Daniyɛl 1:4 - Ghena ta Shala

⁴ ŋwale tezhili nyi ɗema beze te hɛ, nyi ndeɗe ndeɗe, nya kentsehwele ntsehwele, nyi keɗepe wəshi ba'a nyi nza zəzə va hɛ, yitea mene slene hɛ ki ghɛa meghe. Kateteke rafe wəshi ba'a ghena ta ka Babilone hɛ.

Daniyɛl 1:4 Iomraidhean Croise

Gha ta Wəshi 41:46

Va ta Zhozɛf mahekenemsə nda dzawa kema ta Farawon, meghea ka Ɛzhipte ŋkɛ. Pa Zhozɛf sərəakɛ Farawon kezha dzedzeghwa dzeyi mbe pɛtɛa hɛɗia Ɛzhipte.

2 Saməyɛl 14:25

Mbe pɛtɛa ka Israyɛl ne, wəndə shɛ kandeɗe, kaɗe mbeli kala Absalom we: sawa pelɛghə pa kwa seɗa ne, kanakɛ ŋele na te we.

Yɛ Ghena Ŋela 22:29

Nahe na kenakɛ wəndə nya kemene slene ta ŋkɛ megela na? Wərə ŋkɛ kadzawa kema ta meghe kenya nza ŋkɛ hwa mbeli nyi ɗema zləvə te hɛ.

Nde zlape ghena 7:19

Ma ntsehwele ne, kazhɛre nde ntsehwele ntsehwele ŋkɛ berete ma ke ka ŋgwamna nyi meŋe mbe meleme.

Ɛzayi 36:11

Ma ke Ɛliyakim, Shebna ba'a Yowa sha wəndə nya te ghəa ka sewajɛ: «Təhwə təhwə geze n'yɛ ghena le ghena ta ka Aram, kwa nza ŋkɛ kafa ghena shɛ ghen'yɛ. Ama gezema n'yɛ ghena na le ghena ta ka Ɛbrə, kafefa mbeli nyi dzeyi te zli nyi ma.»

Zhɛrɛmi 5:15

Ma ke Mahwətə: «Ka Israyɛl, 'ya tekele kwete hwelefe nya cakeɗake kase kampa le gheyɛ, hwelefe nya le berete ba'a nya vəashi. Kaɗepe ghena ta nci yɛ we, kafate wəsə nya geze hɛ yɛ we.

Daniyɛl 2:10

Ma ke ka kelɛŋə zhɛnete nda: «Meghe yawe, wəndə shɛ te hɛɗi lema kamenete wəsə nya 'yɛwe nya na we. Kwa nza ŋkɛ meghe shɛ, ya gheŋkɛ nza wəbake keɗema bereteke, kegha ka'yɛwe wəsə nya kala nya va nde ŋa zlera, va nde mene ghwɛ keɗema va nde va kelɛŋə we.

Daniyɛl 2:2

Pa ŋkɛ gezete kezha heka ka mene ghwɛ, ka ŋa zlera, ka beze ŋkwa le ghwɛ ba'a ka kelɛŋə, yitea ncɛ nda shiwəa ŋkɛ hɛ ke meghe. Pa hɛ se ba'a ghereŋenji kwa kema ta meghe.

Daniyɛl 3:8

Tewə ketemə kwetere wəmbəa ŋkɛ ne, pa kweci ka Babilone se ba'a ndeke nda fete ke ka Zhəwif.

Daniyɛl 4:7

Ma vəa ŋkwa nya nza 'ya meɓelahe te gezle ta ɗa ne, wa nya wəsə nya nakɛ 'ya nya: Ma te tepe ta hɛɗi ne, wəfe ya shɛ kebiyanyɛ.

Daniyɛl 5:11

Ma te hɛɗia ŋa ne, wəndə nya nza sefəa yɛ shala mbe ya shɛ. Ma te vəa yiteyɛ ŋa ne, nahe mbeli kesləyi kelɛŋə, ɗepe wəsə ba'a ntsehwele kala ŋa yɛ shala mbe. Vatse veyi ŋkɛ yiteyɛ ŋa, meghe Nabəkodonozor kawəndə nya te ghəa ka mene ghwɛ, ka kelɛŋə, ka ɗepe nza ta yɛ saseregwa ba'a ka ŋa zlera.

Daniyɛl 5:7

Pa meghe zlapete le berete kezha fə nda ka kelɛŋə, ka mene ghwɛ ba'a ka ŋa zlera mbeli kadzeki. Laŋe meghe te ghena, ma ke sha ka ntsehwele ntsehwele nyi mbe Babilone: «Ma wəndə nya kejaŋgate rafe nya ba'a nya kegezete ɗa ghena nya mbe ne, kateseɗe nda karalame 'ya, kateve nda livə mze kwa tere tere 'ya kwa welɛ ba'a katenza ŋkɛ hwa ka mene slene nyi jama jama te hɛɗia meghe.»

Daniyɛl 9:1

Ma mbe kwa ghate ta va ta Dariyəs, wəzege ta Kɛrkɛs, hwelefe ta ka Mɛde te meghe te hɛɗi ka Babilone,

Zakari 2:4

Ma 'ya 'yɛwete: «Wa yase mbeli nyi kamene wa?» Ma ke zhɛnete ɗa: «Ghenci se kadake ba'a kampə tereme nyi keɗate hɛɗia Zhəwda. Nahe hɛ ketazemte mbeli nyi mbe kwetɛ kwetɛŋe, wəndə shɛ kezhɛnete nda ghə ke hɛ we.»

Slene 7:20

Te vəa shɛ yake Moyize mbeli. Ganyɛke kema ta ŋkɛ, ganyɛke ŋkɛ sha Shala perə. Tere mahekene mbeli menete kazeme nda wəsə kezeme ki ghɛa yitenyɛ.

Slene 7:22

Tsagha ne, pɛtɛ Moyize tekeve ntsehwelea ka Ɛzhipte. Kwele kwele berete ve yitea ghena kageze le yayata slene kamene.

Ka Ɛfɛze 5:27

Nahe Kriste keɗehwe kave Jikə ta mbelia ŋkɛ kwa kema ta ŋkɛ mbe zləvə, wɛŋe, kaɗema beze te, kaɗema reɗa te. Nahe ŋkɛ keɗehwe kanza nde tekeleke ba'a kaɗema ŋele te.

Ka Meha ghwə 8:18

Ma ke Zhɛdɛyon 'yɛwakɛ va yɛ Zɛba le Salməwna: «Kala wa mbeli nyi mpəmte nyi yɛ pelɛ ghweme ta Tabor wa?» Ma ke hɛ zhɛnete nda: «Nahe hɛ kenza kala gha. Ma yayata wəndəa nci ne, kala wəzege ta meghe pa ta ŋkɛ.»