Daniyɛl 2:4 - Ghena ta Shala

⁴ Ma ke ka kelɛŋə sha meghe le ghena ta ka Aram: «Meghe yawe, hɛyi ŋa Shala teghweme! Gezete nda shiwəa ŋa ke ka mene slene ta ŋa, yitea gezete ŋa ghena nya mbe ghen'yɛ.»

Daniyɛl 2:4 Iomraidhean Croise

Gha ta Wəshi 31:47

Pa Laban hekate nda slə ke ŋkwa shɛ kaYegar-Sahadəwta, ama Galɛd hekate nda slə Zhakob.

Gha ta Wəshi 41:8

Ma masheke ne, kwetɛ kwetɛŋe mehele ta Farawon. Pa ŋkɛ hekake ka mene ghwɛ ba'a ka ntsehwele ntsehwele nyi mbe Ɛzhipte pɛtɛ. Pa ŋkɛ gezete nda shiwəa ŋkɛ ke hɛ, ama wəndə shɛ kegezete nda ghena nya mbe we.

1 Ka Meghea Kɛfi 1:25

Va nya nza nde nahe Adoniya kedzawa Ɛn-Rogəwɛl ɓeshi kamene gəsəkə nya wəba, na kedzeghekɛ melɛ le wəshi keseɗa kwele kwele, yɛ sla le yɛ leve nyi hɛnɛhɛa hɛnɛhɛa le timɛti. Nahe ŋkɛ kehekate ŋwalea ŋa yite, tsagha mbeli nyi te ghəa ka sewajɛ ba'a nde dzeghe Shala Abiyatar. Pɛtɛ mbeli nyighɛ kazeme wəshi ba'a kasa wəsə jikə le, ma ke hɛ sha lewela: ‹Ŋa ŋa hɛɗia ŋa meghe Adoniya!›

1 Ka Meghea Kɛfi 1:31

Gwəɗəŋə Bacɛba mbe kema ta meghe le kema mbe hɛɗi, ma ke shɛ: «Ŋa ŋa hɛɗia ŋa kaghala ghala, maze David!»

2 Ka Meghea Kɛfi 18:26

Ma ke yɛ Ɛliyakim wəzege ta Hilkiya le Shebna ba'a Yowa sha meghea ghedəkwəa ka Asiri: «Geze n'yɛ le ghena ta ka Aram, kafa ghen'yɛ. Mba na kegeze n'yɛ le ghena ta ka Ɛbrə, yagha mbeli nyi pelɛ zli nyi kafate.»

Ɛsdras 4:7

Ɓiyitsa, kwa nza Artasɛrsɛs ka meghea ka Pɛrse ne, pa yɛ Bishelam, Mitrɛdat, Tabɛyɛl le kweci mbelia nci rafete nda palepa ke meghe Artasɛrsɛs. Ma palepa shɛ ne, le rafe wəsə ta ka Aram ba'a le ghena Aram rafete mbeli.

Nɛhɛmi 2:3

Ya tsagha shɛ ŋkɛ, pa 'ya zhɛnete nda ke meghe: «Meghe yawe, pa Shala nza le gha! Tsema shɛma 'ya nza le kema teheɗe kakwəfi meleme nya lamte ka shihɛ ɗa mbeli mbe ba'a ketere tere gelembe nyi mɛa degha ta ŋkɛ wa?»

Ɛzayi 36:11

Ma ke Ɛliyakim, Shebna ba'a Yowa sha wəndə nya te ghəa ka sewajɛ: «Təhwə təhwə geze n'yɛ ghena le ghena ta ka Aram, kwa nza ŋkɛ kafa ghena shɛ ghen'yɛ. Ama gezema n'yɛ ghena na le ghena ta ka Ɛbrə, kafefa mbeli nyi dzeyi te zli nyi ma.»

Ɛzayi 44:25

'Ya katezhɛre ghena ta ka kelɛŋə kawəsə gəmə, 'ya katetazemte nda mehele ke mbeli nyi kencɛ wəsə nya ketemene geva, katezhɛne ka ntsehwele ntsehwele 'ya dzeyi te sebe ba'a katencɛ ɗepe mene wəsəa nci ka gezhia kɛfi.

