Daniyɛl 3:1 - Ghena ta Shala

¹ Pa meghe Nabəkodonozor vɛsəte pa ta wəndə le mze kwa tere tere: mɛtre mahekenemsə dzeme ta ŋkɛ yitea ghweme ba'a mɛtre mahekene bezlea ŋkɛ. Pa ŋkɛ sleteyi ŋkɛ te ŋwela ta Dəwra, mbe sla ta hɛɗia Babilone.

Daniyɛl 3:1 Iomraidhean Croise

1 Ka Meghea Kɛfi 12:28

Ma kwa keleke kwete zəzə meghe Zhɛrobowam, pa vɛsəte leve bake le mze kwa tere tere, ma ke sha mbeli: «Kewəba dzeme Zhɛrəzalɛm gheyɛ keveci keveci. Newakɛ mə ka Israyɛl, wa nyi shala ta ŋayɛ nyi fəakave ŋayɛ shave mbe Ɛzhipte.»

Ɛstɛr 1:1

Wa nya wəsə nya kemenete geva nya te vəa Sɛrsɛs. Gheŋkɛ ya kameghe te sla ta hɛɗi gwəmsə ba'a bakemsə mberefaŋeghəmbe, slə mbe Ɛnde hwa'a te hɛɗia Ɛtiyopi.

Cimə 135:15

Nahe yɛ shala ta kweci hwelefefi kenza kamze kwa tɛawetɛa ba'a kamze kwa tere tere. Le dzeve vɛsəte hɛ mbeli.

Shave 20:23

Mene nda ma kweci shala yɛ ke ghəa ŋayɛ le mze kwa tɛawetɛa keɗema le mze kwa tere tere, kezha hawe va hɛ mba 'ya ma.

Shave 32:31

Pa Moyize zhɛnete geva kadzeme sha Mahwətə, ma ke shɛ: «Təhwə tehwə ŋa 'ya, ma mbeli nyi ne, fete nya wəba yamenete hɛ, nahe hɛ kevɛsəte nda shala ke ghəa nci le mze kwa tere tere.

Ɛzayi 2:20

Ma te vecia shɛ ne, katebete nda wəshi nyi le mze kwa tɛawetɛa ba'a nyi le mze kwa tere tere nyi zhɛrete hɛ kashala, nyi menete hɛ kezha gwəɗəŋə kwa kema ta nci mbeli ke yɛ kwə ba'a ke yɛ mezlekwe zlekwe.

Ɛzayi 30:22

Kawəshi nyi wale wale tenewe shala nyi vɛsəaghe mze kwa tɛawetɛa yɛ kənəa hɛ ba'a sheghwə nyi fiaghe mze kwa tere tere yɛ kənəa hɛ yɛ. Katebete yɛ kala wəshi reɗa, ma pe yɛ sha tegeze nda ke hɛ: «Jive mə pelɛ!»

Ɛzayi 46:6

Kwele kwele fə mze kwa tere tere kweci mbeli same kwa slibəa nci. Kadzeghe mze kwa tɛawetɛa hɛ te kiləwə. Kaheka nde vɛsə mze hɛ kezha vɛsə nda shala ke hɛ. Kwa sebe ta ŋkɛ, kagwəɗəŋə hɛ kwa kema ta shala shɛ kezha hawe ve.

Zhɛrɛmi 10:9

Ma shala shɛhɛ ne, mze kwa tɛawetɛa nyi vɛsəte hɛ, nyi fəke mbeli se mbe Tarsis keɗema mze kwa tere tere nyi fəke mbeli mbe Əwfaz. Yɛ nde feɗe wəshi le nde vɛsə mze ka menete hɛ, pa mbeli seɗete nda lekwesa kwa ghɛmɛ keɗema kwa ndereme ndereme ke hɛ. Pɛtɛa wəshi nyi zhɛrete nyi mbeli kashala ne, deke slene ta ka caŋa caŋa hɛ.

Zhɛrɛmi 16:20

Wərə wəndə ŋelɛ nya keɗema kashala kamenete nda yɛ shala ke ghəa ŋka na?»

Daniyɛl 2:48

Zhɛne ne, pa meghe veyi Daniyɛl kawəndə kwele ba'a fəke nda wəshi gəmə nyi ganji ganji kwele kwele. Pa ŋkɛ veyi ŋkɛ kaŋgwamna nya mbe sla ta hɛɗia Babilone ba'a kawəndə nya te ghəa ka ntsehwele ntsehwele nyi mbe Babilone.

Daniyɛl 2:49

Pa Daniyɛl 'yɛwete va meghe kezha ve nda slene nya mbe sla ta hɛɗia Babilone ŋkɛ ke Shadrak, Mɛshak ba'a Abɛd-Nɛgo. Ma Daniyɛl le ŋa ŋkɛ ne, nahe ŋkɛ kenza kande ncɛ ntsehwele kwa degha ta meghe.

