Daniyɛl 11:2 - Ghena ta Shala

² Ma tsetsenya gɛ ne, 'ya kageze ŋa kaganda. Katedzedzete meghe ka meghea kɛfi mahekene mbe Pɛrse, zhɛne ne, katetsene mcɛlə nde wəfaɗe za ma ke pɛtɛa kweci. Ma vəa ŋkwa nya tendeke nda berete mcɛləa ŋkɛ ne, katezele yayata ntsehwele ŋkɛ kezha ha nda mpa ke hɛɗia Grɛse.

Daniyɛl 11:2 Iomraidhean Croise

Ɛsdras 4:24

Ma pelɛ Zhɛrəzalɛm ne, nahe slene ta ŋa ta ghɛa Shala keghereŋete geva. Pa te kwa bake ta va ta Dariyəs, meghea ka Pɛrse ghereŋete geva ŋkɛ.

Ɛsdras 4:7

Ɓiyitsa, kwa nza Artasɛrsɛs ka meghea ka Pɛrse ne, pa yɛ Bishelam, Mitrɛdat, Tabɛyɛl le kweci mbelia nci rafete nda palepa ke meghe Artasɛrsɛs. Ma palepa shɛ ne, le rafe wəsə ta ka Aram ba'a le ghena Aram rafete mbeli.

Ɛstɛr 1:1

Wa nya wəsə nya kemenete geva nya te vəa Sɛrsɛs. Gheŋkɛ ya kameghe te sla ta hɛɗi gwəmsə ba'a bakemsə mberefaŋeghəmbe, slə mbe Ɛnde hwa'a te hɛɗia Ɛtiyopi.

Yɛ Ghena Ŋela 22:21

'Ya kateteke ŋa geze ghena tiɗiɗi ba'a ntare ntare. Kategeze nda ghena nyi kaganda na ke wəndə nya keghwene ŋa.

Daniyɛl 10:1

Ma mbe kwa mahekene ta va ta Sirəs, meghe nya mbe Pɛrse te meghe ne, pa ghena ta Shala ncɛte nda geva ke Daniyɛl nya heka mbeli kaBɛltasar. Nahe ghena shɛ kenza kakaganda ba'a kaghena nya dzawe. Pa Daniyɛl zəzəve ghena shɛ ba'a fave ghena nya mbe wəsə nya nakɛ ŋkɛ.

Daniyɛl 11:25

Ma kwa vate ghə ŋkɛ te berete ta ŋkɛ ba'a hwepe ghə ta ŋkɛ ne, kateha nda mpa ŋkɛ le ka sewajɛ kwele kwele ke meghe nya laka bela kwa zeme. Ma meghea shɛ perə ne, katehi geva ŋkɛ yitea mpa le ka sewajɛ nyi berete berete kwele kwele, ama kateghereŋe ŋkɛ kwa kema ta ŋkɛ we, kwa nza ŋkɛ katetsa ghena mbeli yite.

Daniyɛl 7:5

Nahe kwa bake ta wəsə keseɗa kenza kala mtsekwele. Pa nde ghereŋenyɛ te bela kwetɛŋe ba'a 'yɛ'yɛa slerepe mahekene ya mbe mɛ ve. Ma ke mbeli gezete nda: Sate megela gɛ ga! Zeme sli kwele kwele gɛ!

Daniyɛl 8:21

Ma zhɛfa ne, meghea ka Grɛk ŋkɛ. Ma tereme nya wəba nya kwelɛ ntsə ta ŋkɛ nya ne, nde ghate ta meghe yancɛ ŋkɛ.

Daniyɛl 8:26

Nya ya kakaganda ta ghena nya mbe wəsə nya nakɛ nya na te ghəa yɛ tɛhwɛɗi ba'a masheke. Ama gezema ghena ta wəsə nya nakɛ nya na tsetsenya ma. Kwa nza ŋkɛ ne, cakeɗake və nyi temene geva ŋkɛ te.

Daniyɛl 8:4

Ma newe 'ya ne, kaɗa ŋkwa gamea shɛ le tereme laka ŋkwa kepəkwə ta veci, laka bela kwa gwela ba'a laka bela kwa zeme. Wəsə keseɗa shɛ kaghereŋe kwa kema ta ŋkɛ we, wəndə shɛ kazləgwəke ŋkwa ve we. Wəsə nya ɗe ŋkɛ yamene ŋkɛ ba'a nda mtsehe yamtsehe berete ta ŋkɛ.

Amos 3:7

Tsagha shɛ ne, kamene wəsə Shala Mahwətə kaɗema ŋkɛ kencɛte nda zəzə ta ŋkɛ ke ka mene slene ta ŋkɛ nyi kaka mɛ ŋkwa we.

Zhaŋe 10:35

Nahe mə keɗepe ɓiyitsa, wəsə nya gezete Shala ne, kakelemte geva ŋkɛ we, kashala yɛ ke Shala sha mbeli nyi geze nda geva ghena ta ŋkɛ.

Ghena Kelɛŋə 21:5

Tagha gɛ, ma ke wəndə nya mentishɛ pelɛ pasla: «Ma tsetsenya gɛ, 'ya kezhɛre pɛtɛa wəshi kamɛnɛfɛ.» Zhɛne ne, ma ke sha 'ya: «Rafete wəsə nya, kwa nza ŋkɛ nahe yɛ ghena ta ɗa kenza kakaganda ba'a tiɗiɗi.»