Daniyɛl 10:9 - Ghena ta Shala

⁹ Pa 'ya fate ŋwələa ŋkɛ. Ma va gaka ta ŋwələa ŋkɛ ne, pa mehele ta ɗa zanyɛ ba'a pa 'ya teɗe ɗa njifə kema mbe hɛɗi.

Daniyɛl 10:9 Iomraidhean Croise

Gha ta Wəshi 15:12

Ma kwa teɗe veci, shelɛŋe hɛ kelehwe Abram, pa ŋkwesle nya zhikwətəkwə ba'a nya ghazlənə mbeli ve menete nda geva.

Gha ta Wəshi 2:21

Pa Shala Mahwətə veyite wəndə nyagha yitea hɛ tsape tsape, pa ŋkɛ kweraɗeve slerepe ta ŋkɛ kwetɛŋe, zhiɓəyi sli te ŋkwa ŋkɛ.

Palepa ta JOB 33:15

Kageze ghena ŋkɛ laka yɛ shiwə, laka wəshi nyi newe mbeli heviɗi, vəa ŋkwa nya nza mbeli shelɛŋe yitea hɛ, vəa ŋkwa nya nza hɛ yitea hɛ te gezle ta nci.

Palepa ta JOB 4:13

Heviɗi menete geva ŋkɛ, te shiwə, vəa ŋkwa nya nza mbeli ca'a ca'a yitea hɛ.

Cimə nya zeɗe ma 5:2

Yitea hɛ 'ya, ama le ntsə mehele ta ɗa. Pa 'ya fate gaka ta wəsə, wəndə nya ɗe 'ya nde tsa gelembe. Pelemte ɗa ŋkwa wəzha ta meyɛ ɗa, meghwate ɗa, ghwəɗəŋkwə ta ɗa nya ɗema beze te. Nahe ghəa ɗa kenza bətə mbe mɛnɛ ba'a yɛ shintia ɗa kenza ncɛhwɛaɓɛ va mɛnɛa viɗi.

Daniyɛl 10:16

Ama pa kwete wəsə kala wəndə ŋelɛ kwaɗakɛ bəzhia mɛa ɗa. Pa 'ya ghwenemte mɛ ba'a ntake 'ya kageze ghena. Ma 'ya sha wəndə nya meslete kwa kema ta ɗa: «Nde sleke ɗa yawe, ma tewəmbəreke wəsə nya nakɛ 'ya ne, nahe 'ya kenza keyirə yirə ba'a kedene dene.

Daniyɛl 8:18

Ma vəa ŋkwa nya geze ɗa ghena ŋkɛ ne, pa wəsə slate ɗa, mba kema ta ɗa njifə mbe hɛɗi. Pa ŋkɛ kwaɗakɛ ɗa ba'a kelakate ɗa sate te ŋkwa.

Habakək 3:16

Nahe 'ya kefate gaka shɛ ba'a nahe mehele ta ɗa ketazenyɛ. Kabare bare bəzhia mɛa ɗa va ghazlənə, nahe geva ta ɗa kenza keta ta, kabare bare ŋkwa nya yitea ŋelia ɗa. Mbe nza divə ne, kaneghe vecia yaka 'ya kezha lə kampa le mbeli nyi keha ɓəmə mpa.

Ləwke 22:45

Ma kwa kiɗimte səkwə ŋkɛ ne, pa zhɛneke geva kase sha mbeli nyi ketəkwə təkwə. Ma se ŋkɛ ne, yitea hɛ va yirə ta mehele.

Ləwke 9:32

Ma yɛ Piyɛre hɛ le mbeli nyi nza ŋkɛ le ne, yitea hɛ hɛ. Ma kwa feɗeghe hɛ ne pa hɛ nakɛ Yɛsə mbe zləvəa ŋkɛ le mbeli bake tagha yite.

Ghena Kelɛŋə 1:17

Ma kwa nakɛ 'ya ne, terərəmə 'ya teɗe ɗa yitea seɗa ta ŋkɛ kala wəndə kemte mte. Pa ŋkɛ dapeyi ɗa dzeve kwa zeme ta ŋkɛ kwa ghə, ma ke sha 'ya: «Ghazlənəma na ma, 'ya ya kande ghate ba'a kande keɗaŋe.