Daniyɛl 1:9 - Ghena ta Shala

⁹ Pa Shala pelave nda hweŋkwa ke wəndə nya te ghəa ka mene slene kezha yɛ 'yɛwe ta Daniyɛl le ganyɛa mehele ba'a zhɛ heli.

Daniyɛl 1:9 Iomraidhean Croise

Gha ta Wəshi 32:28

Ma ke shɛ: «Wa sləa ŋa wa?» -- «Zhakob sləa ɗa», ke shɛ.

Gha ta Wəshi 39:21

nahe Mahwətə kenza le gheŋkɛ. Pa ŋkɛ ncɛte nda ganyɛa ŋkɛ laka zhɛ helia wəndə kwele nya te ghəa daŋgayɛ.

1 Ka Meghea Kɛfi 8:50

Kelemte jaɗafa nya menete ŋa mbelia ŋa te wənə, kelemte fama ghena ta nci laka gha te wənə ba'a ndeke nda zhɛ heli yitea hɛ ke ka jaga ta nci.

Nɛhɛmi 1:11

Kampi ŋa dzeve 'ya, Mahwətə, fate səkwə nya səkwə ŋa 'ya ndeɗekə ba'a ŋa kweci ka mene slene ta ŋa nyi kezlama yitea ve zləvə te gha. Yipəyi wəshi nyi 'yɛwete nyi 'ya va gha kwa ɓeshi ba'a ndeke nda hweŋkwa ke meghe kazhɛne ɗa ŋkɛ le ganyɛa mehele.» Kande kele nda wəshi kesa 'ya ke meghe vəa ŋkwa shɛ.

Nɛhɛmi 2:4

Ma ke meghe 'yɛwete va 'ya: «Wa yaɗe na kamene ŋa 'ya tse gɛ?» Taghanyɛ, pa 'ya səkwəte Shala nya pelɛ ghweme,

Ɛstɛr 2:9

Ndeɗehwe nda wəzha shɛ kwele kwele ke Hɛgɛ, pa nde kemave zlaɓa ta ŋkɛ. Pa ŋkɛ fəave nda wəshi kepesa geva nyi kehi taghanyɛ ba'a wəshi kezeme nyi zeɗe zeɗe. Pa ŋkɛ ndeke nda kweci hwa mi nyi kemene slene ganji ki ghɛa meghe mberefaŋe kakemane, pa veyi hɛ te ŋkwa nya ganyɛ ma mbe ghɛa mi.

Palepa ta JOB 5:15

Ama kambele wəndə nya keyirə yirə Shala same kwa mɛa nci, kazləgwə nde titikwə ŋkɛ shave mbe pela ta nci nyi berete berete.

Palepa ta JOB 5:16

Tsagha, mbele ya shɛ va ka dewə ŋeli, kaŋzle nda mɛ ŋkɛ ke ka beze ghena shɛhɛ.

Cimə 106:46

Pa ŋkɛ zhɛakɛ heli yitea hɛ va pɛtɛa mbeli nyi kefəhwe hɛ.

Cimə 4:3

Gheyɛ mbeli, hwa'a tema tezhigə yɛ mbe ɓelama zləvəa ɗa wa? Hwa'a te nyama və teɗe wəsə kwadanyɛ ba'a tezele tseŋwə yɛ tse wa? Zhɛne mpi

Yɛ Ghena Ŋela 16:7

Ma kenza dzeghwa ta wəndə zeɗehwe nda ke Mahwətə ne, katseɓa ŋkɛ ŋkɛ ya le ka ghema ta ŋkɛ.

Daniyɛl 1:10

Ama ma ke wəndə nya te ghəa ka mene slene sha Daniyɛl: «Meghe le ghəa ŋkɛ nde gezete wəsə kezeme ta ŋayɛ ba'a wəsə kesa ta ŋayɛ. Kazhɛ ɗa ghazlənə yagha ŋkɛ tesləyi ŋayɛ sheŋwe sheŋwe hwa kweci ka mandalahɛ ŋayɛ. Tsagha ne, katesla ghə ŋkɛ te 'ya tewəmbəreke gheyɛ.»

Slene 7:10

Pa ŋkɛ mbelakave ŋkɛ shave mbe pɛtɛa yaka nya kənə. Pa Shala wəpikɛ ŋkɛ, pa ŋkɛ ncɛte nda ntsehwele kwa kema ta Farawon, meghea ka Ɛzhipte. Pa Farawon veyi Zhozɛf kaŋgwamna te ka Ɛzhipte ba'a te ghəa ghɛa ŋkɛ.