Daniyɛl 2:22 - Ghena ta Shala

²² Gheŋkɛ nde ncɛ wəshi nyi dzawe dzawe nyi tewəfərə. Nahe ŋkɛ keɗepe wəsə nya tewəfərə mbe ŋkwesle, kwa nza ŋkɛ kaɓele waŋe dzeyi yite.

Daniyɛl 2:22 Iomraidhean Croise

Gha ta Wəshi 41:16

Ma ke Zhozɛf sha Farawon: «'Ya ŋkɛ we! Shala nde nza kancɛte ŋa ghena nya mbe tiɗiɗi.»

Palepa ta JOB 12:22

Kancɛ wəshi nyi te wəfərə mbe ŋkwesle ŋkɛ darahwe, ba'a kave waŋe ŋkɛ kənəa wəsə nya mbe ŋkwesle ta va.

Palepa ta JOB 26:6

Kwa nza ŋkɛ ne, darahwe ghɛa mbelia kwahɛɗi kwa kema ta Shala, wəsə shɛ kewəfərəakɛ ŋkɛ kwa ntsə ta ŋkɛ we.

Cimə 104:2

Kanza na bətə mbe waŋe kala karalame, kapelake ghweme na kala cɛ lekwesa.

Cimə 25:14

Kanza Mahwətə le mbeli nyi kehawe ve, kancɛ nda jikə geva ta ŋkɛ ŋkɛ ke hɛ.

Cimə 36:9

Kabehe ghə hɛ le wəshi kezeme nyi kwele kwele ki ghɛa ŋa, kasa yɛmə na ke hɛ kwa hələa ganyɛa ŋa.

Nde zlape ghena 8:1

Wəndə nya kenza kentsehwele ntsehwele fate fate shɛ we. Wəndə shɛ keɗepe zeweve ta wəshi nyi ketemene geva we. Ndagwara kawaŋe nda kema ta wəndə ntsehwelea ŋkɛ ba'a kaza gerese nyi kwa kema ta ŋkɛ ŋkɛ.

Ɛzayi 41:22

Hendeke mə geva ba'a geze n'yɛ mə wəsə nya ketemene geva tse ga! Wa wəshi nyi keghate kamenete geva wa? Geze n'yɛ hɛ kezha kele zəzə n'yɛ te hɛ. Keɗema ne, geze n'yɛ mə və nya ketese yitea ɗepe wəsə nya ketemene geva n'yɛ.

Ɛzayi 41:26

Wa nde gezete wəsəa shɛ se kaghate kezha ɗepete ghen'yɛ wa? Wa nde gezete se vəashi kezha geze n'yɛ kakaganda ŋkɛ wa? Wəndə shɛ kegezete wəsəa shɛ we, wəndə shɛ kehekɛmete we, wəndə shɛ kefate ghena ta ŋayɛ we.

Ɛzayi 42:9

Nahe wəshi nyi keghate kemenete geva, wəshi mɛnɛfɛ yageze ŋayɛ 'ya tsetsenya. 'Ya kageze ŋayɛ hɛ, nda temene geva hɛ.»

Ɛzayi 45:7

'Ya nde mene waŋe ba'a 'ya nde pa ŋkwesle, 'ya nde mene zeɗe nza ba'a 'ya nde mene ndiremi. 'Ya Mahwətə nde mene pɛtɛa wəshia shɛhɛ.

Zhɛrɛmi 23:24

Ma ke Mahwətə: «Ma kewəfərənyɛ wəndə, kanakɛma ŋkɛ 'ya na? Ashɛ hərəkə ŋkwa nya pelɛ ghweme le nya te hɛɗi va 'ya wəka?» Nya ya kaghena nya gezete Mahwətə.

Zhɛrɛmi 33:3

Heka sləa ɗa, katezhɛne ŋa 'ya, katencɛ ŋa wəshi nyi jama jama nyi ɗepema na 'ya.

Daniyɛl 2:11

Nahe wəsə nya 'yɛwe nya meghe kenza dzawe, wəndə shɛ kagezete nda ŋkɛ ke meghe we, nda yɛ shala. Ama kenza hɛ hwa mbeli we.»

Daniyɛl 2:19

Tagha gɛ, pa shiwə nya tewəfərəa shɛ ncɛte nda geva ke Daniyɛl heviɗi. Kwa sebe ta ŋkɛ, pa Daniyɛl tsahekɛ Shala nya pelɛ ghweme.

Daniyɛl 2:47

Kwa sebe ta ŋkɛ, ma ke sha Daniyɛl: «Kaganda ne, Shala ta ŋayɛ ya kaShala ta yɛ shala, kaNde sleke ka meghea kɛfi ba'a kande ncɛ wəshi nyi tewəfərə. Kwa nza ŋkɛ ne, nahe na kencɛte ɗa wəsə nya tewəfərə nya.»

