Daniyɛl 7:1 - Ghena ta Shala

¹ Ma mbe kwa ghate ta va ta Baltazar kameghe mbe Babilone ne, pa Daniyɛl shiwəte shiwə ba'a nakɛ wəshi mbe mehele ta ŋkɛ, vəa ŋkwa nya nza ŋkɛ meɓelahe te gezle ta ŋkɛ. Tagha gɛ, pa rafete shiwəa shɛ.

Daniyɛl 7:1 Iomraidhean Croise

Gha ta Wəshi 15:1

Ma kwetere wəmbəa ŋkɛ, pa Mahwətə gezete nda ghena ke Abram te shiwə, ma ke: «Ghazlənəma na ma Abram ma, geləa ŋa 'ya, kwele kwele tenza zhɛme ta ŋa.»

Gha ta Wəshi 46:2

Ma ke Shala sha Israyɛl vəa ŋkwa nya nza ŋkɛ yitea hɛ heviɗi: «Zhakob! Zhakob!» -- «We», ke Zhakob zhɛnete.

Palepa ta JOB 4:13

Heviɗi menete geva ŋkɛ, te shiwə, vəa ŋkwa nya nza mbeli ca'a ca'a yitea hɛ.

Ɛzayi 30:8

Ma ke Shala sha Ɛzayi: «Kwiɗi tsetsenya, ma kwa kema ta nci ne, rafete wəshi nyi te pelɛ nya slapesla, rafete hɛ te palepa perə. Ma te kwete hɛ ne, katenza hɛ kawəsə kanegha fete nya kaghala ghala.»

Ɛzayi 8:1

Ma ke Mahwətə sha 'ya: «Kelete wəsə kwa slapesla nya bezle shɛ na rafate ‹Mahɛr-Shalal-Hash-Baz› jamake jamake te, geze ta ŋkɛ, ‹Fə wəshi kahe kahe hwa mpa, wədə geva kafə wəshia mbeli le berete.›»

Zhɛrɛmi 23:28

Ma nde mɛ ŋkwa nya keshiwəte shiwə ne, gezete shiwəa shɛ ŋkɛ! Ama nya kekemave ghena ta ɗa ne, gezete ghena shɛ ŋkɛ le hweŋkwa ta ŋkɛ!» Ma ke Mahwətə: «Wa wəsə nya keyipəte yɛ cɛkəvə le ha wa?

Zhɛrɛmi 27:7

Pɛtɛ tenza hwelefefi mbe dzeve ta ŋkɛ, kwa sebe ta ŋkɛ, mbe dzeve ta wəzege ta ŋkɛ ba'a mbe ŋa shinyɛ, pa te və nya tenza hɛɗia ŋkɛ mbe dzeve ta kweci hɛɗi nyi berete berete ba'a ka meghe nyi jama jama.»

Zhɛrɛmi 36:32

Pa Zhɛrɛmi kelete kwete palepa kwa peɗe peɗe kandeke nda ke nde rafe wəshi Barək, wəzege ta Nɛriya. Pa wəndə nyagha rafete ghena nyi gezete nda Zhɛrɛmi: pɛtɛa ghena nyi kese mbe palepa nya teremte Zhowakim, meghea ka Zhəwda. Kwele kwele kweci ghena nyi kala nyighɛ nyi kemtsehame geva mbe.

Zhɛrɛmi 36:4

Daŋe Zhɛrɛmi sha Barək, wəzege ta Nɛriya. Pɛtɛ gezete ghena nyi kemave ŋkɛ va Mahwətə, pa Barək rafeyi hɛ te palepa kwa peɗe peɗe.

Ɛzɛkiyɛl 1:1

Ma mbe va kwa mahekenemsə, mbe tere kwa wəfaɗe, te hɛ kwa mcɛfe, vəa ŋkwa nya nza 'ya te tepe ta mbeli nyi fəhwe mbeli kaka mavashi mɛa hələa Kɛbar ne, pa ŋkwa kedzeme ghweme ghwenemte geva, pa Shala ncɛte ɗa geva.

Ɛzɛkiyɛl 40:2

Ma newe 'ya ne, laŋe Shala te 'ya kajive hɛɗia Israyɛl. Pa ŋkɛ veyi ɗa kwa ghəa ghweme nya biya nya nza kweci ghɛ dzeɓakwe kala ghɛ nyi mbe meleme laka bela kwa zeme ta ŋkɛ.

Daniyɛl 1:17

Pa Shala ndeke nda ɗepe wəshi ba'a zəzə ghena laka ghena ba'a ntsehwele ke ka mempɛhwetɛti nyi wəfaɗe nyi. Ɓiyitsa ne, wərə Daniyɛl kafave pɛtɛa wəshi nyi ketemene geva ba'a pɛtɛa shiwə.

Daniyɛl 2:1

Ma mbe kwa bake ta va ta Nabəkodonozor mbe meghe ne, pa shiwəte shiwə. Pa mehele ta ŋkɛ tazenyɛ ba'a pa hɛ shaŋe kakele ŋkɛ.

