Daniyɛl 4:8 - Ghena ta Shala

⁸ Pa wəfea shɛ zhɛrenyɛ wəbake ba'a bereteke. Kakwaɗe ghweme ghəa ŋkɛ, kanewe ŋkɛ mbeli hwa'a te mendɛkwe ta hɛɗi.

Daniyɛl 4:8 Iomraidhean Croise

Gha ta Wəshi 41:38

Ma ke Farawon sha hɛ: «Wəndə nya ne, Sefəa Shala ya viɗi mbe. Katenakɛ kwete gheɓəmə wəndə za ma ke gheŋkɛ na?»

Ɛzayi 46:1

Nahe shala Bɛl kenza meyiŋwə, nahe shala Nɛbo kenza mevereŋwe. Nahe yɛ pa ta nci kebeteyi geva pelɛ wəshi keseɗa. Nahe wəshi nyi se nyi gheyɛ kakafe yitea ghweme kenza kawəshi nyi ɗaŋeɗa ɗaŋeɗa sha wəshi keseɗa kefə wəshi nyi kedene dene.

Ɛzayi 63:11

Tagha gɛ, ma ke mbelia ŋkɛ zəzəte hɛ nyi vəashi, hɛ nyi te vəa Moyize: «Tema nde fəakame hɛ same kwa ndərə zlaɓe le ka ya wəshi keseɗa ta ŋkɛ gɛ wa? Tema Nde vame sefəa ŋkɛ nya keveyi geva tekeleke mbe hɛ gɛ wa?

Zhɛrɛmi 50:2

«Zlape nda mə ghena nya ke kweci hɛɗi, ncɛ mə laka wəshi kencɛ wəshi, zlape mə kaɗema wəfərə kwete hwe. Ma pe yɛ: Nahe Babilone kekelehwe geva! Hawe ya te wəshi nyi zhɛrete ŋkɛ kashala, kwetɛ kwetɛŋe mehele ta yɛ shala tseŋwəa ŋkɛ. Shewə Bɛl va hawe, kwetɛ kwetɛŋe mehele ta Mardəwk.

Ɛzɛkiyɛl 17:23

Pelɛ ghəa ghweme ta ka Israyɛl nya biya temɓe ŋkɛ 'ya. Kateha yɛ dzeve ŋkɛ, kateya ŋkɛ ba'a katezhɛre ŋkɛ kasɛdre ganyɛ. Katese mama ta 'yɛ kapa ghɛ dzeyi te dzeve ta ŋkɛ ba'a kanza mbe shenaŋkwe ta ŋkɛ.

Daniyɛl 1:7

Pa wəndə nya te ghəa ka mene slene hekate nda slə mɛnɛfɛ ke hɛ: Bɛltasar ŋa Daniyɛl, Shadrak ŋa Hananiya, Mɛshak ŋa Mishayɛl, Abɛd-Nɛgo ŋa Azariya.

Daniyɛl 2:11

Nahe wəsə nya 'yɛwe nya meghe kenza dzawe, wəndə shɛ kagezete nda ŋkɛ ke meghe we, nda yɛ shala. Ama kenza hɛ hwa mbeli we.»

Daniyɛl 2:26

Ma ke meghe 'yɛwete va Daniyɛl nya nza kwete sləa ŋkɛ kaBɛltasar: «Kaganda nza na kagezete shiwəa ɗa ba'a kancɛte ɗa ghena nya mbe na?»

Daniyɛl 3:14

Ma ke meghe 'yɛwete va hɛ: «Shadrak, Mɛshak ba'a Abɛd-Nɛgo, kaganda ɗema yɛ mene nda slene ke yɛ shala ta ɗa ba'a ɗema yɛ hawe va pa ta wəndə nya le mze kwa tere tere nya sleteyi nya 'ya na?

Daniyɛl 4:18

Sleke nyi ndeɗe ndeɗe ba'a ya kwele kwele ya te wəfea shɛ. Kaŋ'we wəsə kezeme pɛtɛa wəshi nyi nza mpi hwe te. Kanza wəshi keseɗa nyi hwa gamba yitea shenaŋkwe ta ŋkɛ, kapa ghɛa nci yɛ 'yɛ dzeyi te yɛ dzeve ta ŋkɛ.

Daniyɛl 4:9

Nahe yɛ slekea ŋkɛ kenza kendeɗe ndeɗenji ba'a nahe yɛ ya kenza kwele kwele te. Kaŋ'we wəsə kezeme pɛtɛa wəshi nyi nza mpi hwe te. Kanza wəshi keseɗa nyi hwa gamba yitea shenaŋkwe ta ŋkɛ, kapa ghɛa nci yɛ 'yɛ dzeyi te yɛ dzeve ta ŋkɛ. Nahe ŋkɛ kenza kawəsə kezeme ta yayata wəsə nya nza mpi hwe.

Daniyɛl 5:14

Nahe 'ya kefate kageze mbeli sefəa yɛ shala ya mbe gha ba'a nahe mbeli kesləyi kelɛŋə, ɗepe wəsə ba'a ntsehwele nya dzawe mbe gha.