Daniyɛl 5:11

Ma te hɛɗia ŋa ne, wəndə nya nza sefəa yɛ shala mbe ya shɛ. Ma te vəa yiteyɛ ŋa ne, nahe mbeli kesləyi kelɛŋə, ɗepe wəsə ba'a ntsehwele kala ŋa yɛ shala mbe. Vatse veyi ŋkɛ yiteyɛ ŋa, meghe Nabəkodonozor kawəndə nya te ghəa ka mene ghwɛ, ka kelɛŋə, ka ɗepe nza ta yɛ saseregwa ba'a ka ŋa zlera.

Daniyɛl 5:14

Nahe 'ya kefate kageze mbeli sefəa yɛ shala ya mbe gha ba'a nahe mbeli kesləyi kelɛŋə, ɗepe wəsə ba'a ntsehwele nya dzawe mbe gha.

Matiye 13:13

Vatse nda se 'ya kageze nda ke hɛ le ghena keyipə pa, va nya newe ŋkwa kaɗema kaveregheve, nya fa ghena hɛ kaɗema kafave ghena nya mbe.

Zhaŋe 1:9

Nahe Ghena kese kawaŋe nya kaganda, nya kesawa te hɛɗi ba'a nya kewaŋe mbeli pɛtɛ.

Zhaŋe 21:17

Ma ke Yɛsə shɛ kakwa maheke zhigə: «Simon, wəzege ta Zhaŋe, kaɗe ɗa na pa na?» Benake Piyɛre va nya 'yɛwe Yɛsə kakwa maheke zhigə. Ma ke: «Nde sleke ŋkwa, nahe na keɗepe wəshi pɛtɛ, nahe na keɗepe ɓiyitsa kaɗe ŋa 'ya.» Ma ke Yɛsə shɛ: «Yewə, ya timɛtia ɗa.»

Zhaŋe 8:12

Ma ke Yɛsə geze nda ke mbeli zhɛkwa: «'Ya ya kawaŋe ta hɛɗi lema. Ma yayata wəndə nya ketəkwə təkwəte ɗa ne, katedzeghwa ŋkɛ hwa ŋkwesle we, ama katekemave waŋea mpi ŋkɛ.»

1 Ka Korɛnte 4:5

Vatse gɛ ne, mba yɛ kemeha ghwə te wəndə tewə vəa ŋkɛ kese, tewə Nde sleke ŋkwa kenaka kase. Gheŋkɛ nde tencɛ wəshi nyi tewəfərə mbe ŋkwesle te waŋe, pɛtɛ tencɛ wəshi nyi kwa wənəa mbeli nyi wəfərəakɛ hɛ ŋkɛ. Ma vəa ŋkwa shɛ ne, katekemave tsahe ta ŋkɛ yayata wəndə va Shala kala nya nza ŋkɛ.

Ka Ɛfɛze 3:5

Kese Shala kancɛ nda ghena nya tewəfərəa shɛ ke mbeli nyi ghalanza we, ama tsetsenya ncɛte nda Shala ke ka ghwene ta Yɛsə Kriste nyi ganji ba'a ka mɛ ŋkwa ta ŋkɛ laka Sefəa ŋkɛ.

Zhɛne Ghwelə yitea Wəshi Mahalegə 29:28

Ŋa Shala Mahwətə ta ɓəmə veyi geva wəshi nyi tewəfərə. Ama wəshi nyi kencɛte geva ne, ŋa ɓəmə hɛ, gheɓəmə ba'a ŋwalea ɓəmə kaghala ghala, yitea mene slene gheɓəmə le pɛtɛa ghena nyi mbe wəsə mahalegə nya.

1 Timotɛ 6:16

Gheŋkɛ kwetɛŋenyɛ nde ɗema kamte, nya te ŋkwa nya ghwɛaɗɛaɗɛa nya ɗema wəndə kahendave nda geva. Kegha wəndə kanakɛ ŋkɛ we, wəndə shɛ kapesle kanakɛ ŋkɛ we. Ŋa ŋkɛ zləvə ba'a berete kaghala ghala. Amɛn.

Ka Ɛbrə 4:13

Wəsə shɛ tewəfərə sha Shala we, darahwe rahwe pɛtɛa wəshi shɛ. Gheŋkɛ yategeze nda wəshi nyi menete gheɓəmə gheɓəmə.

Zhake 1:17

Ma yayata wəsə ganyɛ nya kemenete ɓəmə geva ba'a yayata wəsə gəmə nya nza zləvə te ne, sawa pelɛ ghweme hɛ, va Shala nya kepate wəshi nyi kewaŋe ŋkwa pelɛ ghweme. Kazhɛre pa Shala we, kagaŋkəɗə ŋkɛ we, ŋkwesle shɛ yite we.

1 Zhaŋe 1:5

Wa nya ghena nya fate ghen'yɛ va Yɛsə Kriste ba'a nya zlape ŋayɛ ghen'yɛ nya: Shala ya kawaŋe, ŋkwesle shɛ ya ci'a mbe we.