Daniyɛl 3:14

Ma ke meghe 'yɛwete va hɛ: «Shadrak, Mɛshak ba'a Abɛd-Nɛgo, kaganda ɗema yɛ mene nda slene ke yɛ shala ta ɗa ba'a ɗema yɛ hawe va pa ta wəndə nya le mze kwa tere tere nya sleteyi nya 'ya na?

Daniyɛl 3:30

Kwa sebe ta ŋkɛ ne, pa meghe ndeke nda slene ganji ke Shadrak, Mɛshak ba'a Abɛd-Nɛgo mbe sla ta hɛɗia Babilone.

Daniyɛl 5:23

Nahe na kese kavereslə le Shala nya pelɛ ghweme, te və nya fəke wəshi kesa wəshi nyi kese mbe ghɛa Shala na. Nahe yɛ kese kasa tɛ kwa hɛ, gha, mbelia jama yitea gha, ka meghwateshia ŋa ba'a kweci mia ŋa. Nahe na ketsahekɛ yɛ shala mze kwa tɛawetɛa, mze kwa tere tere, mze kwa ghwə ghwə, lɛ, sheghwə ba'a pelɛ, shala nyi keɗema kanakɛ ŋkwa, kafa ghena keɗema nyi keɗepema wəshi. Nahe na kesema kave zləvə te Shala nya nza mpia ŋa ba'a pɛtɛa dzeghwa ta ŋa mbe dzeve ta ŋkɛ.

Daniyɛl 5:4

Ma kwa sebe ta nya sahwe wəshi hɛ ne, ntake hɛ katsahe yɛ shala mze kwa tere tere, mze kwa tɛawetɛa, mze kwa ghwə ghwə, lɛ, sheghwə ba'a pelɛ.

Palepa ta Ozɛ 2:8

Ma 'ya, 'ya Shala gɛ ne, katentsa nda hweŋkwa 'ya le hwele, katedzasle ŋkɛ 'ya kwa zli kezha zhɛnema nde kasləyi hweŋkwa ta nta.

Palepa ta Ozɛ 8:4

Pa hɛ ntentave ka meghea kɛfi, kaɗema kese ka'yɛwe va 'ya. Pa hɛ veveyi mbeli nyi te ghə kaɗema kese kageze ɗa. Pa hɛ fəte mze kwa tɛawetɛa ba'a mze kwa tere tere ta nci kezha vɛsə wəshi nyi zhɛrete mbeli kashala, yitea zamte geva sebe te hɛ.

Habakək 2:19

Ndiremi ya te gheyɛ nyi kegeze: Sate ŋa, pe yɛ sha mesla ta sheghwə keɗema: Feɗeghe ŋa, pe yɛ sha pelɛ nya keɗema kageze ghena, ndagwara wəsə shɛ katekete ŋayɛ hɛ we. Ya ghenci nza kefi fi le mze kwa tere tere le mze kwa tɛawetɛa ne, mpi shɛ mbe hɛ we.

Slene 17:29

Ma kwa nza ŋkɛ hwelefe ta ŋkɛ gheɓəmə ne, kehi kazəzə gheɓəmə nahe Shala kenza kala wəsə nya menete mbeli le mze kwa tere tere, mze kwa tɛawetɛa keɗema pelɛ, wəshi nyi zəzəte keɗema nyi ncake mbeli we. Mbeli ka menete hɛ va nya ɗepema Shala hɛ.

Slene 19:26

Ama nahe Pol kegezete tsema tsema nza shala nyi vɛsəte mbeli kaɗema kashala. Nahe ŋkɛ kekesehwe mehele ta mbeli kwele kwele, kenza deke teke mbe Ɛfɛze we, ama mbe pɛtɛa sla ta hɛɗia Azi.

Zhɛne Ghwelə yitea Wəshi Mahalegə 7:25

Katetere wəshi nyi zhɛrete hɛ kashala yɛ. Mawema mze kwa tɛawetɛa keɗema mze kwa tere tere nyi fiyi mbeli kənəa hɛ yɛ ma, fəma wəshia shɛhɛ yɛ kaŋa ŋayɛ, yagha hɛ tezhɛre kakeleŋa yitea gheyɛ ma. Kwa nza ŋkɛ ne, wəsə nya ndiremi kashasha ŋkɛ kaŋa Shala Mahwətə ta ŋayɛ.

Ghena Kelɛŋə 9:20

Ma mbeli nyi ketene kaɗema kempə va ndiremia shɛhɛ ne, kese hɛ kazhɛre nda wəmbə ke wəshi nyi zhɛrete mbeli kashala nyi menete hɛ le dzeve ta nci we. Kefɛa hɛ yitea hawe va yɛ 'yi'yɛghwə, shala nyi menete mbeli yitea mze kwa tere tere, mze kwa tɛawetɛa, mze kwa ghwə ghwə, pelɛ ba'a sheghwə, wəshi nyi keɗema kanewe ŋkwa, kafa ghena ba'a kadzeghwa we.