Daniyɛl 3:4 - Ghena ta Shala

⁴ Ma ke wəndə nya te ghəa gəsəkə zlapete ghena: «Gheyɛ pɛtɛa hwelefefi nyi kese te pɛtɛa hɛɗi ba'a nyi kegeze pɛtɛa ghena, fa mə ghena nya:

Daniyɛl 3:4 Iomraidhean Croise

Ɛstɛr 8:9

Te vecia shɛnyɛ, te hɛ kwa bakemsə mahekeneghəmbe ta tere kwa maheke nya nza sləa ŋkɛ kaSivan hekake ka rafe wəshia meghe mbeli. Pa hɛ rafete pɛtɛa wəshi nyi gezete nda Mardoshɛ ke hɛ te nza ta ka Zhəwif, pa hɛ ghweneghe nda ke ka Zhəwif, ke ka ŋgwamna ba'a ke ka mene slene nyi jama jama nyi te yɛ sla ta hɛɗi nyi gwəmsə ba'a bakemsə mberefaŋeghəmbe, se vare Ɛnde hwa'a pelɛ Ɛtiyopi. Nahe palepa shɛhɛ kerafete geva le rafe wəsə ta yayata sla ta hɛɗi ba'a le ghena ta yayata hwelefe, tsagha ke ka Zhəwif le rafe wəsə ta nci ba'a le ghena ta nci.

Ɛzayi 40:9

Gha gɛ Siyon, dzeme ghweme nya biya, gha gɛ Zhɛrəzalɛm, zlape le pɛtɛa berete ta ŋa. Ma gha nya kekele ghena mɛnɛfɛ nya ganyɛ kase ne, mbake ŋwələ, ghazlənəma na ma. Ma pa na sha meleme nyi mbe Zhəwda: «Wa nya Shala ta ŋayɛ nya.

Ɛzayi 58:1

Ma ke Shala gezete: «Tsa lewela le berete, fɛama ghəa ŋa na ma, gakate ŋwələa ŋa kala vɛ ta tereme. Geze nda yɛ fama ghena ta nci ke mbelia ɗa, yɛ jaɗafa ta nci ke mbelia Zhakob.

Daniyɛl 3:10

Meghe yawe, ma pa na gezete, gha ghəa ŋa: ‹Yayata wəndə kategwəɗəŋə ba'a katehawe va pa ta wəndə nya le mze kwa tere tere kefate gaka ta tereme, shela, getsepele, gagera, ŋgwəleŋə, ghɛaɗɛa ghɛaɗɛa ba'a mama ta wəshi ketsa.

Daniyɛl 3:3

Tagha gɛ, pa pɛtɛa ka mene slene nyi jama jama shɛhɛ tsenete geva ba'a ghereŋenji kwa kema ta pa ta wəndəa shɛ kezha gəsəkə.

Daniyɛl 3:7

Tsagha gɛ, ma fatema ta pɛtɛa hwelefefi nyi kese te pɛtɛa hɛɗi ba'a nyi kegeze pɛtɛa ghena ke gaka ta tereme, shela, getsepele, gagera, ŋgwəleŋə, ghɛaɗɛa ghɛaɗɛa ba'a mama ta wəshi ketsa ne, kagwəɗəŋə hɛ ba'a kahawe hɛ va pa ta wəndə nya le mze kwa tere tere nya sleteyi meghe Nabəkodonozor.

Daniyɛl 4:1

Ma 'ya, 'ya Nabəkodonozor ne, nahe 'ya kese mbe zeɗe nza ba'a kwelɛŋe ki ghɛ meghea ɗa.

Daniyɛl 4:14

Nahe wəsəa shɛ kenza kawəsə nya ɗe ka ghwene ta Shala, kazəzə nya kese va ka ya hɛɗi lema, yitea ɗepete pɛtɛa wəshi nyi nza mpi hwe Shala tehwə ghweme ya kande sleke mbeli pɛtɛ. Kave nda meghe ŋkɛ ke wəndə nya ɗe ŋkɛ ba'a wərə ŋkɛ kandeke nda ŋkɛ ke wəndə nya gwedə ma.›

Daniyɛl 6:25

Pa meghe gezete kezha fə mbeli nyi kese kave nda fete ke Daniyɛl mbeli kase. Pa mbeli nenegheyi hɛ kwa kia yɛ nivɛrə, ghenci, mia nci ba'a ŋwalea nci. Pa yɛ nivɛrə slekwehwe hɛ ba'a ncɛhwemte geva ta nci tewə hɛ kedzawa kadzete hɛɗi.

Palepa ta Ozɛ 5:11

Yaka yasa Ɛfrayim, nahe mbeli keŋkeɗate seɗa te kaganda ta ŋkɛ, va nya ɗehwe hwɛ ŋkɛ kwa sebe ta sefə.

Mishɛ 6:16

Dzeghwa kwa ndiremia meghe Omri, ŋa wəzege ta ŋkɛ Akab ba'a ŋa mbeli nyi ki ghɛa ŋkɛ yateke yɛ. Dzeghwa ta nci yazele yɛ. Vatse teŋzla meleme ta ŋayɛ 'ya, ma tsagha, kateŋ'wəshi ŋayɛ kweci mbeli. Shewə tenza yɛ va hawe nya te mbelia ɗa.»

Ghena Kelɛŋə 5:9

Ma ke hɛ sha gha cimə mɛnɛfɛ: «Nahe na kehi kakele palepa ba'a kampə lamba nyi te. Kwa nza ŋkɛ nahe mbeli kedzeghekɛ melɛ le gha. Laka mimia ŋa ne, nahe na kembeɗeke nda mbeli shave mbe yayata yita, yayata ghena, yayata hwelefe ba'a yayata hɛɗi ke Shala.