Daniyɛl 2:26

Ma ke meghe 'yɛwete va Daniyɛl nya nza kwete sləa ŋkɛ kaBɛltasar: «Kaganda nza na kagezete shiwəa ɗa ba'a kancɛte ɗa ghena nya mbe na?»

Daniyɛl 4:13

Katembeɗemte geva wənə wəndə ŋelɛ ta ŋkɛ, kateve nda geva wənəa wəsə keseɗa. Katenza ŋkɛ tsagha kava mberefaŋe.

Daniyɛl 4:5

Ma kakwa keɗaŋe ne, pa Daniyɛl nya heka mbeli kaBɛltasar laka sləa shala ta ɗa ba'a nya nza sefəa yɛ shala mbe dzeki. Pa 'ya ɓelate nda shiwəa ɗa, ma 'ya shɛ:

Daniyɛl 5:1

Ma te kwete hɛ ne, pa meghe Baltazar takɛ nda gajamendə ke mbelia jama nyi yite slibə. Ntake ŋkɛ kasa tɛ kwa kema ta nci.

Daniyɛl 5:22

Ma gha Baltazar, wəzege ta ŋkɛ ne, kese na kashifə ghəa ŋa, ya gha ɗepete wəshia shɛhɛ megela we.

Daniyɛl 5:30

Ma mbe viɗia shɛ ne, pa mbeli peslekɛ Baltazar, meghe nya mbe Babilone.

Daniyɛl 7:13

Ma mba 'ya kanewe wəshi nyi kencɛ ɗa geva nyi heviɗi ne, pa 'ya nakɛ kwete wəsə kala wəndə ŋelɛ kase mbe ləmbə nya te ghweme. Hwa'a ŋkɛ ntsehe sha meha za, pa mbeli hendeyi ŋkɛ kwa kema ta ŋkɛ.

Daniyɛl 7:15

Ma 'ya, 'ya Daniyɛl ne, keyirə yirə se mehele ta ɗa tewəmbəreke wəsə nya nakɛ 'ya. Kwa nza ŋkɛ ne, nahe ŋkɛ kendeke ɗa ghazlənə.

Daniyɛl 7:7

Ma newe 'ya heviɗi zhɛne ne, pa 'ya nakɛ kwa wəfaɗe ta wəsə keseɗa nya ghazlənə mbeli ve, nya kedake ŋkwa ba'a nya bereteke. Nahe slene nyi kwa mɛa ŋkɛ kenza kalɛ, kazeme ba'a kaslekwe yayata wəsə nya sləyi ŋkɛ, kaŋkeɗe nya ketene ŋkɛ le seɗa. Nahe ŋkɛ kenza tekeleke le kweci wəshi keseɗa nyi mahekene, tereme meŋe ya kwa.

Daniyɛl 8:1

Ma mbe kwa mahekene ta va ta Baltazar te meghe ne, pa 'ya, 'ya Daniyɛl zhɛne kanakɛ kwete wəsə, kwa sebe ta nya ghate 'ya kanakɛ.

Amos 3:7

Tsagha shɛ ne, kamene wəsə Shala Mahwətə kaɗema ŋkɛ kencɛte nda zəzə ta ŋkɛ ke ka mene slene ta ŋkɛ nyi kaka mɛ ŋkwa we.

Habakək 2:2

Ma ke Mahwətə zhɛnete ɗa: «Rafete wəsə nya ncɛte ŋa 'ya, rafete ŋkɛ te pelɛ nyi slapesla slapesla kezha jaŋga ŋkɛ mbeli tiɗiɗi.

Ɓela 12:6

Ma ke sha hɛ: «Fa mə ghena nya geze 'ya megela: Ma kenza ŋkɛ nde mɛ ŋkwa ya hwa gheyɛ ne, 'ya Mahwətə katencɛ nda ghəa ɗa ba'a kategeze nda ghena laka kelɛŋə.

Ka Rome 15:4

Ma pɛtɛa wəshi nyi fa mə mbe Ghena ta Shala ne, nahe hɛ kerafete geva vəashi kezha ncɛ ɓəmə ntsehwele. Tsagha nde ne, berete ya va gheɓəmə laka ve ghə ta ɓəmə le berete nya mtsehe ɓəmə Ghena ta Shala yitea zereghe ghena, yitea jive mbe kema.

2 Ka Korɛnte 12:1

Nda 'ya kamene fege ya kwela ɗema ŋkɛ ndeɗekə. Ghena ta wəshi nyi nakɛ 'ya ba'a nyi gezete ɗa Nde sleke ŋkwa laka kelɛŋə yategeze 'ya.

Ghena Kelɛŋə 1:19

Rafe wəsə nya newe nya na, wəsə nya kemene geva nya tsetsenya ba'a nya ketese kwa sebe.

Ghena Kelɛŋə 10:4

Ma kwa gezemte ghena berazlɛ ta va nyi ne, nahe 'ya kehite geva kezha rafe hɛ. Ma vəa ŋkwa shɛ ne, ma ke kwete ghena gezete ɗa geva sawa pelɛ ghweme: «Wəfərəakɛ ghena nya gezete berazlɛ ta va nyi mberefaŋe nyi, rafema ghena shɛ na ma.»