Daniyɛl 10:2 - Ghena ta Shala

² Ma 'ya, 'ya Daniyɛl mbe vəa shɛ ne, pa 'ya nza ɗa kala wəndə nya mte wəndə ve kashikwə mahekene.

Daniyɛl 10:2 Iomraidhean Croise

Nɛhɛmi 1:4

Ma kwa fate ghena nyighɛ 'ya ne, ntishɛ 'ya kanehwene. Kala wəndə nya mte wəndə ve 'ya kahɛ kwele kwele, kamene səwəmayɛ. Ntake 'ya kasəkwə Shala nya pelɛ ghweme,

Cimə 42:9

Ncɛte ɗa ganyɛa ŋkɛ Mahwətə heveci. Tsagha gɛ ne, kategha nda cimə 'ya heviɗi, katesəkwə Shala nya keve ɗa teghweme 'ya.

Cimə 43:2

Gha ya kaShala ta ɗa nya keya ɗa. Va neghamte ɗa na wa? Va wa dzeghwa 'ya keyirə yirə ba'a sa ɗa yaka ka jaga wa?

Ɛzayi 66:10

Gheyɛ nyi keɗe Zhɛrəzalɛm, zlama mə kezha gheŋkɛ, nza mə fare fare tewəmbəreke gheŋkɛ. Gheyɛ nyi kese kanehwene tewəmbəreke ndiremi nya kese te, zlama mə fate fate kezha gheŋkɛ.

Zhɛrɛmi 9:1

Ma nda ghwəli ya va 'ya kwamte te ɓerama kala ka dzehwa mte ne, nza nahe 'ya kesərəakɛ mbelia ɗa kalə ɗa cakeɗake. Pɛtɛ hɛ kaka vale tahe, kawəvəsəa ka mbəɗəkwəa kɛfi.

Daniyɛl 10:12

Ma ke mtsehete: «Ghazlənəma na ma Daniyɛl ma! Kwa nza ŋkɛ ma se te kwa ghate ta hɛ nya ɗehwe fa wəsə nya kemenete geva ba'a nya shifəmte ghəa ŋa na kwa kema ta Shala ne, nahe səkwə ta ŋa kefate geva. Kezha zhɛne səkwə ta ŋa se 'ya.

Matiye 9:15

Ma ke Yɛsə sha hɛ: «Ma zəzə yɛ ne, wərə mbeli nyi hekakɛ mbeli yitea makwa kanehwene za makwa tagha ŋkɛ hwa hɛ na? Ama katese kwete və nya tekelehwe za makwa mbeli va hɛ, te vecia shɛ temene səwəmayɛ hɛ.

Ka Rome 9:2

Kewəba bezenyɛ ba'a zhɛ ɗa wənəa ɗa, kashɛ ŋkɛ gweɗakwe we.

Zhake 4:9

Nza mə teheɗe le kema, nehwene mə, ŋgaɗe mə ghə, nehwene mə kamejara ŋ'wəshi nya ŋ'wəshi yɛ, heɗe mə kema kamejara zlama ta ŋayɛ.

Ghena Kelɛŋə 11:5

Ma keɗe wəndə kamene nda wəsə kwa ndiremi ke hɛ ne, kasame ghwə kwa mɛa nci kampə nde jaga ta nci. Tsetse temte yayata wəndə nya keɗe kamene nda wəsə kwa ndiremi ke hɛ.