkɛ.

Ɛzayi 51:17

Feɗeghe gɛ Zhɛrəzalɛm! Feɗeghe ba'a sate meslete gɛ! Nahe Mahwətə kesahwe ŋa zlerekwe ta hwepe wənəa ŋkɛ, nahe na kesahwe ŋkɛ hwa'a te medeŋeshili ta ŋkɛ, nahe ŋkɛ keghwəyimte ŋa hwa'a te dɛwərə ta ghə.

Ɛzayi 51:20

Ɓeɓelayɛ ŋwalea ŋa hwa hɛɗi dzeyi mɛa pɛtɛa bela ta hweŋkwa. Kanza hɛ kedene dene tagha kala kwakweshala nya keseve dagalawe, tewəmbəreke hwepe ta wənəa Mahwətə, tewəmbəreke ɗa ta Shala ta ŋa.

Ɛzayi 66:15

Kwa nza ŋkɛ wa nya Mahwətə nya kase mbe ghwə, nahe yɛ wəmata kempa ta ŋkɛ kenza kala sefə nya wəba. Gheŋkɛ kase kezha ncɛ ghwə ta hwepe ta wənəa ŋkɛ ba'a kezha ve ɗa te mbeli le ghwə nya ketse.

Zhɛrɛmi 25:15

Wa nya ghena nya gezete ɗa Mahwətə, Shala ta ka Israyɛl nya: «Kelete zlerekwea tɛ nya nza nya hwepe wənəa ɗa pɛre te mɛa dzeve ta ɗa. Sahwe nda ke hwelefe nyi ghwene ŋa nya 'ya sha hɛ pɛtɛ.

Zhɛrɛmi 28:8

Ma ka mɛ ŋkwa nyi kemenehwe slene ta nci mpelɛa ke 'ya ba'a mpelɛa ke gha vəashi ne, nahe hɛ kese kageze nda ghena ta mpa, ndiremi ba'a ba ke hɛɗi kwele kwele ba'a ke hɛɗia meghe nyi jama jama.

Zhɛrɛmi 3:5

mba nza ŋkɛ le 'ya te wənə shanda na? Mba nza 'ya kande ghema ta ŋkɛ na?» Ama mba na mbe ntsə geva yitea beze ghena shɛ!

Zhɛrɛmi 36:7

Nda kwete katefa səkwə ta nci Mahwətə ba'a nda kwete katesərə dzeghwa kwa ndiremia ŋkɛ yayata wəndə, kwa nza ŋkɛ dzawe hwepenyɛ ba'a bezenyɛ wənəa Mahwətə va mbelia shɛhɛ.»

Zhɛrɛmi 4:4

Nza mə kaka sla sla mɓɛta, ndeke ɗa mə ghəa ŋayɛ, 'ya Mahwətə gheyɛ ka Zhəwda le ka Zhɛrəzalɛm! Ma kemenetema yɛ tsagha ne, kala ghwə tetse hwepe ta wənəa ɗa, kaɗema kwete wəndə kapeslekɛ ŋkɛ, va wəsə kwa ndiremi nya menete yɛ.»

Zhɛrɛmi 50:15

Tsa mə kaka kempa shave mbe yayata bela yite! Dzeve yaslete ŋkɛ kezha wa ghəa ŋkɛ. Ŋzla yaŋzla cɛa ŋkɛ nyi bebiya bebiya, ŋzla yaŋzla zli nya yite. Mahwətə nde vate ɗa te. Wate mə ghəa ŋayɛ te Babilone gɛ! Mene nda mə wəsə nya menete nda ŋkɛ ke kweci mbeli!

Yɛ Ŋgaɗe ghə 4:11

Nahe Mahwətə keterekete hwepe wənəa ŋkɛ, nahe ŋkɛ kebeteyi ghwə ta hwepe ta wənəa ŋkɛ. Ma mbe Siyon ne, nahe ŋkɛ kendəte ghwə nya keteremte yɛ shihəa ŋkɛ.

Ɛzɛkiyɛl 36:6

Vatse gɛ wəndə ŋelɛ, gezete nda ghena ta ɗa ke hɛɗia Israyɛl. Ma pa na sha yɛ ghweme, yɛ wəmbə, yɛ zlərə ba'a yɛ zlɛzlelɛŋwə: Wa nya ghena nya geze Shala Mahwətə nya: Mbe ghwə ta zlɛa ɗa ba'a hwepe ta wənəa ne, 'ya kageze ghena va nya pəliave ŋayɛ hawe kweci hwelefefi.

Ɛzɛkiyɛl 38:18

Ama te veci nya teha nda mpa na, gha Gog ke Israyɛl ne, kwele kwele tebeze wənəa ɗa. 'Ya Shala Mahwətə nde gezete.

Ɛzɛkiyɛl 38:19

Va ghwə ta hwepe wənəa ɗa ne, kazeme 'ya kafela: Ma te vecia shɛ ne, gaŋkəɗə ta hɛɗi nya wəba nde temene geva te hɛɗia Israyɛl.

Ɛzɛkiyɛl 39:25

Ma gɛ ne, wa nya ghena nya geze Shala Mahwətə nya: «Tsetsenya ne, 'ya katezhɛre nza ta Zhakob, 'ya katezhɛ heli yitea ka Israyɛl ba'a 'ya katencɛ zlɛa ɗa tewəmbəreke sləa ɗa nya keveyi geva tekeleke.