Daniyɛl 1:4

ŋwale tezhili nyi ɗema beze te hɛ, nyi ndeɗe ndeɗe, nya kentsehwele ntsehwele, nyi keɗepe wəshi ba'a nyi nza zəzə va hɛ, yitea mene slene hɛ ki ghɛa meghe. Kateteke rafe wəshi ba'a ghena ta ka Babilone hɛ.

Daniyɛl 2:7

Kakwa bake zhigə ne, ma ke hɛ sha meghe: «Meghe yawe, gezete n'yɛ shiwəa shɛ, ghen'yɛ ka mene slene ta ŋa, yitea gezete ŋa ghena nya mbe ghen'yɛ gi!»

Daniyɛl 3:9

Ma ke hɛ sha meghe Nabəkodonozor: «Meghe yawe, hɛyi ŋa Shala teghweme!

Daniyɛl 4:19

Meghe yawe, gha ya kawəfea shɛ gɛ! Nahe na kezhɛre ŋa wəbake ba'a bereteke. Kakwaɗe ghweme kwelea ŋa ba'a kapesle geva berete ta ŋa hwa'a te mendɛkwe ta hɛɗi.

Daniyɛl 4:7

Ma vəa ŋkwa nya nza 'ya meɓelahe te gezle ta ɗa ne, wa nya wəsə nya nakɛ 'ya nya: Ma te tepe ta hɛɗi ne, wəfe ya shɛ kebiyanyɛ.

Daniyɛl 4:9

Nahe yɛ slekea ŋkɛ kenza kendeɗe ndeɗenji ba'a nahe yɛ ya kenza kwele kwele te. Kaŋ'we wəsə kezeme pɛtɛa wəshi nyi nza mpi hwe te. Kanza wəshi keseɗa nyi hwa gamba yitea shenaŋkwe ta ŋkɛ, kapa ghɛa nci yɛ 'yɛ dzeyi te yɛ dzeve ta ŋkɛ. Nahe ŋkɛ kenza kawəsə kezeme ta yayata wəsə nya nza mpi hwe.

Daniyɛl 5:10

Pa meghekɛa meghe fate lewela nya tsate meghe ba'a ŋa mbelia jama nyi yite. Pa nde dzembe cɛ kezeme wəsə kezeme, ma ke sha meghe: «Meghe yawe, hɛyi ŋa Shala teghweme! Dakema na va yɛ zəzə ta ŋa ba'a nzama kema ta ŋa tɛarawe rawe ma.

Daniyɛl 5:8

Tagha gɛ, pa pɛtɛa ka ntsehwele ntsehwelea meghe dzeki, ama wəndə shɛ hwa hɛ kejaŋgate rafea shɛ keɗema kegezete nda ghena nya mbe ke meghe we.

Daniyɛl 6:21

Ma kahende geva ŋkɛ kase sha kia shɛ ne, ma ke hekate Daniyɛl le nehwene kwa ŋwələ: «Daniyɛl, nde mene slene ta Shala teghweme, nahe Shala ta ŋa nya ntsə geva nya na kamene nda slene kembelete ŋa va yɛ nivɛrə tse gɛ na?»

Daniyɛl 6:6

Ma ke mbelia shɛhɛ kwelɛ ghəa nci: «Wəsə shɛ kesləyi gheɓəmə kezha ve nda fete ke Daniyɛl we, nda gheɓəmə kakemave wəsə keve nda fete mbe hawe ta ŋkɛ va wəsə mahalegəa Shala ta ŋkɛ.»

Daniyɛl 6:7

Le dera le dera ne, cape mbeli nyi te ghəa shɛhɛ ba'a mbelia jama shɛhɛ kalə sha meghe, ma ke hɛ shɛ: «Meghe Dariyəs yawe, hɛyi ŋa Shala teghweme!

Matiye 21:9

Ma ke mbeli nyi mbe kema ta Yɛsə ba'a nyi kwetere wəmbəa ŋkɛ Sha tsa lewela: «Tsahe ɓəmə wəzege ta David! Kewəpi wəpi nza wəndə nya kese te sləa Mahwətə! Tsahe Shala nya pelɛ ghweme mbeli!»

1 Saməyɛl 10:24

Ma ke Saməyɛl sha mbeli: «Nahe yɛ kenakɛ wəndə nya ntave Mahwətə gɛ! Wəndə nya kala gheŋkɛ hwa mbeli tɛape we.» Tagha gɛ, pɛtɛa mbeli katsa gaghwe, ma ke hɛ: «Ka! Ka! Same meghe!»