Daniyɛl 2:9 - Ghena ta Shala

⁹ Ama keɗema yɛ kencɛte ɗa shiwəa ɗa ne, ɗa nya kwetɛŋe nde tenza te gheyɛ. Nahe yɛ ketsahwe kezha sla ɗa tseŋwə ba'a kezha ghwete, nda zamte geva və. Yawa, gezete ɗa mə shiwəa ɗa gɛ! Ma tsagha, kateɗepete 'ya wərə yɛ kancɛte ɗa ghena nya mbe.»

Daniyɛl 2:9 Iomraidhean Croise

1 Ka Meghea Kɛfi 22:22

Ma ke shɛ: Katelə 'ya ba'a katezhɛre ghəa ɗa 'ya kasefəa tseŋwə kwa mɛa ka mɛ ŋkwa ta meghe kezha geze nda ghena tseŋwə hɛ pɛtɛ. Ma ke Mahwətə shɛ: Wərə na kaghwetete ŋkɛ fate fate, hweŋkwa ya va gha, kwiɗi menete kala nyagha!

1 Ka Meghea Kɛfi 22:6

Pa meghea ka Israyɛl tsenete ka mɛ ŋkwa nyi gare gwəmsə wəfaɗe, ma ke 'yɛwete va hɛ: «Wərə 'ya kadzawa kampa kwa Ramot nya mbe Gala'ad tse na, na sərəakɛ 'ya na?» Ma ke ka mɛ ŋkwa zhɛnete: «Kwiɗi, kateve ŋa melemea shɛ Shala kadzembe dzeve ta meghe.»

Ɛstɛr 4:11

«Nahe ka mene slene ta meghe pɛtɛ le mbeli nyi mbe sla ta hɛɗia meghe keɗepe, ma yayata wəndə nya kedzeki te zlave ta ghɛ meghe, za keɗema male kaɗema meghe kehekakɛ ŋkɛ ne, nda mbeli kapeslekɛ kala nya kegezete geva. Ma nda nza wəndə kanza pələsə ne, nda meghe kahave nda geta meghea ŋkɛ kwa mze kwa tere tere ke wəndəa shɛ. Hɛ mahekenemsə ɓeshi kanakama mbeli kahekakɛ ɗa kalə sha meghe.»

Yɛ Ghena Ŋela 12:19

Ma wəndə nya kegeze kaganda ne, kaghala ghala nza ŋkɛ. Ama wəndə nya kesla tseŋwə ne, kavə ɓɛhwɛ temə ŋkɛ.

Ɛzayi 41:23

Geze n'yɛ mə wəshi nyi ketemene geva. Tagha gɛ, kateɗepe ŋayɛ n'yɛ kashala. Menete mə wəsə nya ganyɛ keɗema nya ndiremi kezha pele geva ntsə ta n'yɛ ba'a kezha newe wəsəa shɛ n'yɛ kanya kwetɛŋe.

Ɛzayi 44:25

'Ya katezhɛre ghena ta ka kelɛŋə kawəsə gəmə, 'ya katetazemte nda mehele ke mbeli nyi kencɛ wəsə nya ketemene geva, katezhɛne ka ntsehwele ntsehwele 'ya dzeyi te sebe ba'a katencɛ ɗepe mene wəsəa nci ka gezhia kɛfi.

Ɛzɛkiyɛl 13:17

«Wəndə ŋelɛ, zhɛrete kema laka mia ka Israyɛl nyi kegeze ghena nyi keshave mbe ghə ta nci shɛ na gezete nda ghena ta ɗa ke hɛ.

Ɛzɛkiyɛl 13:19

Nahe yɛ kekelemte zləvə te 'ya kwa kema ta mbelia ɗa kezha kemave megi demake mbe dzeve ba'a kwetiɓəa ɗafa. Nda mpə yampə mbeli nyi kehitema geva kampə yɛ, ama pa yɛ sərəakɛ nyi gare mpə teghweme. Tsagha ne, mbelia ɗa nyi keyɛ ghena ta ŋayɛ yaghwete yɛ.

Ɛzɛkiyɛl 13:6

Wəshi tseŋwə ba'a ghena ghwete ŋkwa ya va hɛ. ‹Wa nya ghena nya geze Mahwətə nya› ke hɛ sha geze kaɗema 'ya Mahwətə keghwenakɛ hɛ. Ma zəzə hɛ ne, kateve ghə 'ya te ghena ta nci.

Daniyɛl 2:16

Taghanyɛ ne, cape Daniyɛl kalə sha meghe kezha səkwə ŋkɛ kave nda və ɓɛhwɛ, yitea gezete nda ghena nya mbe shiwəa ŋkɛ ŋkɛ.

Daniyɛl 2:21

Gheŋkɛ nde mbeɗe yɛ və ba'a wəshi nyi kemene geva. Gheŋkɛ nde fə ka meghe sawa te meghe ba'a nde ve ka meghe mbe meghe. Gheŋkɛ nde ve nda ntsehwele ke ka ntsehwele ntsehwele ba'a ɗepe wəsə ke ka ɗepe wəshi.

Daniyɛl 2:8

Ma ke meghe zhɛnete: «Kaganda ne, nahe 'ya keɗepe və yaza yɛ, va nya nakɛ wəsə nya tarete 'ya yɛ.

Daniyɛl 3:15

Katezhɛne yɛ kafa gaka ta tereme, shela, getsepele, gagera, ŋgwəleŋə, ghɛaɗɛa ghɛaɗɛa ba'a mama ta wəshi ketsa. Ɗeke ɗeke yɛ tsetsenya kezha gwəɗəŋə ba'a kezha hawe va pa ta wəndə nya sleteyi nya 'ya tse gɛ na? Ma kehawema yɛ ve ne, taghanyɛ tebete ŋayɛ mbeli kwa ŋkwa nya tse ghwə nya wəba. Nyama shala nya kenza kazləgwəke ŋayɛ shave mbe dzeve ta ɗa wa?»

Daniyɛl 5:28

PERƐS, geze ta ŋkɛ, “kenehe nehe”: nahe meghea ŋa keneheve geva ba'a nahe ŋkɛ kendeke nda geva ke ka Mɛde ba'a ka Pɛrse.»

Daniyɛl 7:25

Kategeze ghena ŋkele ntsə ŋkɛ te Shala tehwə ghweme ba'a katesa nda yaka ŋkɛ ke mbelia Shala. Katekele zəzə ŋkɛ kezha zhɛre yɛ hɛa yɛ gəsəkə ba'a wəsə mahalegəa Shala. Katenza mbelia shɛhɛ mbe dzeve ta ŋkɛ kava mahekene ba'a kwete yite.

2 Ka Korɛnte 2:17

Kenza gheɓəmə kala kweci mbeli nyi kemene fəli le ghena ta Shala we, kawəfərə ghena ganyɛ gheɓəmə we. Ghena nya kese va Shala yageze gheɓəmə. Kwa kema ta ŋkɛ geze kaganda gheɓəmə, kala mbeli nyi kemene nda slene ke Kriste.