Daniyɛl 7:9 - Ghena ta Shala

⁹ Ma mba 'ya mbe newe ŋkwa ne, pa yɛ pasla beteyi geva ba'a pa meha za ntishɛnyɛ. Nahe lekwesa ta ŋkɛ kenza tɛawe tɛawe kala kwacakelɛ, shintia ghəa ŋkɛ kala shintia təmə nya wɛŋe. Ghwə nde tse kwa pasla ta ŋkɛ, nahe wəshi nyi kala yɛ seɗa ta wəmata yite kenza kaghwə nya wəba.

Daniyɛl 7:9 Iomraidhean Croise

1 Ka Meghea Kɛfi 22:19

Ma ke Mishɛ zhɛkwa: «Fate ghena nya geze Mahwətə. Va nya nza ŋkɛ nahe 'ya kenakɛ Mahwətə mentishɛ pelɛ pasla meghea ŋkɛ le ka mene slene ta ŋkɛ nyi pelɛ ghweme meslete te kwa zeme ta ŋkɛ ba'a te kwa gwela ta ŋkɛ.

2 Wəshi nyi Mene Ka Meghe 18:18

Ma ke Mishɛ: «Fate mə ghena nya geze Mahwətə ɓetəkə. Kwa nza ŋkɛ ne, nahe 'ya kenakɛ Mahwətə mentishɛ pelɛ pasla ta meghea ŋkɛ, le pɛtɛa ka mene slene ta ŋkɛ nyi pelɛ ghweme meslete te kwa zeme ba'a te kwa gwela ta ŋkɛ.

Cimə 45:8

Wəsə nya tiɗiɗi yaɗe na, kaɗe wəshi nyi ndiremi na we. Vatse nda veyi ŋa Shala nya kaShala ta ŋa tekeleke laka sheke n'yia zlama kwa ghəa ŋa. Za ma ɗehwe ŋa ŋkɛ ke kweci mbelia ŋa.

Cimə 90:2

Ma tewə yɛ ghweme kepate geva ba'a hɛɗi lema kencake geva ne, gha ya kaShala se vəashi ba'a kaghala ghala.

Cimə 93:2

Nahe pasla ta ŋa keveyi geva dzəŋə dzəŋə se vəashi. Se vəashi ne, nahe na kenza shɛ.

Ɛzayi 6:1

Ma te va nya mtenyɛ meghe Oziyas ne, pa 'ya nakɛ Mahwətə mentishɛ pelɛ pasla nya biya tsape. Viɗi ŋkwa nya mbe ghɛa Shala va gəzəɓə ta lekwesa ta ŋkɛ.

Ɛzayi 9:6

Katembake meghea ŋkɛ ŋkɛ ba'a katekeseyi kwelɛŋe nya keɗema kakiɗi ŋkɛ. Katenza ŋkɛ pelɛ pasla ta meghe David ba'a katesleke hɛɗi meghea ŋkɛ ŋkɛ. Katehi ŋkɛ ba'a katezhɛre ŋkɛ bereteke laka hawe va wəsə nya kehi ba'a nya tiɗiɗi, se tsetsenya pa kaghala ghala. Nya ya kawəsə nya temene Mahwətə nde berete va wəba ta ɗe ta ŋkɛ.

Zhɛrɛmi 49:38

Pɛtɛ tezamte sebe te meghe ba'a mbeli nyi te ghə mbe Ɛlam kezha ve pasla ta ɗa mbe.» Nya ya kaghena nya geze Mahwətə.

Ɛzɛkiyɛl 1:26

Ma pelɛagha ne, kanewe kwete mbe wəsə kala pelɛ kwa lɛa lɛa ghweme nya nza pa ta ŋkɛ kala pasla ta meghe. Ma pelɛ ghəa wəsə nya kala pasla shɛ ne, kwete wəsə nya nza pa ta ŋkɛ kala wəndə ŋelɛ ya shɛ.

Daniyɛl 7:13

Ma mba 'ya kanewe wəshi nyi kencɛ ɗa geva nyi heviɗi ne, pa 'ya nakɛ kwete wəsə kala wəndə ŋelɛ kase mbe ləmbə nya te ghweme. Hwa'a ŋkɛ ntsehe sha meha za, pa mbeli hendeyi ŋkɛ kwa kema ta ŋkɛ.

Daniyɛl 7:22

Ama pa meha za shɛ hendeke geva ba'a ndeke nda nza tiɗiɗi ke mbelia Shala tehwə ghweme. Ma kwa se və ne, pa mbelia Shala kemave meghe.

Mishɛ 5:2

Katewəfə mbelia ŋkɛ Shala pa te və nya teya wəzege teza male. Ma mbeli nyi ketetene teghweme hwa mbeli nyi fəhwe mbeli ne, katese hɛ kajikə geva le kweci ka Israyɛl.