Ɛzɛkiyɛl 5:13

Katendɛkwe ghwə ta hwepe wənəa ɗa 'ya, katetereke beze ta wənəa ɗa 'ya te hɛ ba'a katewa dewa 'ya te hɛ. Ma tsagha, kaɗepete hɛ 'ya ya kaMahwətə nya kegezete nda ghena ke hɛ le wənə le wənə, vəa ŋkwa nya tendɛkwemte hwepe wənəa ɗa 'ya te hɛ.

Ɛzɛkiyɛl 6:12

Ma nyi cakeɗa ne, va ba tempə hɛ. Ma nyi dekwe ne, kwa mpa tempə hɛ. Ma nyi ketene yitea mpa ne, va ma tempə hɛ. Katendɛkwe hwepe wənəa ɗa 'ya te hɛ.

Ɛzɛkiyɛl 8:18

'Ya le ŋa ɗa perə ne, kateme 'ya kənəa hɛ le wənə le wənə. Katezhɛ heli ba'a katepele ntsə 'ya yitea hɛ we. Katetsa ɗa lewela hɛ, ama katefa nehwene ta nci 'ya we.»

Zhowɛl 2:18

Kwele kwele ɗe hɛɗia ŋkɛ Mahwətə, kazhɛ nda heli yitea mbelia ŋkɛ.

Ka Lɛvi 26:28

ma 'ya le ŋa ɗa mbe hwepe ta wənəa ɗa ne, katezhɛne ŋayɛ ghə 'ya. Kateve ɗa 'ya te gheyɛ mberefaŋe zhigə tewəmbəreke jaɗafa ta ŋayɛ.

Mishɛ 7:18

Kwete Shala shɛ kala gha na? Ma gha ne, kayaɓe beze ghena na, kakelemte jaɗafa ta mbelia ŋa nyi ketene teghweme na te wənə. Kanza hwepe wənəa ŋa ndimə ndimə we, ama kancɛ n'yɛ ganyɛa mehele ta ŋa na.

Zakari 1:14

Ma ke nde ghwene nya kegeze ɗa ghena nya sha 'ya: «Zlapete: ‹Wa nya ghena nya geze Mahwətə nde berete nya: Kwele kwele ɗe yɛ Zhɛrəzalɛm le ghweme ta Siyon 'ya.

Zakari 8:2

«Ma 'Ya Mahwətə nde berete ne, kwele kwele ɗe Zhɛrəzalɛm 'ya, kala ghwə tse ɗe ta ɗa kezha gheŋkɛ.

Ɓela 25:11

«Nahe nde dzeghe Shala Pinhas, wəzege ta Ɛlazar ba'a hwelefe ta Aron kezhɛremte hwepe ta wənəa ɗa seyi kənəa ka Israyɛl laka ncɛ nya ncɛte ghəa ŋkɛ ŋkɛ kande zlɛ te ŋkwa ɗa te tepe ta nci. Vatse ɗema 'ya kese kaza sebe te ka Israyɛl va wəba ta ɗe ta ɗa.

Ka Rome 12:19

Ka kesaka meyɛ ɗa nyi ɗe 'ya, wama dewa yɛ le ghəa ŋayɛ ma, ama sərəakɛ mə hwepe wənəa Shala kamene slene ta ŋkɛ, kwa nza ŋkɛ ma ke Mahwətə gezete: «'Ya nde tewa dewa, 'ya nde teŋki nda zhɛme ke yayata wəndə.»

Ka Rome 13:4

Kwa nza ŋkɛ slene ta Shala yamene ŋkɛ kezha mtsehe ŋa berete kamene wəsə ganyɛ. Ma kemenete wəsə kwa ndiremi na ne, ghazlənə va nde sleke hɛɗi. Kwa nza ŋkɛ gəmə nza berete ve kezha 'yɛ mbeli we. Slene ta Shala yamene nda ŋkɛ kwa nza ŋkɛ ka'yɛ mbeli nyi kemene wəsə kwa ndiremi ŋkɛ.

Zhɛne Ghwelə yitea Wəshi Mahalegə 4:24

Kwa nza ŋkɛ ne, ghwə nya ketere ŋkwa Shala Mahwətə ta ŋayɛ, Shala nya kezlɛ ŋkɛ.

Zhɛne Ghwelə yitea Wəshi Mahalegə 7:10

Ama kaŋa mbeli nyi keɗema ŋkɛ ne, kahe kahe ve nda zhɛme ta nci ŋkɛ ke hɛ. Kaza sebe ŋkɛ te hɛ.

Ka Ɛbrə 10:30

Kwa nza ŋkɛ nahe gheɓəmə keɗepe wəndə nya kegezete: «'Ya nde tewa dewa, 'ya teŋki nda zhɛme ke yayata wəndə.» Ma ke gezete zhɛkwa: «Mahwətə nde temeha ghwə ta mbelia ŋkɛ.»

Zhozəwɛ 24:19

Ma ke Zhozəwɛ sha mbeli pɛtɛ: «Katepesle yɛ yitea mene nda slene ke Mahwətə we, kwa nza ŋkɛ Shala nya keveyi geva tekeleke ŋkɛ, kaɗe ŋkɛ kanza deke kaShala ta ŋayɛ. Katezereghe beze ghena ta ŋayɛ ba'a yɛ jaɗafa ta ŋayɛ ŋkɛ we, katekelemte ŋayɛ ŋkɛ te wənə we.

2 Piyɛre 2:9

Tsagha ne, nahe Nde sleke ŋkwa keɗepe tsema tsema tembele mbelia ŋkɛ nyi dɛŋe dɛŋe te ŋkɛ ba'a tsema tsema tewəmbə ka mene wəsə kwa ndiremi ŋkɛ kezha ɗa hɛ te vecia meha ghwə.