Habakək 1:12

Se vəashi ne, gha ya kaMahwətə, Shala ta ɗa na, Shala nya kaganda nya keɗema kamte. Mahwətə yawe, gha nde ntave ka Babilone kezha meha ghwə te ghen'yɛ. Ma gha nya kagela nya keya ɗa ne, nahe na kendeke nda hweŋkwa ke hɛ kaɗa n'yɛ.

Matiye 17:2

Pa Yɛsə zhɛrete pa tagha kwa ntsə ta nci, kaɓele ŋkwa nya kwa kema ta ŋkɛ kala veci, tɛawetɛa ma lekwesa ta ŋkɛ ke waŋe ta ŋkwa.

Matiye 28:3

Kaslesla pa ta ŋkɛ ba'a kala kwacakelɛ lekwesa ta ŋkɛ.

Mark 9:3

Tɛawetɛa ma lekwesa ta ŋkɛ ke kwacakelɛ, wəndə shɛ kamenete lekwesa tɛawe tɛawe kwake te hɛɗi kala gheŋkɛ we.

Slene 2:30

Kande mɛ ŋkwa ta Shala ŋkɛ, nahe ŋkɛ keɗepe, ma ke Shala gezete nda gheci gheci: Kateve kwete wəndə nya hwa hwelefe ta ŋa 'ya kezha ve ŋkɛ pelɛ pasla ta ŋa.

Slene 2:33

Pa Shala veyi zləvə te Yɛsə, kaveyi laka bela kwa zeme ta ŋkɛ. Nahe ŋkɛ kekemave Sefəa Shala kala nya meɗeyi nda Yita. Pa ghwenaghe kənəa ghen'yɛ, kala nya newe yɛ le nya fa yɛ.

Ka Filipe 3:9

kezha nza 'ya jikə le fate fate. Va nya fate nda ghena 'ya ke wəsə mahalegə nda nza 'ya tiɗiɗi we. Ama laka yɛ nya yɛte 'ya nda se 'ya kakemave zeɗe helia ŋkɛ, laka yɛa shɛ nza 'ya tiɗiɗi mbe Kriste, te zlaɓa ta hweŋkwa kenza tiɗiɗi nya ve nda Shala ke wəndə nya keyɛte Kriste.

1 Timotɛ 6:16

Gheŋkɛ kwetɛŋenyɛ nde ɗema kamte, nya te ŋkwa nya ghwɛaɗɛaɗɛa nya ɗema wəndə kahendave nda geva. Kegha wəndə kanakɛ ŋkɛ we, wəndə shɛ kapesle kanakɛ ŋkɛ we. Ŋa ŋkɛ zləvə ba'a berete kaghala ghala. Amɛn.

1 Zhaŋe 1:5

Wa nya ghena nya fate ghen'yɛ va Yɛsə Kriste ba'a nya zlape ŋayɛ ghen'yɛ nya: Shala ya kawaŋe, ŋkwesle shɛ ya ci'a mbe we.

Ghena Kelɛŋə 1:14

Nahe shintia ghəa ŋkɛ kenza tɛawe tɛawe kala shintia təmə keɗema kala kwacakelɛ. Kaslesla yɛ ntsə ta ŋkɛ kala ghɛnia ghwə.

Ghena Kelɛŋə 19:18

Nde mə kazeme geva ta ka meghea kɛfi, geva ta mbeli nyi te ghəa ka sewajɛ, geva ta ka sewajɛ, geva ta gədəwəa lɛmə, geva ta ka zleɗe hɛ, geva ta pɛtɛa mbeli, ka mamzashi keɗema ka mavashi, mbeli nyi ɓɛhwɛ ɓɛhwɛ keɗema nyi jama jama.

Ghena Kelɛŋə 20:4

Ma ɓiyitsa ne, pa 'ya nakɛ yɛ pasla. Pa mbeli nyi mentishɛ pelɛ hɛ kekemave berete kemeha ghwə. Pa 'ya nakɛ shenaŋkwe ta mbeli nyi slamte ghə mbeli te hɛ tewəmbəreke nza ta nci dɛŋe dɛŋe te kaganda nya ncɛte Yɛsə ba'a te ghena ta Shala. Kese hɛ kahawe va wəsə keseɗa, ya va pa ta ŋkɛ we. Kekelete lamba ta wəsə keseɗa hɛ mɛa kema ta nci, ya te dzeve ta nci we. Pa hɛ same kwa kwele le mpi ba'a nzanji kaka meghea kɛfi zlaɓe le Kriste kava slibə.

Ghena Kelɛŋə 4:2

Te ŋkwa shɛnyɛ ne, pa Sefəa Shala keseve ɗa. Pa 'ya nakɛ pasla pelɛ ghweme. Mentishɛ kwete wəndə pelɛ pasla shɛ.